Page Text
________________
(१५) पण्णवणा ओगाहणसंठाणपयं २१
[१२८]
हुंडसंठाणसंठिए । एवं पज्जत्तापज्जत्ताण वि ३ । एवमेते तिरिक्खजोणियाणं ओहियाणं णव आलावगा । १४९८. १ जलयरतिरिक्खजोणियपंचेदियओरालियसरीरे णं भंते! किंसंठाणसंठिए पण्णत्ते ? गोयमा ! छव्विहसंठाणसंठिए पण्णत्ते । तं जहा समचउरंसे जाव हुंडे । २ एवं पज्जत्तापज्जत्ताण वि । ३ सम्मुच्छिमजलयरा हुंडसंठाणसंठिया । एतेसिं चेव पज्जत्तापज्जत्तगा वि एवं चेव । ४ गब्भवक्वतियजलयरा छव्विहसंठाणसंठिया। एवं पज्जत्तापज्जत्तगा वि । १४९९. १ एवं थलयराण विणवत्ताणि । २ एवं चउप्पयथलयराण वि उरपरिसप्पथलयराण वि भुयपरिसप्पथलयराण वि । १५००. एवं खहयराण वि णव सुत्ताणि । णवरं सव्वत्थ सम्मुच्छिमा हुंडसंठाणसंठिया भाणियव्वा, इयरे छसु वि । १५०१. १ मणूसपंचेदियओरालियसरीरे णं भंते! किंसंठाणसंठिए पण्णत्ते ? गोयमा ! छव्विहसंठाणसंठिए पण्णत्ते । तं जहा समचउरंसे जाव हुंडे । २ पज्जत्तापज्जत्ताण वि एवं चेव । ३ गब्भवक्कंतियाण वि एवं चेव । पज्जत्ताऽपज्जत्तगाण वि एवं चेव । ४ सम्मुच्छिमाणं पुच्छा | गोयमा ! हुंडसंठाणसंठिया पण्णत्ता । [सुत्ताई १५०२-१३. ओरालियसरीरे पमाणदारं ] १५०२. ओरालियसरीरस्स णं भंते ! महाल सरीरोगाहणापण्णत्ता ? गोयमा ! जहण्णेणं अंगुलस्स असंखेज्जइभागं, उक्कोसेणं सातिरेगं जोयणसहस्सं । १५०३. एगिदियओरालियस्स वि एवं चेव जहा ओहियस्स (सु. १५०२) । १५०४. १ पुढविक्वाइयएगिदियओरालियसरीरस्स णं भंते ! केमहालिया पुच्छा। गोयमा ! जहण्णेण वि उक्कोसेणं वि अंगुलस्स असंखेज्जइभागं । २ एवं अपज्जत्तयाण वि पज्जत्तयाण वि । ३ एवं सुहुमाण वि पज्जत्तापज्जत्ताणं । ४ बादराणं पज्जत्तापज्जत्ताण वि एवं। एसो णवओ भेदो । १५०५. जहा पुढविक्काइयाणं तहा आउक्काइयाण वि तेउक्काइयाण वि वाउक्काइयाण वि । १५०६. १ वणस्सइकाइयओरालियसरीरस्स णं भंते ! केमहालिया सरीरोगाहणा पण्णत्ता ? गोयमा ! जहण्णेणं अंगुलस्स असंखेज्जइभागं, उक्कोसेणं सातिरेगं जोयणसहस्सं । २ अपज्जत्तगाणं जहण्णेण वि उक्कोसेणं वि अंगुलस्स असंखेज्जइभागं । ३ पज्जत्तगाणं जहणणेण अंगुलस्स असंखेज्जइभागं, उक्कोसेणं सातिरेगं जोयणसहस्सं । ४ बादराणं जहण्णेणं अंगुलस्स असंखेज्जइभागं, उक्कोसेणं सातिरेगं जोयणसहस्सं । पज्जत्ताण वि एवं चेव । अपज्जत्ताणं जहण्णेण वि उक्कोसेण वि अंगुलस्स असंखेज्जइभागं । १५०७ १ बेइंदियओरालियसरीरस्स णं भंते ! महालिया सरीरोगाहणा पण्णत्ता ? गोयमा ! जहणणेणं अंगुलस्स असंखेज्जइभागं, उक्कोसेणं बारस जोयणाई । २ एवं सव्वत्थ वि अपज्जत्तयाणं अंगुलस्स असंखेज्जइभागं जहण्णेण वि उक्कोसेण वि । ३ पज्जत्तयाणं जहेव ओरालियस्स ओहियस्स (सु. १५०२) । १५०८. एवं तेइंदियाणं तिण्णि गाउयाइं, चउरिदियाणं चत्तारि गाउयाइं । १५०९. पंचिदियतिरिक्खजोणियाणं उक्कोसेणं जोयणसहस्सं ३, एवं सम्मुच्छिमाणं ३, गब्भवक्कंतियाण वि ३ । एवं चेव णवओ भेदो भाणियव्वो । १५१०. एवं जलयराण वि जोयणसहस्सं, णवओ भेदो । १५११. १ थलयराण वि णवओ भेदो उक्कोसेणं छग्गाउयाई, पज्जत्ताण वि एवं चेव ३ । सम्मुच्छिमाणं पज्जत्ताण य उक्कोसेणं गाउयपुहत्तं । गब्भवक्कंतियाणं उक्कोसेणं छग्गाउयाई पज्जत्ताण य २ । ओहियचउप्पयपज्जत्तय-गब्भवक्कंतियपज्जत्तयाण य उक्कोसेणं छग्गाउयाई । सम्मुच्छिमाणं पज्जत्ताण य गाउयपुहत्तं उक्कोसेणं । २ एवं उरपरिसप्पाण वि ओहिय-गब्भवक्कतियपज्जत्तयाणं जोयणसहस्सं । सम्मुच्छिमाणं जोयणपुहत्तं । ३ भुयपरिसप्पाणं ओहियगब्भवक्कंतियाण य उक्कोसेणं गाउयपुहत्तं । सम्मुच्छिमाणं धणुपुहुत्तं । १५१२. खहयराणं ओहिय-गब्भवक्कतियाणं सम्मुच्छिमाण य तिह वि उक्कोसेणं धणुपुहत्तं । इमाओ संगहणिगाहाओ जोयणसहस्स छग्गाउयाई तत्तो य जोयणसहस्सं । गाउयपुहत्त भुयए धणूपुहत्तं च पक्खीसु ॥ २१५|| जोयणसहस्स गाउयपुत्त तत्तो य जोयणपुहत्तं । दोण्हं तु धणुपुहत्तं सम्मुच्छिमे होति उच्चतं ।। २१६ ।। १५१३. १ मणुस्सोरालियसरीरस्स णं भंते! केमहालिया सरीरोगाहाणापण्णत्ता ? गोयमा ! जहण्णेणं अंगुलस्स असंखेज्जइभागं, उक्कोसेणं तिण्णि गाउयाइं । २ अपज्जत्ताणं जहणेण वि उक्कोसेणं वि अंगुलस्स असंखेज्जइभागं। ३ सम्मुच्छिमाणं जहण्णेण वि उक्कोसेणं वि अंगुलस्स असंखेज्जइभागं । ४ गब्भवक्कंतियाणं पज्जत्ताण य जहण्णेणं अंगुलस्स असंखेज्जइभागं, उक्कोसेणं तिण्णि गाउयाइं। [ सुत्ताई १५१४-२०. वेउव्वियसरीरे विहिदारं ] १ वेउव्वियसरीरे णं भंते ! कतिविहे पण्णत्ते ? गोयमा ! दुविहे पण्णत्ते । तं
HORO
HONOR
ॐ श्री आगमगुणमंजूषा - १०६३
फ्र
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |