Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1122

(१५) पण्णवणा
चरिमपयं-१०
[८०]
乐乐乐乐乐乐听听听听听听乐乐乐C
OTC明明明明乐乐乐乐听听听听听听听听听听听听听听听听听听听听听听听听听听明明明明明明明明明劣$5CM
चरिमे य अचरिमाइं च अवत्तव्वयाइं च २२ सिय चरिमाइं च अचरिमे य अवत्तव्वए य २३ सिय चरिमाइं च अचरिमे य अवत्तव्वयाइं च २४ सिय चरिमाइं च अचरिमाइंच अवत्तव्वए य २५ सिय चरिमाइंच अचरिमाइंच अवत्तव्वयाइंच २६।७८९. संखेज्जपएसिए असंखेज्जपएसिए अणंतपएसिए खंधे जहेव अट्ठपदेसिए तहेव पत्तेयं भाणितव्वं । ७९०. परमाणुम्मि य ततिओ पढ़मो ततिओ य होति दुपदेसे। पढमो ततिओ नवमो एक्कारसमो य तिपदेसे ।।१८५|| पढमो ततिओ नवमो दसमो एक्कारसो य बारसमो। भंगा चउप्पदेसे तेवीसइमो य बोद्धव्वो ॥१८६।। पढमो ततिओ सत्तम नव दस एक्कार बार तेरसमो। तेवीस चउव्वीसो पणुवीसइमो य पंचमए ॥१८७।। बि चउत्थ पंच छटुं पणरस सोलं च सत्तरउट्ठारं । वीसेक्कवीस बावीसगं च वज्जेज छट्ठम्मि ॥१८८।। बि चउत्थ पंच छटुं पण्णर सोलं च सत्तरऽट्ठारं । बावीसइमविहूणा सत्तपदेसम्मि खंधम्मि ॥१८९॥ बि चउत्थ पंच छटुं पण्णर सोलं च सत्तरऽट्ठाणं । एते वज्जिय भंगा सेसा सेसेसु खंधेसु ॥१९०।। सुत्ताइं७९१-८०६. संठाणविवक्खाए चरिमाइविभागाइ ७९१. कति णं भंते ! संठाणा पण्णत्ता ? गोयमा ! पंच संठाणा पण्णत्ता। तं जहा - परिमंडले १ वट्टे २ तंसे ३ चउरंसे ४ आयते ५। ७९२. परिमंडला णं भंते ! संठाणा किं संखेज्जा असंखेज्जा अणंता ? गोयमा ! णो संखेज्जा, नो असंखेज्जा, अणंता । एवं जाव आयता । ७९३. परिमंडले णं भंते ! संठाणे किं संखेज्जपएसिए असंखेज्जपएसिए अणंतपएसिए ? गोयमा ! सिय संखेजपएसिए सिय असंखेजपदेसिए सिय अणंतपदेसिए । एवं जाव आयते । ७९४. परिमंडले णं भंते ! संठाणे संखेजपदेसिए किं संखेज्जपदेसोगाढे असंखेज्जपएसोगाढे अणंतपएसोगाढे १ गोयमा ! संखेज्जपएसोगाढे, नो असंखेज्जपएसोगाडे नो अणंतपएसोगाढे । एवं जाव आयते । ७९५. परिमंडले णं भंते ! संठाणे असंखेज्जपदेतसए कि संखेजपदेसोगाढे असंखिज्जपदेसोगाढे अणंतपएसोगाढे ? गोयमा ! सिय संखेज्जपएसोगाढे सिय असंखेजपदेसोगाढे, णो अणंतपदेसोगाढे । एवं जाव आयते । ७९६. परिमंडले णं भंते ! संठाणे अणंतपएसिए किं संखेज्जपएसोगाढे असंखेज्जपएसोगाढे अणंतपएसोगाढे ? गोयमा ! सिय संखेज्जपएसोगाढे सिय असंखेज्जपएसोगाढे, नो अणंतपएसोगाढे । एवं जाव आयते । ७९७. परिमंडले णं भंते । संठाणे संखेज्जपदेसिए संखेजपएसोगाढे किं चरिमे अचरिमे चरिमाइं अचरिमाइं चरिमंतपदेसा अचरिमंतपदेसा ? गोयमा ! परिमंडले णं संठाणे संखेज्जपदेसिए संखेज्जपदेसोगाढे ना चरिमे नो अचरिमे नो चरिमाइं नो अचरिमाइं नो चरिमंतपदेसा नो अचरिमंतपएसा, नियमा अचरिमं च चरिमाणि य चरिमंतपदेसा य अचरिमंतपदेसा य । एवं जाव आयते । ७९८. परिमंडले णं भंते ! संठाणे असंखेज्जपएसिए संखेज्जपदेसोगाढे किं चरिमे० पुच्छा । गोयमा ! असंखेज्जपएसिए संखेजपएसोगाढे जहा संखेजपएसिए (सु. ७९७) । एवं जाव आयते । ७९९. परिमंडले णं भंते ! संठाणे असंखेजपदेसिते असंखेजपएसोगाढे किं चरिमे० पुच्छा। गोयमा ! असंखेज्जपदेसिए असंखेज्जपदेसोगाढे नो चरिमे जहा संखेज्जपदेसोगाढे (सु.७९८)। एवं जाव आयते। ८००. परिमंडलेणं भंते ! संठाणे अणंतपएसिए संज्जपएसोगाढे किं चरिमे० पुच्छा। गोयमा! तहेव (सु.७९७) जाव आयते। ८०१. अणंतपदेसिए असंखेज्जपदेसोगाडे जहा संखेज्जपदेसोगाढे (सु.८००) । एवं जाव आयते । ८०२. परिमंडलस्स णं भंते ! संठाणस्स संखेज्जपएसियस्स संखेज्जपएसोगाढस्स अचरिमस्स य चरिमाण य चरिमंतपदेसाण य अचरिमंतपदेसाण य दव्वट्ठयाए पदेसट्ठयाए दव्वट्ठपदेसट्ठयाए कतरे कतरेहितो अप्पा वा ४ ? गोयमा ! सव्वत्थोवे परिमंडलस्स संठाणस्स संखेज्जपदेसियस्स संखेज्जपदेसोगाढस्स दव्वट्ठयाए एगे अचरिमे १ चरिमाइं संखेज्जगुणाई २ अचरिमं च चरिमाणि य दो वि विसेसाहियाई ३। पदेसट्ठयाए सव्वत्थोवा परिमंडलस्स संठाणस्स संखेजपदेसियस्स संखेजपदेसोगाढस्स चरिमंतपदेसा १ अचरिमंतपदेसा संखेज्जगुणा २ चरिमंतपदेसा य अचरिमंतपदेसा य दो वि विसेसाहिया ३ । दव्वट्ठपदेसट्ठयाए सव्वत्थोवे परिमंडलस्स संठाणस्स संखेज्जपदेसियस्स संखेजपदेसोगाढस्स दव्वट्ठयाए एगे अचरिमे
१ चरिमाइं संखेज्जगुणाई २ अचरिमं च चरिमाणि य दो वि विसेसाहियाइं ३ चरिमंतपदेसा संखेनगुणा ४ अचरिमंतपएसा संखेजगुणा ५ चरिमंतपदेसा य म अचरिमंतपदेसा य दो वि विसेसाहिया ६ । एवं वट्ट-तंस-चउरंस-आयएसु वि जोएअव्वं । ८०३. परिमंडलस्स णं भंते ! संठाणस्स असंखेजपएसियस्स
明明明明明明明明明明明明明明明明明明明明明明明明明明明明明明明明明明明明明明明明明明听听听听听听CC
EmpRecoolya
GREducation international 2010-03 xorrof9
99999999श्री आगमगुणमंजूषा-
१०१५
N
OOR