Page Text
________________
NORO
(१५) पण्णवणा कम्मगडिपयं २३ / कम्मबंधपर्य २४
फ्र
गोमा ! मस्सी उक्कोसकालठितीयं आउयं कम्मं बंधति । १७५३. अंतराइयं जहा णाणावरणिज्जं (सु. १७४५-४७) । बीओ उद्देसओ समत्तो ★★★ ॥ पणवणाए भगवती तेवीसइमं कम्मे त्ति पदं समत्तं ॥ ★★★ २४. चउवीसइमं कम्मबंधपयं ★★★ [ सुत्ताई १७५४-६१. णाणावरणिज्जबंधएसु जीवाई कम्पयडिबंधपरूवणं ] १७५४. १ कति णं भंते ! कम्मपगडीओ पण्णत्ताओ ? गोयमा ! अट्ठ कम्मपगडीओ पण्णत्ताओ तं जहा णाणावरणिज्जं जाव अंतराइयं । २ एवं णेरइयाणं जाव वेमाणियाणं । १७५५. जीवे णं भंते ! णाणावरणिज्जं कम्मं बंधमाणे कति कम्मपगडीओ बंधति ? गोयमा ! सत्तविहबंधए अविबंध वा छव्विहबंधए वा । १७५६. १ णेरइ णं भंते । णाणावरणिज्जं कम्मं बंधमाणे कति कम्मपगडीओ बंधति ? गोयमा ! सत्तविहबंधए वा अट्ठविहबंधए वा । २ एवं जाव वेमाणिए । णवरं मणूसे जहा जीवे (सु. १७५५) । १७५७. जीवा णं भंते! णाणावरणिज्जं कम्मं बंधमाणे कति कम्मपगडीओ बंधति ? गोमा ! सव्वे वि ताव होज्ना सत्तविहबंधगा य अट्ठविहबंधगा य १ अहवा सत्तविहबंधगा य अट्ठविहबंधगा य छव्विहबंधगे य २ अहवा सत्तविहबंधगा य अट्ठविहबंधगा य, छव्विहबंधगा य ३ । १७५८. १ णेरइयाणं भंते ! णाणावरणिज्जं कम्मं बंधमाणा कति कम्मपगडीओ बंधंति ? गोयमा ! सव्वे वि ताव होज्जा सत्तविहबंधगा ? अहवा सत्तविह बंधगा य अट्ठविहबंधगे य २ अहवा सत्तविहबंधगा य अट्ठविहबंधगा च, ३ तिण्णि भंगा। २ एवं जाव थणियकुमारा । १७५९. १ पुढविक्काइयाणं पुच्छा। गोयमा ! सत्तविहबंधगा वि अट्ठविहबंधगा वि । २ एवं जाव वणस्सतिकाइया । १७६०. वियलाणं पंचेदियतिरिक्खजोणियाण य तियभंगोसव्वे वि ताव होना सत्तविहबंधगा १ अहवा सत्तविबंधगा य अट्ठविहबंधए य २ अहवा सत्तविहबंधगा य अट्ठविहबंधगा य ३ । १७६१. मणूसा णं भंते ! णाणावरणिज्जस्स पुच्छा। गोयमा ! सव्वे वि ताव होज्जा सत्तविहबंधगा १ अहवा सत्तविबंधगा य अट्ठविहबंधए य २ अहवा सत्तविहबंधगा य अट्ठविहबंधगा य ३ अहवा सत्तविहबंधगा य छव्विहबंधए य ४ अहवा सत्तविहबंधगा य छव्विहबंधगा य ५ अहवा सत्तविहबंधगा य अट्ठविहबंधए य छव्विहबंधगा य ६ अहवा सत्तविहबंधगाय अविहबंधगे य छव्विहबंधगा य ७ अहवा सत्तविहबंधगा य अट्ठविहबंधगा य छव्विहबंधए य ८ अहवा सत्तविहबंधगा य अट्ठविहबंधगा य छविबंधगाय ९, एवं एते णव भंगा। सेसा वाणमंतराइया जाव वेमाणिया जहा णेरड्या सत्तविहादिबंधगा भणिया (सु. १७५८ १ ) तहा भणियव्वा । [सुत्तं १७६२. दंसणावरणिज्जबंधएस जीवाईसु कम्मपयडिबंधपरूवणं] १७६२. एवं जहा णाणावरणं बंधमाणा जाहिं भणिया दंसणावरणं पि बंधमाणा ताहिं जीवादीया गत्-पोहत्तेहिं भाणियव्वा । [ सुत्ताइं १७६३-६५. वेयणिज्जबंधएसु जीवाईसु कम्मपयडिबंधपरूवणं] १७६३. १ वेयणिज्जं बंधमाणे जीवे कति
पगडीओ बंध? गोयमा ! सत्तविहबंधए वा अट्ठविहबंधए छव्विहबंधए वा । २ एवं मणूसे वि । ३ सेसा णारगादीया सत्तविहबंधगा य अट्ठविहबंधगा य जा . माणिए । १७६४. जीवा णं भंते ! वेयणिज्जं कम्मं० पुच्छा । गोयमा ! सव्वे वि ताव होज्जा सत्तविहबंधगा य अट्ठविहबंधगा य छव्विहबंधगे य १ अहवा सत्तविहबंधगा य अट्ठविबंधगा य एगीवहबंधगा य छव्विहबंधगा य २ । १७६५. १ अवसेसा णारगादीया जाव वेमाणिया जाओ णाणावरणं बंधमाणा बंधंति ताहिं भाणिव्वा । २ णवरं मणूसा णं भंते ! वेदणिज्जं कम्मं बंधमाणाकति कम्मपगडीओ बंधंति ? गोयमा ! सव्वे वि तावज्जा सत्तविहबंधगा य एगविहबंधगा य १ अहवा सत्तविहबंधगा य एगविहबंधगा य अट्ठविहबंधए य २ अहवा सत्तविहबंधगा य एगविहबंधगा य अट्ठविहबंधगा य ३ अहवा सत्तविहबंधगा य एगविहबंधगा य छव्विहबंध य ४ अहवा सत्तविहबंधगा य एगविहबंधगा य छव्विहबंधगा य ५ अहवा सत्तविहबंधगा य एगविहबंधगा य अट्ठविहबंधए य छव्विहबंधए य ६ अहवा सत्तविहबंधगा य एगविहबंधगा य अट्ठविहबंधए य छव्विहबंधगा य ७ अहवा सत्तविहबंधगा य एगविहबंधगा य अट्ठविहबंधगा य छव्विहबंधए य ८ अहवा सत्तविहबंधगा य एगविहबंधगा य अट्ठविहबंधगा य छव्विहबंधए य ९, एवं णव भंगा। [सुत्ताई १७६६-६८. मोहणिज्जाइबंधएसु जीवाईसु कम्मपयडिबंधपरूवणं ] १७६६. मोहणिज्जं बंधमाणे जीवे कति कम्मपगडीओ बंधइ ? गोयमा ! जीवेगिदियवज्जो तियभंगो । जीवेगिदिया सत्तविहबंधगा वि अट्ठविहबंधगा वि । १७६७. १
फ्र
श्री आगमगुणमंजूषा - १०८४
[१४९]
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |