Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1295

SOLO步步步步步$$$$$$明
(१८) जंबूदीवपन्नत्ति वक्खारो २
[६]
555555555555500,
O}听听听听听听听听听听听听听听听听听听听听听听听听听听听乐乐乐乐乐乐乐乐明明明明明明明明明明明明5
२ दुविहे पं० तं०-पलिओवमे अ सागरोवमे अ, से किं तं पलिओवमे ?, पलिओवमस्स परूवणं करिस्सामि, परमाणू दुविहे पं० तं०-सुहुमे अ वावहारिए अ, अणंताणं सुहुमपरमाणुपुग्गलाणं समुदयसमिइसमागमेणं वावहारिए परमाणू णिप्फज्जइ, तत्थ णो सत्थं कमइ-'सत्थेण सुतिक्खणवि छेत्तुं भित्तुं च जं किर ण सक्का । तं परमाणुं सिद्धा वयंति आई पमाणाणं ।।७।। अणंताणं वावहारिअपरमाणूणं समुदयसमिइसमागमेणं सा एगा उस्सण्हसहिआइ वा सण्हसहिआइ वा उद्धरेणूइ वा तसरेणूइ वा रहरेणूइ वा वालग्गेइ वा लिक्खाइ वा जूआइ वा जवमन्झेइ वा उस्सेहंगुलेइ वा, अट्ठ उस्सण्हसण्हिआओ सा एगा सण्हसण्हिया अट्ठ सण्हसहिआओ सा एगा उद्धरेणू अट्ठ उद्धरेणूओ सा एगा तसरेणू अट्ठ तसरेणूओ सा एगा रहरेणू अट्ठ रहरेणूओ से एगे देवकुरूत्तरकुराणं मणुस्साणं वालग्गे अट्ठ देवकुरूत्तरकुराण मणुस्साण वालग्गा से एगे हरिवासरम्मयवासाण मणुस्साणं वालग्गे एवं हेमवयहेरण्णवयाण मणुस्साणं पुव्वविदेहअवरविदेहाणं मणुस्साणं अट्ठ पुव्वविदेहअवरविदेहाणं मणुस्साणं वालग्गा सा एगा लिक्खा अट्ट लिक्खाओ सा एगा जूआ अट्ठ जूआओ से एगे जवमज्झे अट्ठ जवमज्झा से एगे अंगुले एतेणं अंगुलप्पमाणेणं छ अंगुलाइं पाओ बारस अंगुलाई वितत्थी चउवीसं अंगुलाइं रयणी अडयालीसं अंगुलाइ कुच्छी छण्णउई अंगुलाइं से एगे अक्खेइ वा दंडेइ वा धणूइ वा जुगेइ वा मुसलेइ वा णालिआइ वा एतेणं धणुप्पमाणेणं दो धणुसहस्साई गाउअं चत्तारि गाउआइं जोअणं एएणं जोअणप्पमाणेणं जे पल्ले जोअणं आयामविक्खंभेणं जोयणं उड्ढंउच्चत्तेणं तं तिगुणं सविसेसं परिक्खेवेणं, से णं पल्ले एगाहिअबेहियतेहिअ० उक्कोसेणं सत्तरत्तपरूढाणं संमढे सण्णिचिए भरिए वालग्गकोडीणं, ते णं वालग्गा णो कुत्थेज्जा णो परिविद्धंसेज्जा णो अग्गी डहेज्जा णो वाऊ हरेज्जा णो पूइत्ताए हव्वमागच्छेज्जा, तओ णं वाससए २ एगमेगं वालग्गं अवहाय जावइएणं कालेणं से पल्ले खीणे णीरए णिल्लेवे णिट्ठिए भवइ से तं पलिओवमे, 'एएसिं पल्लाणं कोडाकोडी हवेज्ज दसगुणिआ। तं सागरोवमस्स उ एगस्स भवे परीमाणं ।।