Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 123

KOR955555555
(१) आयारो - बी. सु. ३ अ. इरिया उद्देसक १ [३२]
55555555555RExog
HCFCs听听听听听听听听听听听听听听听听听听听听听听听听听听听听听听听听听听听听听听乐乐
अपरिसाडा वेगदा सेज्जा भवेज्जा, सउवसग्गा वेगदा सेज्जा भवेज्जा, णिरुवसग्गा वेगदा सेज्जा भवेज्जा, तहप्पगाराहिं सेज्जाहिं संविजमाणाहिं पग्गहिततरागं विहारं विहरेज्जा । णो किंचि वि गिलाएज्जा। ४६३. एयं खलु तस्स भिक्खुस्स वा भिक्खुणीए वा सामग्गियं जं सव्वदे॒हिं सहिते सदा जतेज्जासि त्ति बेमि सेज्जा समत्ता ॥ ३ तईयं अज्झयणं 'इरिया' पढमो उद्देसओ ४६४. अब्भुवगते खलु वासावासे अभिपवुढे, बहवे पाणा अभिसंभूया, बहवे बीया अहुणुब्भिण्णा, अंतरा से मग्गा बहुपाणा बहुबीया जाव संताणगा, अणण्णोकंता पंथा, णो विण्णाया मग्गा, सेवं णच्चा णो गामाणुगामं दूइज्जेज्जा, ततो संजयामेव वासावासं उवल्लिएज्जा । ४६५. से भिक्खू वा २ से ज्जं पुण जाणेज्जा गाम वा जाव रायहाणिं वा, इमंसि खलु गामंसि वा जाव रायहाणिसि वा णो महती विहारभूमी, णो महती वियारभूमी, णो सुलभे पीढ-फलग-सेज्जा-संथारए, णो सुलभे फासुए उंछे अहेसणिज्जे, बहवे जत्थ समण-माहण-अतिहि-किवण-वणीमगा उवागता उवागमिस्संति च, अच्वाइण्णा वित्ती, णो पण्णस्स णिक्खमण जाव चिंताए । सेवं णच्चा तहप्पगारं गाम वा णगरं वा जाव रायहाणिं वा णो वासावासं उवल्लिएज्जा । ४६६. से भिक्खू वा २ से ज्जं पुण जाणेज्जा गामं वा जाव रायहाणिं वा, इमंसि खलु गामंसि वा जाव रायहाणिसि वा महती विहारभूमी, महती वियारभूमी, सुलभे जत्थ पीढ़-फलग-सेज्जा संथारए, सुलभे फासुए उंछे अहेसणिज्जे, णो जत्थ बहवे समण जाव उवागमिस्संति य, अप्पाइण्णा वित्ती, जावई रायहाणिं वा ततो संजयामेव वासावासं उवल्लिएज्जा । ४६७. अह पुणेवं जाणेज्जा चत्तारि मासा वासाणं वीतिकंता, हेमंताण य पंच-दसरायकप्पे परिवुसिते, अंतरा से मग्गा बहुपाणा जाव संताणगा, णो जत्थ बहवे समण जाव उवागमिस्संति य, सेवं णच्चा णो गामाणुगाम दूइज्जेज्जा। ४६८. अह पुणेवं जाणेज्जा चत्तारि मासा वासाणं वीतिक्कंता, हेमंताण य पंच-दसरायकप्पे परिवुसिते अंतरा से मग्गा अप्पंडा जाव संताणगा, बहवे जत्थ समण जाव उवागमिस्संति य । सेवं णच्चा ततो संजयामेव गामाणुगामं दूइज्जेज्जा। ४६९. से भिक्खू वा २ गामाणुगामं दूइज्जमाणे पुरओ जुगमायं पेहमाणे दटूण तसे पाणे उद्धट्ट पादं रीएज्जा, साहट्ट पादं रीएज्जा, वितिरिच्छं वा कट्ट पादं रीएज्जा, सति परक्कमे संजयामेव परक्कमेज्जा, णो उज्जुयं गच्छेज्जा, ततो संजयामेव गामाणुगामं दूइज्जेज्जा । ४७०. से भिक्खू वा २ गामाणुगाम दूइज्जमाणे, अंतरा से पाणाणि वा बीयाणि वा हरियाणि वा उदए वा मट्टिया वा अविद्धत्था, सति परक्कमे जाव णो उज्जुयं गच्छेज्जा, ततो संजयामेव गामाणुगामं दूइज्जेज्जा। ४७१. से भिक्खूवा २ गामाणुगाम दूइज्जमाणे, अंतरा से विरूवरूवाणि पच्चंतिकाणि दसुगायतणाणि मिलक्खूणि अणारियाणि दुस्सण्णप्पाणि दुप्पण्णवणिज्जाणि अकालपडिबोहीणि अकालपरिभोईणि, सति लाढे विहाराए संथरमाणेहिं जणवएहिं णो विहारवत्तियाए पवज्जेज्जा गमणाए । केवली बूयाआयाणमेयं । तेणं बाला 'अयं तेणे,अयं उवचरए, अयं ततो आगते' ति कट्ट तं भिक्खुं अक्कोसेज्न वा जाव उवद्दवेज्ज वा, वत्थं पडिग्गहं कंबलं पादपुंछणं अच्छिदज्ज वा भिदज्ज वा अवहरेज वा परिट्ठवेज वा । अह भिक्खूणं पुव्वोवदिट्ठा ४ जंणो (?) तहप्पगाराणि विरूवरूवाणि पच्वंतियाणि दसुगायतणाणि जाव विहारवत्तियाए णो पवज्जेज्जा गमणाए। ततो संजयामेव गामाणुगाम दूइज्जेज्जा। ४७२. से भिक्खू वा २ गामाणुगामं दूइज्जमाणे, अंतरा से अरायाणि वा जुवरायाणि वा दोरज्जाणि वा वेरज्जाणि वा विरुद्धरज्जाणि वा, सति लाढे विहाराए संथरमाणेहिं जणवएहिं णो विहारवत्तियाए पवज्जेज्जा गमणाए। केवली बूया-आयाणमेतं। ते णं बाला अयं
तेणे तं चेव जाव गमणाए । ततो संजयामेव गामाणुगामं दुइज्जेज्जा । ४७३. से भिक्खू वा २ गामाणुगामं दूइज्जेज्जा, अंतरा से विहं सिया, से ज्जं पुण विहं म जाणेज्जा एगाहेण वा दुयाहेण वा तियाहेण वा चउयाहेण वा पंचाहेण वा पाउणेज्जा वा णो वा पाउणेज्जा। तहप्पगारं विहं अणेगाहगमणिज्जं सति लाढे जाव गमणाए क केवली ब्रूया-आयणमेतं । अंतरा से वासे सिया पाणेसु वा पणएसु वा बीएसु वा हरिएसु वा उदएसु वा मट्टियाए वा अविद्धत्थाए। अह भिक्खूणं पुव्वोवदिट्ठा ४ जं
तहप्पगारं विहं अणेगाहगमणिज्जं जावणो गमणाए। ततो संजयामेव गामाणुगामं दूइज्जेजा। ४७४. से भिक्खू वा २ गामाणुगामं दूइज्जेज्जा, अंतरा सेणावासंतारिमे उदए सिया, से जं पुण णावं जाणेज्जा-असंजते भिक्खुपडियाए किणेज्ज वा, पामिच्चेज वा, णावाए वा णावपरिणाम कट्ट, थलातो वा णावं जलंसि ओगाहेज्जा, जलातो वा णावं थलंसि उक्कसेज्जा, पुण्णं वा णावं उस्सिंचेज्जा, सण्णं वा णावं उप्पीलावेज्जा, तहप्पगारं णावं उड्वगामिणिं वा अहेगामिणिं वा तिरियगामिणिं वा परं
哈乐听听听听听听听听听听听听听听听听听听听听听听听听听听听听听听明听听听听听听听听听听听斯$$$斯CTO.
Re:555 5555555555555550श्री आगमगुणमजूषा- ३२555555555555555555555555OIOR