Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1452

明明明明明明明明明明明明明明明班
(२४-३३) दस पइन्नयसुत्तेसु-१२ भत्त परिन्ना पइन्नयं A
५७]
虽听听听听听听乐场乐乐乐乐乐蛋
CM
%%%%%5
%%%%%%%%
केइ कसाया सव्वे तिविहेण खामेमि ॥४८॥ १८७२. सव्वे अवराहपए खामेमि अहं, खमेउ मे भयवं । अहमवि खमामि सुद्धो गुणसंघायस्स संघस्स ॥४९॥ १८७३. इय वंदण-खामण-गरिहणाहिं भवसयसमज्जियं कम्म । उवणषइ खणेण खयं मियावई रायपत्ति व्व ।।५०॥ १८७४. अह तस्स महव्वयसुट्ठियस्स जिणवयणभावियमइस्स । पच्चक्खायाहारस्स तिव्वसंवेगसुहयस्स ॥५१॥ १८७५. आराहणलाभाओ कयत्थमप्पाणयं मुणंतस्स । कलुसकलतरणलढिं अणुसद्धिं देइ गणिवसमो॥५२॥ [गा. ५३-१५३. भत्तपरिन्नयं पइ गुरुणो वित्रओ अणुसट्ठी] १८७६. कुग्गहपरूढमूलं मूला उच्छिंद वच्छ ! मिच्छत्तं । भावेसु परमतत्तं सम्मत्तं सुत्तनीईए ॥५३|| १८७७. भत्तिं च कुणसु तिव्वं गुणाणुराएण वीयरायाणं । तह पंचनमोक्कारे पवयणसारे रइं कुणसु ॥५४॥ १८७८. सुविहियनिज्झाए सज्झाए उज्जओ सया होसु । निच्चं पंचमहव्वयरक्खं कुण आयपच्चक्खं ॥५५॥ १८७९. उज्झसु नियाणसल्लं मोहमहल्लं सुकम्मनिस्सल्लं । दमसु य मुणिंदसंदोहनिदिए इंदिमयंदे॥५६॥ १८८०.निव्वाणसुहावाए विइन्नरयाइदारुणावाए। हणसुकसायपिसाए विसयतिसाए सइसहाए॥५७|| १८८१. काले अपहप्पंते सामन्ने सावसेसिए इणिंह । मोहमहारिउदारणअसिलसिणसु अणुसढेिं ॥५८|| १८८२. संसारमूलबीयं मिच्छत्तं सव्वहा विवज्जेहि । सम्मत्ते दढचित्तो होसु नमोक्कारकुसलो य॥५९॥ १८८३. मगतिण्हियाहि तोयं मन्नंति नरा जहा सतण्हाए । सोक्खाइं कुहम्मा तहेव मिच्छत्तमूमणा ॥६०|| १८८४. न वितं करेइ अग्गी नेय विसं नेय किण्हसप्पो वि। जं कुणइ महादोसं तिव्वं जीवस्स मिच्छत्तं ॥६॥ १८८५. पावइ इहवे वसणं तुरुमिणिदत्तो व्व दारुणं पुरिसो। मिच्छत्तमोहियमणो साहुपओसाइपावाओ ।।६२॥ १८८६. मा कासितं पमायं सम्मत्ते सव्वदुक्खनासणए। जं सम्मत्तपइट्ठाई नाण-तव-विरिय-चरणाई ॥६३।। १८८७. भावाणुरायपेम्माणुराय-सुगुणाणुरायरत्तो य । धम्माणुरायरत्तो य होसु जिणसासणे निच्चं ॥६४।। १८८८. दंसणभट्ठो, न हु भट्ठो होइ चरणपन्भट्ठो । दंसणमणुपत्तस्स उ परियडणं नत्थि संसारे ॥६५।। १८८९. दंसणभट्ठो भट्ठो, दंसणभट्ठस्स नत्थि निव्वाणं । सिझंति चरणरहिया, दंसणरहिया न सिझंति ॥६६।। १८९०. सुद्धे सम्मत्ते अविरओ वि अज्जेइ तित्थयरनामं । जह आगमेसिभद्दा हरिकुलपहु-सेणियाईया ॥६७॥ १८९१. कल्लणपरंपरयं लहंति जीवा विसुद्धसम्मत्ता । सम्मइंसणरयणं नऽग्घइ ससुराऽसुरे लोए॥६८॥ १८९२. तेलोक्कस्स पहुत्तं लभ्रूण वि परिवडंति कालेणं । सम्मत्तं पुण लद्धं अक्खयसोक्खं लहइ मोक्खं ॥६९॥ १८९३. अरिहंतसिद्ध-चेइय-पवयण-आयरिय-सव्वसाहूसुं । तिव्वं करेसु भत्तिं तिगरणसुद्धण भावेणं ॥७०||१८९४.एगा वि समत्था जिणभत्ती दुग्गई निवारेउं। दुलहाईलहावेउं आसिद्धिपरंपरसुहाइं॥७१॥ १९९५. विज्जा वि भत्तिमंतस्स सिद्धिमुवयाइ होइ फलया य । किं पुण निव्वुइविज्जा सिज्झिहिइ अभित्तिमंतस्स ? ||७२।। १९९६. तेसिं आराहणनायगाण न करिज्ज जो नरो भत्तिं । धणियं पि उज्जमतो सालिं सो ऊसरे ववइ ॥७३॥ १९९७. बीएण विणा सस्सं इच्छइ सो वासमब्भएण विणा। आराहणमिच्छंतो आराहयभत्तिमकरंतो ॥७४|| १९९८. उत्तमकुलसंपत्तिं सुहनिप्फत्तिं च कुणइ जिणभत्ती । मणियारसेट्ठिजीवस्स दधुरस्सेव रायगिहे ||७५।। १९९९. आराहणापुरस्सरमणन्नहियओ विसुद्धलेसाओ। संसारक्खयकरणं तं मा मुच्ची नमोक्कारं ॥७६॥ २०००. अरिहंतनमुक्कारो एक्को वि हवेज जो मरणकाले। सो जिणवरेहिं दिट्ठो संसारुच्छेयणसमत्थो॥७७॥२००१. मिठो किलिट्ठकम्मो 'नमो जिणाणं' ति सुकयपणिहाणो। कमलदलक्खो जक्खो जाओ चोरो त्ति सूलिहओ ॥७८॥२००२. भावनमुक्कारविवज्जियाइं जीवेण अकयकरणाई। गहियाणि य मुक्काणि य अणंतसो दव्वलिंगाई ॥७९॥२००३. आराहणापडागागहणे अत्थो भवे नमोक्कारो। तह सुगइमग्गगमणे रहु व्व जीवस्स अपडिहओ ॥८०॥ २००४. अन्नाणी वि य गोवो आराहित्ता मओ नमुक्कारं । चंपाए सेट्ठिसुओ सुदंसणों विस्सुओ जाओ॥८१॥ २००५. विज्जा जहा पिसायं सुट्ठवउत्ता करेइ पुरिसवसं । नाणं हिययपिसायं सुट्ठवउत्तं तह करेइ ॥८२।। २००६. उवसमइ किण्हसप्पो जह मंतेण विहिणा पउत्तेणं । तह हिययकिण्हसप्पो सुट्ठवउत्तेण नाणेणं ||८३॥ २००७. जह मक्कडओ खणमवि मज्झत्थो अच्छिउंन सक्केइ । तह खणमवि मज्झत्थो विसएहिं
विणा न होइ मणो ||८४|| २००८. तम्हा स उट्ठिउमणो मणमक्कडओ जिणोवएसेणं । काउं सुत्तनिबद्धो रामेयव्वो सुहज्झाणे ॥८५।। २००९. सूई जहा ससुत्ता न शुनस्सई कयवरम्मि पडिया वि। जीवो वि तह ससुत्ता न नस्सइ गओ वि संसारे ॥८६॥ २०१०. खंडसिलोगेहि जवो जइ ता मरणाउ रक्खिओ राया । पत्तो य
GENELLELEC5555555555555555)श्री आगमगुणमंजूषा - १३४१55555555555555555555555555OR
%%%%%%%
%%%%%%%%%%%%
C%%%%%%%