Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1405

(२४-३३) दस पन्नयसुत्तेसु- २ तदुलवेयालिय
[१०]
वसई जिओ नियमा, हीणाऽहिया एत्तो || ६ || ३१८. तिन्नेव य कोडीओ चउदस य हवंति सयसहस्साइं । दस चेव सहस्साइं दोन्नि सया पनवीसा य ॥७॥ ३१९. उस्सासा निस्सासा एत्तियमित्ता हवंति संकलिया । जीवस्स गब्भवासे नियमा, हीणाऽहिया एत्तो ॥ ८॥ [गा. ९-१२. गब्भुप्पत्तिजोग्गाए थीजोणीए सरूवं] ३२०. आउसो ! इत्थीए नाभिट्टा सिरादुगं पुप्फनालियागारं । तसतस य हेट्टा जोणी अहोमुहो संठिया कोसा || ९ || ३२१ तस्स य ट्ठा चूयस्स मंजरी तारिसा उ मंसस्स । ते रिउकाले फुडिया सोणियलवया विमुंचति ||१०|| ३२२. कोसायारं जोणी संपत्ता सुक्कामीसिया जइया । तइया जीवववाए जोग्गा भणिया जिणिदेहिं ॥११॥ ३२३. बारस चेव मुहुत्ता उवरिं विद्वंस गच्छई सा उ । जीवाणं परिसंखा लक्खपुहुत्तं च उक्कोसा ||१२|| [गा. १३-१४. थीजोणीए पुरिसबी अस्सय पमिलाणकालो ] ३२४. पणपण्णाय परेण जोणी पमिलायए महिलियाणं । पणसत्तरीय परओ पाएण पुमं भवेऽबीओ || १३|| ३२५. वाससयाउयमेयं, परेण जा होइ पुव्वकोडीओ । तस्सऽद्धे अमिलाया, सव्वाउयवीसभागो उ ॥ १४ ॥ [गा. १५. पिउसंखा उक्कोसो गब्भवासकालो य] ३२६. रत्तुक्कडा य इत्थी, लक्खपुहत्तं च बारस मुहुत्ता । पिउसंखा सयपुहुत्तं, बारस वासा उ गब्भस्स ॥१५॥ [ गा. १६. गब्भगयजीवस्स पुरिसाइजाइपरिण्णा ] ३२७. दाहिणकुच्छी पुरिसस्स होइ, वामा उ इत्थियाए उ । उभयंतरं नपुंसे, तिरिए अट्ठेव वरिसाई ||१६|| [ सु. गा. १७-१९. गब्भप्पत्ती गब्भगयजीववियासकमो य ] ३२८. इमो खलु जीवो अम्मापिउसंजोगे माउओयं पिउसुक्कं तं तदुभयसंसट्टं कलुसं किब्बिसं तप्पढमयाए आहारं आहारित्ता गब्भत्ताए वक्कमइ ॥ १७॥ [ भगवती श० १ उ० ७सू० १२] ३२९. सत्ताहं कललं होइ, सत्ताहं होइ अब्बुयं । अब्बुया जायए पेसी, पेसीओ वि घणं भवे ।। १८ ।। ३३०. तो पढमे मासे करिसूणं पलं जायइ १ । बीए मासे पेसी संजायए घणा २ । तईए मासे माऊए डोहलं जणइ ३ । चउत्थे मासे माऊए अंगाई पीणेइ ४ । पंचमे मासे पिंडियाओ पाणि पायं सिरं चेव निव्वत्तेइ ५ । छट्ठे मासे पित्तसोणियं उवचिणेइ अंगोवंगं च निव्वत्तेइ ६ । सत्तमे मासे सत्त सिरासयाइं पंच पेसीसयाइं नव धमणीओ नवनउयं च रोमकूवसयदहस्साइं ९९००००० निव्वत्तेइ विणा केसमंसुणा, सह केस-मंसुणा अद्भुट्ठाओ रामकूवकोडीओ निव्वत्तेइ ३५००००००, ७ । अट्टमे मासे वित्तीकप्पो हवइ ८ ॥१९॥ [ सु. २०. गब्भगयस्स जीवस्स आहारपरिणामो] ३३१. जीवस्स णं भंते! गब्भगयस्स समाणस्स अत्थि उच्चारे इ वा पासवणे इ वा खेले इ वा सिंघाणे इ वा वंते इ वा पित्ते इ वा सुक्के इ वा सोणिए इ वा ? नो इणट्टे समट्ठे। से केणट्टेणं भंते ! एवं वुच्चइ जीवस्स णं गब्भगयस्स समाणस्स नत्थि उच्चारे त्त वा जाव सोणिए इ वा ? गोयमा ! जीवे णं गब्भगए समाणे आहारमाहारेइ तं चिणाइ सोइंदियत्ताए चक्खुइंदियत्ताए घाणिदियत्ताए जिब्भिदियत्ताए फासिदियत्ताए अट्ठि - अट्ठिमिंज केस - मंसु - रोम-नहत्ताए, से एएणं अट्ठेणं गोयमा ! एवं वुच्चइ जीवस्स णं गब्भगयस्स समाणस्स नत्थि उच्चारे इ वा जाव सोणिए इ वा ||२०|| [ भगवती श० १ उ० ७ सू० १४] [सु. २१-२२. गब्भगयस्स जीवस्स आहारविही ] ३३२. जीवे णं भंते ! गब्भगए समाणे पहू मुहेणं कावलियं आहारं आहारितए ? गोयमा ! नो इणट्टे समट्ठे । से केणट्टेणं भंते ! एवं वुच्चइ जीवे णं गब्भगए समाणे नो पहू मुहेणं कावलियं आहारं आहारित्तए ? गोयमा ! जीवे णं गब्भगए समाणे सव्वओ आहारेइ, सव्वओ परिणामेइ, सव्वओ ऊससइ, सव्वओ नीससइ, अभिक्खणं आहारेइ, अभिक्खणं परिणामेइ, अभिक्खणं ऊससह, आहच्च नीससइ; से माउजीवरसहरणी पुत्तजीवरसरणी माउजीवपडिबद्धा माउजीवंफुडा तम्हा आहारेइ तम्हा परिणामेइ, अवरा वि य णं पुत्तजीवपडिबद्धा माउजीवफुडा तम्हा चिणाइ तम्हा उवचिणाइ, से एएणं अट्ठेणं गोयमा ! एवं वुच्चइ जीवे णं गब्भगए समाणे नो पहू मुहेणं कावलियं आहारं आहारेत्तए ||२१|| [भगवती श० १३० ७सूत्रं १५ ] | ३३३. जीवे णं भंते ! गब्भगए समाणे किमाहारं आहरेइ ?, गोयमा ! जं से माया नाणाविहाओ रसविगईओ तित्त कडुय कसायंबिल- मुहुराई दव्वई आहारेइ तओ एगदेसेणं ओयमाहारेइ ||२२|| [ भगववती श० १ उ० ७ सू० १३ ] [गा. २३-२४. गब्भत्थस्स जीवस्स आहारो ] ३३४. तस्स फलबिंटसरिसा उप्पलनालोवमा भवइ नामी । रसहरणी जणणीए सयाइ नाभीए पडिबद्धा ||३२|| ३३५. नाभीए ताऔ गब्भो ओयं आइयइ अण्हयंतीए । ओयाए तीए गब्भो विवहुई जाव जाओ ति ॥२४॥ [सु. २५. गप्पन्नजीवं पडुच्च मा पिउअंगनिरूवणं ] ३३६. कइ णं भंते! माउअंगा पण्णत्ता ? गोयमा ! तओ माउअंगा पण्णत्ता, तं जहा मंसे १ सोणिए २ मत्थुलुंगे
HOO श्री आगमगुणमंजूषा - १२९४