Page Text
________________
NGO फ्र
(१८) जंबूदीवपन्नत्ति वक्खारों ७
[७१]
666666666 TWOK
णं छ णक्खत्तमंडला पं०, एवामेव सपुव्वावरेणं जंबुद्दीवे लवणसमुद्दे य अट्ठ णक्खत्तमंडला भवंतीतिमक्खायं सव्वब्भंतराओ णं भंते! णक्खत्तमंडलाओ केवइयं
हा सव्वबाहिरए णक्खत्तमंडले पं० ?, गो० ! पंचदसुत्तरे जोयणसए अबाहाए सव्वबाहिरए णक्खत्तमंडले पं०, णक्खत्तमंडलस्स णं भंते! णक्खत्तमंडलस्स य एस णं केवइयं अबाहाए अंतरे पं० ?, गो० ! दो जोयणाई णक्खत्तमंडलस्स य णक्खत्तमंडलस्स य अबाहाए अंतरे पं०, णक्खत्तमंडले णं भंते! केवइयं आयामविक्खंभेणं केवइयं परिक्खेवेणं बाहल्लेणं पं० ?, गो० ! गाउयं आयामविक्खंभेणं तं तिगुणं सविसेसं परिक्खेवेणं अद्धगाउयं बाहल्लेणं पं०, जंबुद्दीवे मंदरस्स पव्वयस्स केवइयं अबाहाए सव्वब्भंतरे णक्खत्तमंडले पं० १, गो० ! चोयालीसं जोयणसहस्साइं अट्ठ य वीसे जोयणसए अबाहाए सव्वब्भंतरे णक्खत्तमंडले पं०, जंबुद्दीवे मंदरस्स पव्वयस्स केवइयाए अबाहाए सव्वबाहिरए णक्खत्तमंडले पं० १, गो० ! पणयालीसं जोयणसहस्साइं तिण्णि य तीसे जोयणसए अबाहाए सव्वबाहिरए णक्खत्तमंडले पं०, सव्वब्भंतरं णक्खत्तमंडलं केवइयं आयामविक्खंभेणं केवइयं परिक्खेवेणं पं० १, गो० ! णवणउइई जोयणसहस्साइं छच्च चत्ताले जोयणसए आयामविक्खंभेणं तिण्णि य जोयणसयसहस्साइं पण्णरस सहस्साइं एगूणवतिं च जोयणाइं किंचिविसेसाहिए परिक्वेवेणं पं०, सव्वबाहिरए णं भंते ! णक्खत्तमंडले केवइयं आयामविक्खंभेणं केवइयं परिक्खेवेणं पं० १, गो० ! एगं जोयणसयसहस्सं छच्च सट्टे जोयणसए आयामविक्खंभेणं तिण्णि य जोयणसयसहस्साइं अट्ठारस य सहस्साइं तिण्णि य पण्णरसुत्तरे जोअणसए परिक्खेवेणं. जया णं भंते ! णक्खत्ते सव्वब्भंतरंमंडलं उवसंकमित्ता चारं चरइ तया णं एगमेगेणं मुहुत्तेणं केवइयं खेत्तं गच्छइ ?. गो० ! पञ्च जोयणसहस्साइं दोण्णि य पण्णट्ठे जोअणसए अट्ठारस य भागसहस्से दोण्णि य तेवट्ठे भागसए गच्छइ मंडलं एक्कवीसाए भागसहस्सेहिं णवहि य सट्ठेहिं सएहिं छेत्ता, जया णं भंते! णक्खत्ते सव्वबाहिरं मंडलं उवसंकमित्ता चारं चरइ तया णं एगमेगेणं मुहुत्तेणं केवइयं खेत्तं गच्छइ ?, गो० ! पञ्च जोअणसहस्साइं तिण्णि य एगूणवीसे जोयणसए सोलस भागसहस्सेहिं तिण्णि य पण्णट्ठे भागसए गच्छइ मंडलं एगवीसाए भागसहस्से हिं वहि यसद्वेहिं छेत्ता, एते णं अट्ठ णक्खत्तमंडला कतिहिं चंदमंडलेहिं समोअरंति ?, गो० ! अट्ठहिं चंदमंडलेहिं समोअरंति तं०-पढमे चंदमंडले ततिए छट्ठे सत्तमे अट्ठमे दसमे इक्कारसमे पण्णरसमे चंदमंडले, एगमेगेणं भंते! मुहुत्तेणं चंदे केवइयाई भागसयाइं गच्छइ ?, गो० ! जं जं मंडलं उवसंकमित्ता चारं चरइ तस्स २ मंडलपरिक्खेवस्स सत्तरस अट्ठट्ठे भागसए गच्छइ मंडलं सयसहस्सेणं अट्ठाणउईए य सएहिं छेत्ता, एगमेगेणं भंते ! मुहुत्तेणं सूरिए केवइआई भागसयाई गच्छइ ?, गो० ! जं जं मंडलं उवसंकमित्ता चारं चरइ तस्स २ मंडलपरिक्खेवस्स अट्ठारसतीसे भागसए गच्छइ मंडलं सयसहस्सेणं अट्ठाणउतीए य सएहिं छेत्ता, एगणं भंते! मुहुत्तेणं णक्खत्तं केवइयाइं० गच्छइ ?, गो० ! जं जं मंडलं उवसंकमित्ता चारं चरइ तस्स २ मंडलपरिक्खेवस्स अट्ठारस पणतीसे भागसए गच्छइ मंडलं सयसहस्सेणं अट्ठाणउईए य सएहिं छेत्ता । १५० । जंबुद्दीवे सूरिआ उदीणपाईणमुग्गच्छ पाईणदाहिणमागच्छंति पाईणदाहिणमुग्गच्छ दाहिणपडीणमागच्छंति दाहिणपडीणमुग्गच्छ पडीणउदीणमागच्छंति पडीणउदीणमुग्गच्छ उदीणपाईणमागच्छंति ?, हंता गो० ! जहा पंचमसए पढमे उद्देसे जाव वत्थि उस्सप्पिणी अवट्ठिए णं तत्थ काले पं० समणाउसो !, इच्चेसा जंबुद्दीवपण्णत्तीए सूरपण्णत्तीस वत्युं समासेणं समत्ता भवइ. जंबुद्दीवे चंदिमा उदीणपाईणमुग्गच्छ पाईणदाहिणमागच्छंति जहा सूरवत्तव्वया जहा पंचमसयस्स दसमे उद्देसे जाव अवट्ठिए णं तत्थ काले पं० समणाउसो !, इच्चेसा जंबुद्दीवपण्णत्तीए चंदपण्णत्ती वत्युं समासेणं समत्ता भवइ। १५१। कति णं भंते । संवच्छरा पं० १, गो० ! पंच संवच्छरा पं तं० णक्खत्त० जुग० पमाण० लक्खण० सणिच्छरसंवच्छरे, णक्खत्तसंवच्छरे णं भंते ! कइविहे पं० ?, गो० ! दुवालसविहे पं० तं०- सावणे जाव आसाढे, जं वा विहप्फई मंहग्गहे दुवालसहिं संवच्छरेहिं सव्वणक्खत्तमंडलं समाणेइ सेत्तं 'णक्खत्तसंवच्छरे, जुगसंवच्छरे णं भंते! कतिविहे पं० १, गो० ! पंचविहे पं० तं० - चंदे चंदे अभिवद्धिए चंदे अभिवद्धिए चेव, पढमस्स णं भंते ! चंदसंवच्छरस्स कइ पव्वा पं० ?, गो० ! चोव्वीसं पव्वा पं०, बितियस्स णं भंते! चंदसंवच्छरस्स कइ पव्वा पं० ?, गो० ! चउव्वीसं पव्वा पं०, एवं पुच्छा, ततियस्स अभिo,
Education International 2010_03
For Private & Personal Use Only
www.jainelibraty
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |