Page Text
________________
(१५) पण्णवणा
भासापर्य ११
[८३]
मंदकुमारिया वा जाणति आहारमाहरेमाणे अहमेसे आहारमाहारेमि अहमेसे आहारमाहारेमि त्ति ? गोयमा ! णो इणट्ठे समट्ठे, णऽण्णत्थ सण्णिणो । ८४१. अह भंते ! मंदकुमारए वा मंदकुमारिया वा जाणति अयं मे अम्मा-पियरो २ ? गोयमा ! णो इणट्ठे समट्ठे, णऽण्णत्थ सण्णिणो । ८४२. अह भंते ! मंदकुमारए वा मंदकुमारिया वा जाणति अयं मे अतिराउले अयं मे अतिराउले त्ति ? गोयमा ! णो इणट्टे समट्ठे, णऽण्णत्थ सण्णिणो । ८४३. अह भंते ! मंदकुमारए वा मंदकुमारिया वा जाणति अयं मे भट्टिदारए अयं मे भट्टिदारए त्ति ? गोयमा ! णो इणट्ठे समट्ठे, णऽण्णत्थ सण्णिणो । ८४४. अह भंते! उट्टे गोणे खरे घोडए अए एलए जाणति बुयमाणे अहमेसे बुयाम अहमेसे बुयामि ? गोयमा ! णो इणट्ठे समट्ठे, णऽण्णत्थ सण्णिणो । ८४५. अह भंते ! उट्टे जाव एलए जाणति आहारेमाणे अहमेसे आहारेमि अहमेसे आहारेमि त्ति ? गोयमा ! णो इणट्ठे समट्ठे, णऽण्णत्थ सण्णिणो । ८४६. अह भंते! उट्टे गोणे खरे घोडए अए एलए जाणति अयं मे अम्मा-पियरो २ त्ति ? गोयमा ! णो इणट्टे समट्ठे, णऽण्णत्थ सण्णिणो । ८४७. अह भंते ! उट्टे जाव एलए जाणति अयं मे अतिराउले २ ? गोयमा ! जाव णऽण्णत्थ सण्णिणो । ८४८. अह भंते ! उट्टे जाव एलए जाणति अयं मे भट्टिदारए २ ? गोयमा ! जाव णऽण्णत्थ सण्णिणो । [सुत्ताई ८४९-८५७. एगवयणाइभासापरूवणं ] ८४९. अह भंते ! मणुस्से महिसे आसे हत्थी सीहे वग्धे वगे दीवए अच्छे तरच्छे परस्सरे सियाले विराले सुणए कोलसुणए कोक्कंतिए ससए चित्तए चिल्ललए जे यावऽण्णे तहप्पगारा सव्वा सा एगवयू ? हंता ? गोयमा ! मस्से जाव चिल्ललए जे यावऽण्णे तहप्पगारा सव्वा सा एगवयू । ८५०. अह भंते! मणुस्सा जाव चिल्ललगा जे यावऽण्णे तहप्पगारा सव्वा सा बहुवयू ? हंता गोयमा ! मणुस्सा जाव चिल्ललगा सव्वा सा बहुवयू । ८५१. अह भंते ! मणुस्सी महिसी वलवा हतिथणिया सीही वग्घी वगी दीविया अच्छी तरच्छीपरस्सरी सियाली विराली सुणिया गोलसुणिया कोक्कंतिया ससिया चित्तिया चिल्ललिया जा यावऽण्णा तहप्पगारा सव्वा सा इत्थिवयू ? हंता गोयमा ! मणुस्सी जाव चिल्ललिया जा यावऽण्णा तहप्पगारा सव्वा सा इत्थिवयू । ८५२. अह भंते ! मणुस्से ! जाव चिल्ललए जे यावऽन्ने तहप्पगारा सव्वा सा पुमवयू ? हंता गोयमा ! मणुस्सा महिसे आसे हत्थी सीहे वग्घे वगे दीविए अच्छे तरच्छे परस्सरे सियाले विराले सुणए कोलसुणए कोक्कंतिए ससए चित्तए चिल्ललए जे यावऽण्णे तहप्पगारा सव्वा सा पुमवयू । ८५३. अह भंते ! कंसं कंसोयं परिमंडलं सेलं थूभं जालं थालं तारं रूवं अच्छिं पव्वं कुंडं पउमं दुद्धं दहियं णवणीयं आसणं सयणं भवणं विमाणं छत्तं चामरं भिंगारं अंगणं निरंगणं आभरणं रयणं जे यावऽण्णे तहप्पगारा सव्वं तं णपुंसगवयू ? हंता गोयमा ! कंसं जाव रयणं जे यावऽण्णे तहप्पगारा सव्वं तं पुंसगवयू । ८५४. अह भंते ! पुढवीति इत्थीक्यू आउ त्ति पुमवयू धण्णे त्ति णपुंसगवयू पण्णवणी णं एसा भासा ? ण एसा भासा मोसा ? हंता ? गोया ! पुढवित्ति इत्थवयू, आउ त्ति पुमवयू, धण्णे त्ति णपुंसगवयू, पण्णवणी णं एसा भासा, ण एसा भासा मोसा । ८५५. अह भंते! पुढवीति इत्थी आणमणी आउ त्ति पुमआणमणी धण्णे त्ति नपुंसगाणमणी पण्णवणी णं एसा भासा ? ण एसा भासा मोसा ? हंता गोयमा ! पुढवीति इत्थिआणमणी, आउ त्ति पुमआणमणी, धत्त पुंसगआणमणी, पण्णवणी णं एसा भासा, ण एसा भासा मोसा । ८५६. अह भंते ! पुढवीति इत्थिपण्णवणी आउत्ति पुमपण्णवणी धण्णे त्तिणपुंसगपण्णवणी आराहणी एसा [ ग्रन्थाग्रम् ४००० ] भासा ? ण एसा भासा मोसा ? हंता गोयमा ! पुढवीति इत्थिपण्णवणीआउ त्ति पुमपण्णवणी धण्णे त्ति णपुंसगपण्णवणी आराहणी णं एसा भासा ण एसा भासा मोसा । ८५७. इच्चेवं भंते ! इत्थिवयणं वा पुमवयणं वा णपुंसगवयणं वा वयमाणे पण्णवणी णं एसा भासा ? ण एसा भासा मोसा? हंता ? गोयमा ! इत्थिवयणं वा पुमवयणं वा णपुंसगवयणं वा वयमाणे पण्णवणी णं एसा भासा, ण एसा भासा मोसा । [सुत्ताई ८५८-८५९. भासासरूवं] ८५८. भासा णं भंते! किमादीया किंपहवा किंसंठिया किंपज्जवसिया ? गोयमा ! भासा णं जीवादीया सरीरपहवा वज्जसंठिया लोगंतपज्जवसिया पण्णत्ता । ८५९. भासा कओ य पहवति ? कतिहिं च समएहिं भासती भासं ? । भासा कतिप्पगारा ? कति वा भासा अणुमयाओ ? || १९२ ॥ सरीरप्पहवा भासा, दोहि य समएहिं भासती भासं । भासा चउप्पगारा, दोण्णि य भासा अणुमयाओ || १९३ ॥ [ सुत्ताई ८६०-८६६. पञ्जत्तियाइभासाभेयपरूवणं ] ८६०. कतिविहा णं भंते! भासा
श्री आगमगुणमजूषा १०१८
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |