Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1362

ॐ ॐ ॐ ॐ ॐ ॐ ॐ ॐ
(१८) जंबूदीवपन्नत्ति वक्खारो ७ कोलवं करणं भवइ, ततिआए दिवा थीविलोअणं करणं भवइ, राओ गराइ करणं भवइ, चउत्थीए दिवा वणिजं राओ विट्ठी, पंचमीए दिवा बवं राओ बालवं, छट्टीए दिवा कोलवं राओ थीविलोअणं, सत्तमीए दिवा गराइ राओ वणिज्जं, अट्ठमीए दिवा विट्ठी राओ बवं, नवमीए दिवा बालवं राओ कोलवं, दसमीए दिवा थीविलोअ राओ गराइ, एक्कारसीए दिवा वणिज्जं राओ विट्टी, बारसीए दिवा बवं राओ बालवं, तेरसीए दिवा कोलवं राओ थीविलोअणं, चउद्दसीए दिवा गराति राओ वणिज्जं पुण्णिमाए दिवा विट्ठी राओ बवं, बहुलपक्खस्स पडिवाए दिवा बालवं राओ कोलवं बितिआए दिवा थीविलोअणं राओ गरादि ततिआए दिवा वणिज्जं राओि उत्थीए दिवा बवं राओ बालवं पंचमीए दिवा कोलवं राओ थीविलोअणं छट्टीए दिवा गराइ राओ वणिज्जं सत्तमीए दिवा विट्ठी राओ बवं अट्टमीए दिवा बालवं राओ कोलवं णवमीए दिवा थीविलोअणं राओ गराइ दसमीए दिवा वणिज्जं राओ विट्ठी एक्कारसीए दिवा बवं राओ बालवं बारसीए दिवा कोलवं राओ थीविलोअणं तेरसीए दिवा गराइ राओ वणिज्जं चउद्दसीए दिवा विट्ठी राओ सउणी अमावासाए दिवा चउप्पयं राओ णागं सुक्कपक्खस्स पाडिवए दिवा कित्थुग्धं करणं भवइ । १५४ | किमाइआ णं भंते! संवच्छरा किमाइआ अयणा किमाइआ उऊ किमाइआ मासा किमाइआ पक्खा किमाइआ अहोरत्ता किमाइआ मुहुत्ता किमाइआ करणा किमाइआ णक्खत्ता पं० ?, गो० ! चंदाइआ संवच्छरा दक्खिणाइया अयणा पाउसाइआ उऊ सावणाइआ मासा बहुलाइआ पक्खा दिवसाइआ अहोरत्ता रोद्दाइआ मुहुत्ता बवाइया करणा अभिजिआइआ णक्खत्ता पं० समणाउसो !, पंचसंवच्छरिए णं भंते! जुगे केवइआ अयणा केवइया उऊ एवं मासा पक्खा अहोरत्ता व मुहुत्ता पं० ?, गो० ! पंचसवच्छरिए णं जुगे दस अयणा तीसं उऊ सट्ठी मासा एगे वीसुत्तरे पक्खसए अट्ठारसतीसा अहोरत्तसया चउप्पण्णं मुहुत्तसहस्सा णव सया पं० । १५५ ।' जोगा देवय तारग्ग गोत्त संठाण चंदरविजोगा। कुल पुण्णिम अवमंसा य सण्णिवाए य णेता य ॥ १०० ॥ कति णं भंते! णक्खत्ता पं० ?, गो० ! अट्ठावीसं णक्खत्ता पं० तं०-अभिई सवणो धणिट्ठा सयभिसया पुव्वभद्दवया उत्तरभद्दवया रेवई अस्सिणी भरणी कत्तिआ रोहिणी मिअसिर अद्दा पुणव्वसू पूसो अस्सेसा मघा पुव्वफग्गुणी उत्तरफग्गुणी हत्थो चित्ता साई विसाहा अणुराहा जेट्ठा मूलो पुव्वासाढा उत्तरासाढा । १५६ । एतेसिं णं भंते ! अट्ठावीसाए णक्खत्ताणं कयरे णक्खत्ता जेणं सया चन्धस्स दाहिणेणं जोयं जोएंति कयरे णक्खत्ता जे णं सया चंदस्स उत्तरेणं० कयरे णक्खत्ता जे णं चंदस्स दाहिणेणवि उत्तरेणवि पमद्दपि ० कयरे णक्खत्ता जे णं चंदस्स दाहिणेणंपि पमद्दपि ० कयरे णक्खत्ता जे णं सया चन्दस्स पमद्दं० १, गो० ! एतेसिं णं अट्ठावीसाए णक्खत्ताणं तत्थ जेते णक्खत्ता चंदस्स दाहिणेण जोयं जोएंति ते णं छ, तं०- 'संठाण अद्द पुस्सो ऽसिलेस हत्थो तहेव मूलो य। बाहिरओ बाहिरमंडलस्स छप्पेते होति णक्खत्ता ॥ १०१ ॥ तत्थ णं जे क्खत्ता जेणं सया चन्दस्स उत्तरेणं जोगं जोएंति ते णं बारस, तं० - अभिई सवणो धणिट्ठा सयभिसया पुव्वभद्दवया उत्तरभद्दवया रेवई अस्सिणी भरणी पुव्वाफग्गुणी उत्तराफग्गुणी साई, तत्थ णं जेते नक्खत्ता जे णं सया चन्दस्स दाहिणओवि उत्तरओवि पमद्दपि ते णं सत्त, तं० कत्तिआ रोहिणी पुणव्वसू मघा चित्ता विसाहा अणुराहा, तत्थ णं जेते णक्खत्ता जेणं सया चन्दस्स दाहिणओवि पमद्दपि० ताओ णं दुवे आसाढाओ सव्वबाहिरए मंडले जोगं जोअंसु वा०, तत्थ णं जेसे णक्खत्ते जेणं सया चंदस्स पम६० सा एगा जेट्ठा। १५७ । एतेसिं णं भंते! अट्ठावीसाए णक्खत्ताणं अभिई णक्खत्ते किंदेवयाए पं० ?, गो० ! बम्हदेवयाए पं०, सवणे विण्हुदेवयाए धणिट्ठा वसुदेवयाए, एएणं कमेणं णेयव्वा अणुपरिवाडीय इमाओ देवयाओ-बम्हा विण्हु वसू वरूणे अंय अभिवद्धी पूसे आसे जमे अग् पयावई सोमे रूद्दे अदिती बहस्सई सप्पे पिऊ भगे अज्जम सविआ तट्ठा वाऊ इंदग्गी मित्तो इंदे निरई आऊ विस्से य, एवं णक्खत्ताणं एया परिवाडी णेयव्वा जाव उत्तरासाढा किंदेवया पुं० ?, गो० ! विस्सदेवयाए पं० । १५८। एतेसिं णं भंते! अट्ठावीसाए णक्खत्ताणं अभिईणक्खत्ते कतितारे पं० १, गो० ! तितारे पं०, एवं
जस्स आओ ताराओ, इमं च तं तारग्गं- 'तिग तिग पंचेग सयं दुग दुग बत्तीसगं तिग तिगं च । छप्पंचग तिग एक्कग पंचग (चउक्क) तिग छक्कगं चेव ॥१०२॥ सत्तग दुग दुग पंचग एक्क्कग पंच चउ तिगं चेव । एक्कारसग चउक्कं चउक्कगं चेव तारग्गं ॥ १०३॥१५९ । एतेसिं णं भंते! अट्ठावीसाए णक्खत्ताणं अभि . णक्खत्ते किंगोत्ते पं० ?, गो० ! मोग्गल्लायणगोत्ते, ' मोगल्लायण संखायणे य तह अग्गभाव कण्णिल्ले । तत्तो य जाउकण्णे धणंजए चेव बोद्धव्वे ॥ १०४॥ श्री आगमगुणमंजूचा १२५५
MOR
[७३]