८।। एएणं सागरोवमप्पमाणेणं चत्तारि सागरोवमकोडाकोडीओ कालो सुसमसुसमा तिण्णि सागरो० सुसमा दो सागरो० सुसमदुस्समा एगा सागरोवमकोडाकोडी बायालीसाए वाससहस्सेहिं ऊणिआ दुस्समसुसमा एक्कवीसं वाससहस्साई दुस्समा एक्कवीसं वाससहस्साइं दुस्समदुस्समा पुणरवि उस्सप्पिणीए एक्कवीसं वाससहस्साई कालो दुस्समदुस्समा एवं पडिलोमं अव्वं जाव चत्तारि सागरोवमकोडाकोडीओ कालो सुसमसुसमा० दससागरोवमकोडाकोडीओ कालो ओसप्पिणी दससागरोवमकोडाकोडीओ कालो उस्सप्पिणी वीसं सागरोवमकोडाकोडीओ कालो ओसप्पिणीउस्सप्पिणी (कालचक्वं) ।१९। जंबुद्दीवे णं भंते ! दीवे भरहे वासे इमीसे ओसप्पिणीए सुसमसुसमाए समाए उत्तमकट्ठपत्ताए भरहस्स वासस्स केरिसए आयारभावपडोयारे होत्था ?, गो० ! बहुसमरमणिज्जे भूमिभागे होत्था, से जहाणामए आलिंगपुक्खरेइ वा जाव णाणामणिपंचवण्णेहिं तणेहि य मणीहि य उवसोभिए तं०-किण्हेहिं जाव सुकिल्लेहि, एवं वण्णो गंधो फासो सद्दो अ तणाण य मणीण य भाणिअव्वो जाव तत्थ णं बहवे मणुस्सा य मणुस्सीओ य आसयंति जाव ललंति, तीसे णं समाए भरहे वासे बहवे उद्दाला कुद्दाला मुद्दाला कयमाला णट्टमाला दंतमाला नागमाला सिंगमाला संखमाला सेअमाला णाम दुमगणा पं० कुसविकुसविसुद्धरूक्खमूला मूलमंतो कंदमंतो जाव बीअमंतो पत्तेहि अपुप्फेहिं अफलेहि य उच्छण्णपडिच्छण्णा सिरीए अईव २ उवसोभेमाणा चिट्ठति, तीसेणं समाए भरहे वासे तत्थ २ बहवे भेरूतालवणाई हेरूताल० मेरूताल० पभया (वा पा०) लव० सालव० सरल० सत्तिवण्ण० पूअफलिव० इक्खु० खजूरीव० णालिएरीवणाई कुसविकुसविसुद्धरूक्खमूलाइं जाव चिट्ठति, तीसे णं समाए भरहे वासे तत्थ २ बहवे सेरिआलगुम्मा णोमालिआ० कोरंटय० बंधुजीव० मणोज्ज० बीअ० बाण० कणइर० कुज्जाय० सिंदुवार० मोग्गर० जूहिआ० मल्लिआ० वासंतिआ० वत्थु० कत्थुल० सेवाल० अगस्थि० मगदंतिआ० चंपक० जाती० णवणीइआ० कुंद० महाजाइगुम्मा रम्मा महामेहणिउरंबभूआ दसद्धवण्णं कुसुमं कुसुमेति जे णं भरहे वासे बहुसमरमणिज्जं भूमिभागं वायविधुअग्गसाला मुक्कपुप्फपुंजोवयारकलिअं करेति, तीसे णं समाए भरहे वासे तत्थ २ तहिं २ बहुईओ पउमलयाओ किण्हाओ किण्होभासाओ जाव लयावण्णओ, तीसे णं समाए भरहे वासे तत्थ २ तहिं २
GNC$555555乐乐乐听听听听听听听听听听听听听听听听听听听听听听听听听听听听听听听听听听听听听
y Education International 2010 03
WWWEEEEEEWWWWWWWWWW
p .pl WWE
www.jainelibrary.orn) WE WWEUEUEUEUEUEUEUEUELEWUELEUCULULOOR