Page Text
________________
(२४-३३) दस पइन्नयसुत्तेसु ८ संधारण पइण्णयं, ॐ कुसलाणुबंधि अझयणं [ ५३ ]
लोग विजयं करिते तेण झाणोवओगचित्तेणं । परिसुद्धनाण- दंसणविभूइमंतेण चित्तेण ॥ १२० ॥ १७३३. चंदगविज्झं लद्धं केवलसरिसं समाओऽपरिहीणं । उत्तमलेसाणुगओ पडिवन्नो उत्तमं अहं ॥ १२१ ॥ १७३४. एवं मए अभिथुया संथारगइंदखंधमारूढा । सुसमणनरिंदचंदा सुहसंकमणं ममं दितु ॥ १२२॥ ॥ [संथारगपइण्णयं सम्मत्तं ॥ ८ ॥]
5553 सिरिवीरभद्दायरियविरइयं [चउसरणपइण्णयावरणामयं कुसलाणुबंधिअज्झयणं]
[गा. १. आवस्सयछक्कस्स संखेवेणं अत्थाहिगारा] १७३५. सावज्जजोगविरई १ उक्तित्तण २ कुणबओ य पडिवत्ती ३ । खलिवस्स निंदणा ४ वणतिगिच्छ ५ गुणधारणा ६ चेव || १ || [गा. २ ७. आवस्सयउक्कस्स वित्थरेणं अत्थाहिगारा] १७३६. चारित्तस्स विसोही कीरइ सामाइएण किल इहई । सावज्जेयरजोगाण वज्जणाऽऽसेवणत्तणओ १ || २ || १७३७. दंसणयारविसोही चउवीसायत्थएण कज्जइ य । अच्चन्भुयगुणकित्तणरूवेणं जिणवरिंदाणं २ ||३|| १७३८. नाणाईया उ गुणा, तस्संपन्नपडिवत्तिकरणाओ । वंदणएणं विहिणा कीर सोही उ तेंसि तु ३३ ||४|| १७३९. खलियस्स य तेसि पुणो विहिणा जं निंदणाइपडिकमणं । तेण पडिक्कमणेणं तेसिं पि य कीरए सोही ४ ॥ ५ ॥ १७४०. चरणाइयाइयाणं जहक्कमं वणतिगिच्छरूवेणं । पडिकमणासुद्धाणं सोही तह काउसग्गेणं ५ ||६|| १७४१. गुणधारणरूवेणं पच्चक्खाणेण तवइयारस्स । विरियायारस्स पुणो सव्वेहि विकीर सोही ६ ||७|| [गा. ८. चोद्दस सुमिणाणि] १७४२. गय १ वसह २ सीह ३ अभिसेय ४ दाम ५ ससि ६ दिणयरं ७ झयं ८ कुंभं ९ । पउमसर १० सागर ११ विमाण-भवण १२ रयणुच्चय १३ सिहिं च १४ ॥ ८॥ [ गा. ९. मंगलं ] १७४३. अमरिंद-नरिंद-मुणिंदवंदियं वंदिउं महावीरं । कुसलाणुबंधि बंधुरमज्झयणं कित्तइस्सामि ||९|| [गा. १०. अत्याहिगारा] १७४४. चउसरणगमण १ दुक्कडगरिहा २ सुकडाणुमोयणा ३ चेव । एस गणो अणवरयं कायव्वो स ॥१०॥ [गा. ११. १ चउसरणगमणं ] १७४५. अरिहंत १ सिद्ध २ साहू ३ केवलिकहिओ सुहावहो धम्मो ४ । एए चउरो चउगइहरणा सरणं लहइ धन्नो ॥११॥ [गा. १२-२२. अरिहंता सरणं] ११ १७४६. अह सो जिणभत्तिभरुच्छरंतरोमंचकंचुयकरालो। पहरिसपणउम्मीसं सीसम्मि कयंजली भाइ ॥ १२ ॥ १७४७. राग-दोसारीणं हंता कम्मट्ठगाइअरिहंता । विसय कसायारीणं अरिहंता हुंतु मे सरणं ||१३|| १७४८. रायसिरिमवकमिंता तव चरणं दुच्चरं अणुचरिंता । केवलसिरिमरिहंता अरिहंता हुतु मे सरणं ॥ १४ ॥ १७४९. थुइ-वंदणमरिहंता अमरिंद-नरिंदपूयमरिहंता । सासयसुहमरहंता अरिहंता हुंतु मे सरणं ॥ १५॥ १७५०. परमणगयं मुणिंता जोइंद-महिंदझाणमरिहंता । धम्मकहं अरिहंता अरिहंता हुंतु मे सरणं ||१६|| १७५१. सव्वजियाणमहिंसं अरिहंता सच्चवयणमरिहंता । बंभव्वयमरिहंता अरिहंता हुंतु मे सरणं ॥ १७॥। १७५२. ओसरणमवसरिति चउतीसं अइसए निसेविंता । धम्मकहं च कहिंता अरिहंता हुंतु मे सरणं ।।१८।। १७५३. गाइ गिरा गे संदेहे देहिणं समं छित्ता । तिहुयणमणुसासिता अरिहंता हुतु मे सरणं ॥ १९ ॥ १७५४. वयणामएण भुवणं निव्वाविंता गुणेसु ठाविंता । जियोयमुद्धता अरिहंता हुंतु मे सरणं ||२०|| १७५५. अच्चन्भुयगुणवंते नियजसससहरपसाहियदियंते । निययमणाइअणंते पडिवन्नो सरणमरिहंते ||२१|| १७५६. उज्झियजरमरणाणं समत्तदुक्खत्तसत्तसरणाणं । तिहुयणजणसुहयाणं अरिहंताणं नमो ताणं ||२२|| [गा. २३-२९. सिद्धा सरणं] २ १७५७. अरिहंतसरणमलसुद्धिलद्धसुविसुद्ध सिद्धबहुमाणो । पणयसिररइयकरकमलसेहरो सहरिसं भणइ ||२३|| १७५८. कम्मट्ठक्खयसिद्धा साहावियनाण-दंसणसमिद्धा । सव्वट्ठलद्धिसिद्ति सिद्धा हुतु मे सरणं ||२४|| १७५९. तियलोयमत्थयत्था परमपयत्था अचिंतसामत्था । मंगलसिद्धिपयत्था सिद्धा सरणं सुहपसत्था || २५ || १७६०. मूलुक्खयपडिवक्खा अमूढलक्खा सजोगिपच्चक्खा । साहावियत्तसुक्खा सिद्धा सरणं परमसुक्खा ||२६|| १७६१. पडिपिल्लियपडिणीया समग्गझाणग्गिदड्डुभवबीय। जोईसरसरणीया सिद्धा सरणं सुमरणीया ||२७|| १७६२. पावियपरमाणंदा गुणनीसंदा विदिण्णभवकंदा | लहुईकयरवि चंदा सिद्धा सरणं खवियदंदा ॥२८॥। १७६३. उवलद्धपरमबंभा दुल्लहलंभाविमुक्कसंरंभा । भुवणघरधरणखंभा सिद्धा सरणं निरारंभा || २९ ॥ [ गा. ३०-४०. साहू सरणं ३] १७६४. सिद्धसरणेण नवबंभहेउसाहुगुणजणियअणुराओ । मेइणिमिलंतसुपसत्थमत्थओ तत्थिमं भणइ ||३०|| १७६५. जियलोयबंधुणो कुगइसिंधुणो पारगा XOOK श्री आगमगणमंजषा १३३७
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |