Page Text
________________
(२४-३३) दम पत्रयसुत्नेसु - २ तंदुलवेयालिय
[१२]
कुंभीपागम्मि नरयसंकासे । वुच्छो अमेज्झमज्झे असुइप्पभवे असुइयम्मि ||४१ ॥ ३५३. पित्तस्स य सिभस्स य सुक्कस्स य सोणियस्स वि य मज्झे । मुत्तस्स पुरीसस्स य जायइ जह वच्चकिमिउ व्व ॥ ४२ ॥ ३५४. तं दाणि सोयकरणं केरिसगं होइ तस्स जीवस्स ? । सुक्क रुहिरागाराओ जस्सुप्पत्ती सरीरस्स ॥। ४३ ।। ३५५. एयारिसे सरीरे कलमलभरिए अमेज्झसंभूए । निययं विगणिज्जंतं सोयमयं केरिसं तस्स ? ॥४४॥ [ सु. गा. ४५-५८. वाससयाउगस्स कणुयंस्स दस दसाओ ] ३५६. आउसो ! एवं जायस्स जंतुस्स कमेण दस दसाओ एवमाहिज्जति । तं जहा बाला १ किड्डा २ मंदा ३ बला ४ य पन्ना ५ य हायणि ६ पवंचा ७ । पब्भारा ८. मुम्ही ९ सायणीय १० दसभा १० य कालदसा ||४५|| ३५७. जायमित्तस्स जंतुस्स जा सा पढमिया दसा । न तत्थ सुक्ख दुक्खं वा छुहं जाणंति बालया १ ||४६|| ३५८. बीयं च दसं पत्तो नाणाकीडाहिं कीडई । न य से कामभोगेसु तिव्वा उप्पज्जए मई २ || ४७|| ३५९. तइयं च दसं पत्तो पंच कामगुणो नरो । समत्थो जिउ भोगे जसे अत्थि घरे धुवा ३ || ४८|| ३६०. चउत्थी उ बला नाम जं नरो दसमस्सिओ । समत्थो बलं दरिसेउं जइ सो भवे निरुवद्दवो ४ ॥ ४९ ॥ ३६१. पंचमी उदसं पत्तो आणुपुव्वीइ जो नरो। समत्यो अत्थं विचिंतेउं कुटुंबं चामिगच्छई ५ ||५० || ३६२. छट्ठी उ हायणी नाम जं नरो दसमस्सिओ। विरज्जइ काम" भोगेसु, इंदिए य हाय ६ ॥ ५१ ॥ ३६३. सत्तमी य पवंचा उ जं नरो दसमस्सिओ । निद्रुभइ चिक्काणं खेलं खासई य खणे खणे ७ ॥ ५२ ॥ ३६४. संकुइयवलीचम्मो संपत्तो अट्ठमिं दसं । नारीणं च अणिट्ठो उ जराए परिणामिओ ८ ।। ५३ ।। ३६५. नवमी मुम्मुही नामं जं नरो दसमस्सिओ । जराघरे विणस्संते जीवो वसइ अकामओ ९॥५४॥ ३६६. हीण-भिन्नसरो दीणो विवरीओ विचित्तओ । दुब्बलो दुक्खिओ सुयइ संपत्तो दसमिं दस १० ॥ ५५ ॥ ३६७. दसगस्स उवक्खेवो, वीसइवरिसो उ गिण्हई विज्जं । भोगाय तीसगस्सा, चत्तालीसस्स विन्नाणं ॥ ५६ ॥ ३६८. पन्नासयस्स चक्खुं हायइ, सक्कियस्स बाहुबलं । सत्तरियस्स उ भोगा, आसीकस्साऽऽयविन्नाणं ||५७|| ३६९. नउई नमइ सरीरं, पुन्ने वाससए जीवियं चयइ । केत्तिओऽत्थ सुहो भागो ? दुहभागो य केत्तिओ ? ॥५८॥ [ गा. ५९-६३. दस दसासु सुहदुक्खविवेगेण धम्मसाहणोवएसो ] ३७०. जो वाससयं जीवइ सुही भोगे य भुंजई। तस्सावि सेविउं सेओ धम्मो य जिणदेसिओ ॥ ५९ ॥ ३७१. किं पुण सपच्चवाए जो न निच्चदुक्ख ? | सुट्टुयरं तेण कायव्वो धम्मो य जिणदेसिओ ||६०|| ३७२. नंदमाणो चरे धम्मं 'वरं मे लट्ठतरं भवे' । अणंदमाणो वि चरे धम्मं 'मा मे पावतरं भवे' ||६१|| ३७३. न वि जाई कुलं वा वि विज्जा वा वि सुसिक्खिया । तारे नरं व नारिं वा, सव्वं पुण्णेहिं वढई ||६२|| ३७४. पुण्णेहिं हायमाणेहिं पुरिसगारो वि हायई । पुण्णेहिं वडमाणेहिं पुरिसगारो वि वहुई || ६३ || [सु. ६४. अंतरायबहुले जीविए पुण्णकिच्चकरणोवएसो ] ३७५. पुण्णाई खलु आउसो ! किच्चाई करणिज्नाइं पीइकराई वन्नकराई धणकराई कित्तिकराई। नो य खलु आउसो ! एवं चिंतेयव्वं एसिंति खलु बहवे समया आवलिया खणा आणापाणू थोवा लवा मुहुत्ता दिवसा अहोरत्ता पक्खा मासा रिऊ अयणा संवच्छरा जुगा वाससया वाससहस्सा वाससयसहस्सा, वासकोडीओ वासकोडाकोडीओ, जत्थ णं अम्हे बहूइं सीलाई वाई गुणा वेरमणाई पच्चक्खाणाई पोसहोववासाइं पडिवज्जिस्सामो पट्ठविस्सामो करिस्सामो, ता किमत्थं आउसो ! नो एवं चिंतेयव्वं भवइ ? अंतराइयबहुले खलु अयं जीविए, इमे बहवे वाइय - पित्तिय-सिभिय-सन्निवाइया विविहा रोगायंका फुसंति जीवियं ॥ ६४ ॥ [सु. ६५-६८. जुगलिय-अरिहंत-चक्कवट्टिआईणं देहाइइड्डीओ ] ३७६. आसी य खलु आउसो ! पुव्विं मणुया ववगयरोगाऽऽयंका बहुवाससयसहस्सजीविणो । तं जहा जुयलधम्मिया अरिहंता वा चक्कवट्टी वा बलदेवा वा वासुदेवा वा चारणा विज्जाहरा || ६५ || ३७७. ते णं मणुया अणतिवरसोम- चाररूवा भोगुत्तमा भोगलक्खणधरा-सुजायसव्वंगसुंदरंगा-रत्तुप्पलपउमकर-चरणकोमलंगुलितला नग - णगर-मगर-सागर-चक्कंकधरंकलक्खणंकियतला सुपइट्टियकुम्मचारुचलणा अणुपुव्विसुजाय - पावरं - गुलिया उन्नय-तणुतंब निद्धनहा संठिय-सुसिलिट्ठ- गूढगोप्फा एणी-कुरुविंदावत्त- वट्टाणुपुव्विजंघा सामुग्गनिमग्गगूढजाणू गयससणसुजायसन्निभोरू वरवारणमत्ततुल्लविक्कमविलीसियगई सुजायवरतुरयगुज्झदेसा आइन्नहंउ व्व निरूवलेवा पमुइयवरतुरग-सीहअइरेगवट्टियकडी साहयसोणंद-मुसलदप्पण-निगरियवरकण-गच्छरुसरिसवरवरवलियमज्झा गंगावत्तपयाहिणावत्ततरंगभंगुररविकिरणतरुण-बोहयउक्कोसायतपउमगंभीर - वियडनामी उज्जुय- समसहिय सुजाय - जच्च-तणु कसिण- निद्ध
फ्र
HORROR श्री आगमगुणमंजूषा १२९६
TO
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |