Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1364

O听听听听听听听听听听听听听听听听
(१८) जंबूदीवपन्नत्ति वक्खारो ७
[७५]
$555555555226
वा जोएइ कुलेण वा उवकुलेण वा जुत्ता अस्सोई पुण्णिमा जुत्तत्ति वत्तव्वं सिया, कत्तिइण्णं भंते ! पुण्णिमं किं कुलं पुच्छा, गो० ! कुल वा उवकुलं वा णो कुलोवकुलं, मजोएइ, कुलं जोएमाणे कत्तिआणक्खत्ते जोएइ उव० भरणी कत्तिईण्णं जाव वत्तव्वं, मगसिरिण्णं भंते ! पुण्णिमं किं कुलं तं चेव दो जोएइ णो भवइ कुलोवकुलं, कुलं
जोएमाणे मग्गसिरणक्खत्ते जोएइ उव० रोहिणी, मग्गसिरी णं पुण्णिमा जाव वत्तव्वं सिआ, एवं सेसिआओऽवि जाव आसाढी, पोसिं जेट्ठामूलिं च कुलं वा उव० वाज कुलोवकुलं वा, सेसिआणं कुलं वा उवकुलं वा कुलोवकुलं ण भण्णइ, साविट्ठिण्णं भंते ! अमावासं कति णक्खत्ता जोएंति ?, गो० ! दो णक्खत्ता जोएंति, तं०. अस्सेसा य महा य, पोट्ठवइण्णं भंते ! अमावासं कति णक्खत्ता जोएंति ?, गो० ! दो०-पुव्वाफग्गुणी उत्तराफग्गुणी य, अस्सोइण्णं भंते ! दो-हत्थे चित्ता य, कतिइण्णं दो-साई विसाहा य, मग्गसिरिण्णं तिण्णि अणुराहा जेट्ठा मूलो य, पोसिण्णं दो-पुव्वासाढा उत्तरासाढा, माहिण्णं तिण्णि-अभिई सवणो धणिट्ठा, फग्गुणिं तिण्णि-सयभिसया पुव्वभद्दवया उत्तरभद्दवया, चोत्तिण्णं दो-रेवई अस्सिणी य, वइसाहिण्णं दो-भरणी कत्तिआय, जेठ्ठामूलिण्णं दो-रोहिणी मग्गसिरंच, आसाढिण्णं तिण्णि-अद्दा पुणव्वसू पुस्सो, साविट्ठिण्णं भंते ! अमावासं किं कुलं० उवकुलं० कुलोवकुलं जोएइ ?, गो० ! कुलं वा उवकुलं वा णो लब्भइ कुलोवकुलं, कुलं जोएमाणे महाणक्खत्ते जोएइ, उवकुलं जोएमाणे अस्सेसाणक्खत्ते जोएइ, साविट्ठिण्णं अमावासं कुलं वा उवकुलं वा जोएइ, कुलेण वा उवकुलेण वा जुत्ता साविट्ठिअमावासा जुत्तत्ति वत्तव्वं सिया, पोट्ठवइण्णं भंते ! अमावासं तं चेव दो जोएइ कुलं वा जोएइ उवकुलं०, कुलं जोएमाणे उत्तराफग्गुणीणक्खत्ते जोएइ उव०
पुव्वाफग्गुणी, पोट्ठवइण्णं अमावासं जाव वत्तव्वं सिआ, मग्गसिरिण्णं तं चेव कुलं मूले णक्खत्ते जोएइ उव० जेट्ठा कुलोवकु० अणुराहा जाव जुत्तत्ति वत्तव्वं सिआ, है एवं माहीए फग्गुणीए आसाढीए कुलं वा उवकुलं वा कुलोवकुलं वा, अवसेसिआणं कुलं वा उवकुलं वा जोएइ, जया णं भंते ! साविट्ठी पुण्णिमा भवइ तया णं माही
अमावासा भवइ ? जया णं भंते ! माही पुण्णिमा भवइ तया णं साविट्ठी अमावासा भवइ ?, हंता ! गो० ! जया णं साविट्ठी तं चेव वत्तव्यं, जया णं भंते ! पोट्ठवई पुण्णिमा भवइ तया णं फग्गुणी अमावासा भवइ जया णं फग्गुणी पुण्णिमा भवइ तया णं पोट्ठवई अमावासा भवइ ?, हंता ! गो०! तं चेव, एवं एतेणं अभिलावेणं इमाओ पुण्णिमाओ इमाओ अमावासाओ णेयव्वाओ अस्सिणी पुण्णिमा चेत्ती अमावासा कत्तिगी पुण्णिमा वइसाही अमावासा मग्गसिरी पुण्णिमा जेट्ठामूली अमावासा पोसी पुण्णिमा आसाढी अमावासा ।१६२। वासाणं पढमं मासं कति णक्खत्ता णेति ?,गो०! चत्तारि णक्खत्ता णेति, तं०-उत्तरासाढा अभिई सवणो धणिट्ठा, उत्तरासाढा चउद्दस अहोरत्ते णेइ अभिई सत्त अहोरत्ते णेइ सवणो अट्ठऽहोरत्ते णेइ धणिट्ठा एगं अहोरत्ते णेइ, तंसि च णं मासंसि चउरंगुलपोरसीए छायाए सूरिए अणुपरिअट्ठइ, तस्सणं मासस्स चरिमदिवसे दो पदा चत्तारि य अंगुला पोरिसी भवइ, वासाणं भंते ! दोच्चं मासं कइणक्खत्ता णेति ?, गो० ! चत्तारि धणिट्ठा सयभिसया पुव्वभद्दवया उत्तरभद्दवया, धणिट्ठा ण चउद्दस अहोरत्ते णेइ सयभिसया सत्त पुव्वभद्दवया अट्ठ उत्तरभद्दवया एगं, तंसि च णं मासंसि अटुंगुलपोरिसीए छायाए सूरिए अणुपरियट्ठइ, तस्स मासस्स चरिमे दिवसे दो पया अट्ठ य अंगुला पोरिसी भवइ, वासाणं भंते ! तइयं मासं कइ णक्खत्ता णेति ?, गो० ! तिण्णि णक्खत्ताणेति तं०-उत्तरभद्दवया रेवई अस्सिणी, उत्तरभद्दवया चउद्दस राइंदिए णेइ रेवई पण्णरस अस्सिणी एगं, तंसिंचणं मासंसि दुवालसंगुलपोरिसीए छायाए सूरिए अणुपरियट्टइ, तस्स णं मासस्स चरिमे दिवसे लेहट्ठाई तिण्णि पयाई पोरिसी भवइ, वासाणं भंते ! चउत्थं मासं कति णक्खत्ता णेति ?, गो० ! तिण्णि
अस्सिणी भरणी कत्तिया, अस्सिणी चउद्दस भरणी पन्नरस कत्तिया एगं, तंसिं च णं मासंसि सोलसंगुलपोरिसीए छायाए सूरिए अणुपरियट्टइ, तस्स णं मासस्स है चरमे दिवसे तिण्णि पयाइं चत्तारि अंगुलाई पोरिसी भवइ, हेमंताणं भंते ! पढमं मासं कति णक्खत्ता णेति ?, गो०! तिण्णि-कत्तिया रोहिणी मिगसिर, कत्तिया
चउद्दस रोहिणी पण्णरस मिगसिरं एगं अहोरत्तं णेइ, तंसिंच णं मासंसि वीसंगुलपोरिसीए छायाए सूरिए अणुपरियट्टइ, तस्स णं मासस्स जे से चरिमे दिवसे तंसि ॥ प्रचणं दिवसंसि तिण्णि पयाइं अट्ठ य अंगुलाई पोरिसी भवइ, हेमंताणं भंते ! दोच्चं मासं कति णक्खत्ता णेति ?, गो०! चत्तारि णक्खत्ता णेति तं०-मिगसिरं अद्दा
पुणब्वसू पुस्सो, मियसिरं चउद्दस राइंदियाइं णेइ अद्दा अट्ठ णेइ पुणव्वसू सत्त राइंदियाई पुस्सो एणं राइंदियं णेइ, तया णं चउव्वीसंगुलपोरिसीए छायाए सूरिए
CIC$$$$$$$$乐乐中乐乐乐乐乐场乐明 听听听听听听听听听听乐听听听听听乐听听听听听听听听听听
HOROS955555555555555555555555555555555ff5555555555ore