Page Text
________________
*******
(१५) पण्णवणा ओगाहणसंठाणपयं २१
पमाणदाराइं] १५५२. कम्मगसरीरे णं भंते ! कतिविहे पण्णत्ते ? गोयमा ! पंचविहे पण्णत्ते । तं जहा एगिदियकम्मगसरीरे जाव पंचेदिय० । एवं जहेव तेयगसरीरस्स भेदो संठाणं ओगाहणा य भणिया (सु. १५३६-५१) तहेव णिरवसेसं भाणियव्वं जाव अणुत्तरोववाइय त्ति । [ सुत्ताइं १५५३-५८. ४ पोग्गलचिणणादारं ] १५५३. ओरालियसरीरस्स णं भंते! कतिदिसं पोग्गला चिज्जंति ? गोयमा ! णिव्वाघाएणं छद्दिसिं, वाघातं पडुच्च सिय तिदिसं सिय चउदिसं सिय पंचदिसं । १५५४. वेउव्वियसरीरस्स णं भंते! कतिदिसं पोग्गला चिज्नंति ? गोयमा ! णियमा छद्दिसिं । १५५५. एवं आहारगसरीरस्स वि । १५५६. तेया- कम्मगाणं जहा ओरालियसरीरस्स (सु. १५५३) । १५५७. ओरालियसरीरस्स णं भंते ! कतिदिसिं पोग्गला उवचिज्जंति ? गोयमा ! एवं चेव, जाव कम्मगसरीरस्स । १५५८. एवं उवचिज्जंति(?) अवचिज्जंति । [सुत्ताई १५५९-६४. ५ सरीरसंजोगदारं ] १५५९. जस्स णं भंते ! ओरालियसरीरं तस्स णं वेउव्वियसरीरं ? जस्स वेउव्वियसरीरं तस्स ओरालियसरीरं ? गोयमा ! जस्स ओरालियसरीरं तस्स वेउव्वियसरीरं सिय अत्थि सिय णत्थि, जस्स वेउव्वियसरीरं तस्स ओरालियसरीरं सिय अत्थि सिय णत्थि । १५६०. जस्स णं भंते! ओरालियसरीरं तस्स आहारगसरीरं ? जस्स आहारगसरीरं तस्स ओरालियसरीरं ? गोयमा ! जस्स ओरालियसरीरं तस्स आहारगसरीरं सिय अत्थि सिय णत्थि, जस्स पुण आहारगसरीरं तस्स ओरालियसरीरं णियमा अत्थि । १५६१. जस्स णं भंते! ओरालियसरीरं तस्स तेयगसरीरं ? जस्स तेयगसरीरं तस्स ओरालियसरीरं ? गोयमा ! जस्स ओरालियसरीरं तस्स तेयगसरीरं णियमा अत्थि, जस्स पुण तेयगसरीरं तस्स ओरालियसरीरं सिय अत्थि सिय णत्थि । १५६२. एवं कम्मगसरीरं पि । १५६३. १ जस्स णं भंते! वेउव्वियसरीरं तस्स आहारगसरीरं ? जस्स आहारगसरीरं तस्स वेडव्वियसरीरं ? गोयमा ! जस्स वेउव्वियसरीरं तस्साहारगसरीरं णत्थि, जस्स वि य आहारगसरीरं तस्स वि वेउव्वियसरीरं णत्थि । २ तेया कम्माई जहा ओरालिएण समं (सु. १५६१-६२) तहेव आहारगसरीरेण वि समं तेया-कम्माई चारेयव्वाणि । १५६४. जस्स णं भंते ! तेयगसरीरं तस्स कम्मगसरीरं ? जस्स कम्मगसरीरं तस्स तेयगसरीरं ? गोयमा ! जस्स तेयगसरीरं तस्स कम्मगसरीरं नियमा अत्थि, जस्स वि कम्मगसरीरं तस्स वि तेयगसरीरं णियमा अत्थि । [सुत्तं १५६५. ६ दव्वपएसऽप्पबहुदारं] १५६५. एतेसि णं भंते ! ओरालिय- वेडव्विय- आहारग- तेया- कम्मग सरीराणं दव्वट्ट्याए पएसट्टयाए दव्वट्टपएसट्टयाए कतरे कतरेहिंतो अप्पा ४ ? गोयमा ! सव्वत्थोवा आहारगसरीरा दव्वट्टयाए, वेडव्वियसरीरा दव्वट्टयाए असंखेज्जगुणा, ओरालियसरीरा दव्वट्टयाए असंखेज्जगुणा, तेया- कम्मगसरीरा दोविल्ला दव्या अणंतगुणाः पएसट्टयाए- सव्वत्योवा आहारगसरीरा पएसट्टयाए, वेउव्वियसरीरा पदेसट्टयाए असंखेज्जगुणा, ओरालियसरीरा पदेसट्टयाए असंखेज्जगुणा, तेयगसरीरा पदेसट्टयाए अनंतगुणा, कम्मगसरीरा पदेसट्टयाए अणंतगुणा; दव्वट्टपदेसट्टयाए- सव्वत्थोवा आहारगसरीरा दव्वट्टयाए, वेउब्वियसरीरा दव्वट्टयाए असंखेज्जगुणा, ओरालियसरीरा दव्वट्टयाए असंखेज्जगुणा, ओरालियसरीरेहिंतो दव्वट्टयाए आहारगसरीरा पएसट्टयाए अनंतगुणा, वेउव्वियसरीरा पदेसट्टयाए असंखेज्जगुणा, ओरालियसरीरा पदेसट्टयाए असंखेज्जगुणा, तेया- कम्मगसरीरा दो वि तुल्ला दव्वट्टयाए अनंतगुणा, तेयगसरीरा पदेसट्टयाए अनंतगुणा, कम्मगसरीरा पदेसट्टयाए अनंतगुणा। [सुत्तं १५६६. ७ सरीरओगाहणऽप्पबहुदारं ] १५६६. एतेसि णं भंते ! ओरालिय-वेउव्विय- आहारग-तेया- कम्मगसरीराणं जहण्णियाए ओगाहणाए उक्कोसियाए ओगाहणाए जहण्णुक्कोसियाए ओगाहणाए कतरे कतरेहिंतो अप्पा वा ४ ? गोयमा ! सव्वत्थोवा ओरालियसरीरस्स जहण्णिया ओगाहणा, तेया- कम्मगाणं दोण्ह वि तुल्ला जहण्णिया ओगाहणा विसेसाहिया, वेउव्वियसरीरस्स जहण्णिया ओगाहणा असंखेज्नगुणा, आहारगसरीरस्स जहण्णिया ओगाहणा असंखेज्जगुणा; उक्कोसियाए ओगाहणाए- सव्वत्थोवा आहारगसरीरस्स उक्कोसिया ओगाहणा, ओरालियसरीरस्स उक्कोसिया ओगाहणा संखेज्जगुणा, वेउव्वियसरीरस्स उक्कोसिया ओगाहणा संखेज्जगुणा, तेया- कम्मगाणं दोण्ह वि तुल्ला उक्कोसिया ओगाहणा असंखेज्जगुणा; जहण्णुक्कोसियाए ओगाहणाए - सव्वत्थोवा ओरालियसरीरस्स जहण्णिया ओगाहणा, तेया- कम्मगाणं दोण्ह वि तुल्ला जहण्णिया ओगाहणा विसेसाहिया, वेउव्वियसरीरस्स जहण्णिया ओगाहणा
श्री आगमगुणमजूषा १०६९
[१३४]
फ्र
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |