Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1049

Kor05555555555
(१५) पण्णवणा पय-१
[७]
$
$$$$$$$$%
A7
C%听听听听听听听听听听听听听听听听听听听听听听听听听听听听听听听听听听听听听听听听听听听听听听听听CN
बहुबीयगा य। ४० से किं तं एगट्ठिया ? एगट्ठिया अणेगविहा पण्णत्ता । तं जहा णिबंब जंबु कोसंब साल अंकोल्ल पीलु सेलू य । सल्लइ मोयइ मालुय वउल पलासे करंजे य॥१३|| पुत्तंजीवयऽरिद्वे बिभेलए हरडए य भल्लाए । उंबेभरिया खीरिणि बोधव्वे धायइ पियाले ॥१४।। पूईकरंज सेण्हा(सहा) तह सीसवा य असणे य । पुण्णाग णागरुक्खे सीवण्णि तहा असोगे य ॥१५॥ जे यावऽण्णे तहप्पगारा। एतेसिणं मूला वि असंखेज्जजीविया, कंदा वि खंधा वि तया वि साला वि पवाला वि । पत्ता पत्तेयजीविया । पुप्फा अणेगजीविया । फला एगट्ठिया । सेत्तं एगठ्ठिया । ४१. से किं तं बहुबीयगा ? बहुबीयगा अणेगविहा पण्णत्ता । तं जहा अत्थिय तिंदु कविढे अंबाडग माउलिंग बिल्ले य । आमलग फणस दाडिम आसोत्थे उपर वडे य ।।१६|| णग्गोह णंदिरुक्खे पिप्परि सयरी पिलुक्खरुक्खे य । काउंबरि कुत्थंभरि बोधव्वा देवदाली य ।।१७|| तिलए लउए छत्तोह सिरीसे सत्तिवण्ण दहिवन्ने । लोद्ध धव चंदणज्जुण णीमे कुडए कयंबे य ।।१८।। जे यावऽण्णे तहप्पगारा । एएसिणं मूला वि असंखेज्जजीविया, कंदा वि खंधा वि तया वि साला वि पवाला वि । पत्ता पत्तेयजीविया । पुप्फा अणेगजीविया । फला बहुबीया। से तं बहुबीयगा। से तं रुक्खा। ४२. से किं तं गुच्छा ? गुच्छा अणेगविहा पण्णत्ता । तं जहा वाइंगण सल्लइ बोंडई य तहा कच्छुरी य जासुमणा । रूवी आढइ नीली तुलसी तह माउलिंगी य॥१९|| कत्थंभरि पिप्पलिया अतसी बिल्ली य कायमाई या । चुच्चु पडोला कंदलि बाउच्चा वत्थुले बदरे ।।२०।। पत्तउर सीयउरए हवति तहा जवसए य बोधव्वे। णिग्गुंडि अक्क तूवरि आढई चेव तलऊडा ॥२१|| सण वाण कास मद्दग अगघाडग साम सिंदुबारे य। करमद्द अद्दरूसग करीर एरावण महित्थे ।।२२|| जाउलग माल परिली गयमारिणि कुच्च कारिया भंडी। जावइ केयइ तह गंज पाडला दासि अंकोल्ले ॥२३॥ जे यावऽण्णे तहप्पगारा। सेत्तं गुच्छा। ४३. से किं तं गुम्मा ? गुम्मा अणेगविहा पण्णत्ता । तं जहा सेरियए णोमालिय कोरंटय बंधुजीवग मणोज्जे । पीईय पाण कणइर कुज्जय तह सिंदुवारे य ।।२४।। जाई मोग्गर तह जूहिया य तह मल्लिया य वासंती । वत्थुल कच्छुल सेवाल गंठि मगदंतिया चेव ॥२५|| चंपगजाती णवणीइया य कुदो तहा महाजाई । एवमणेगागारा हवंति गुम्मा मुणेयव्वा ॥२६।। सेत्तं गुम्मा । ४४. से किं तं लयाओ? लयाओ अणेगविहाओ पण्णत्ताओ । तं जहा पउमलता नागलता असोग-चंपयलता य चूतलता । वणलय वासंतिलया अइमत्तय-कुंद-सामलता ॥२७॥ जे यावऽण्णे तहप्पगारा । सेत्तं लयाओ। ४५. से किं तं वल्लीओ ? वल्लीओ अणेगविहाओ पण्णत्ताओ। तं जहा पूसफली कालिंगी तुंबी तउसी य एलवालुंकी । घोसाडई पडोला पंचंगुलिया य णालीया ॥२८।। कंगूया कडुइया कक्कोडइ कारियल्लई सुभगा । कुवधा(या) य वागली पाववल्लि तह देवदारू य ॥२९॥ अप्फोया अइमुत्तय णागलया कण्ह-सूरवल्ली य । संघट्ट सुमणसा विय जासुवण कुविदवल्ली य ॥३०॥ मुद्दिय अप्पा भल्ली छीरविराली जियंति गोवाली । पाणी मासावल्ली य वच्छाणी ॥३१|| ससबिंदु गोत्तफुसिया गिरिकण्णइ मालुयाय अंजणई। दहफुल्लइ कागणि मोगली य तह अक्कबोंदी य ||३२|| जे यावऽण्णे तहप्पगारा । सेत्तं वल्लीओ। ४६. से किं तं पव्वगा? पव्वगा अणेगविहा पन्नत्ता । तं जहा इक्खू य इक्खुवाडी वीरण तह एक्कडे भमासे य। सुंबे सरे य वेते तिमिरे सतपोरग णले य॥३३।। वसे वेलू कणए कंकावंसे य चाववंसे य । उदए कुडए कुडए विमए कंडावेलू य कल्लाणे ||३४|| जे यावऽण्णे तहप्पगारा । सेत्तं पव्वगा। ४७. से किं तं तणा ? तणा अणेगविहा पण्णत्ता । तं जहा सडिय भत्तिय होत्तिय डब्भ कुसे पव्वए य पोडइला । अज्जुण असाढए रोहियंसा सुय वेय खीर तुसे ॥३५|| एरंडे कुरुविद कक्खड सुंठे तहा विभंगूय। महुरतण लुणय सिप्पय बोधव्वे सुंकलितणा य॥३६॥ जे यावऽण्णे तहप्पगारा। सेत्तं तणा। ४८. से किं तं वलया? अणेगविहा पण्णत्ता । तं जहा ताल तमाले तक्कलि तेयलि सारे य सारकल्लणे। सरले जावति केयइ कंदलि तह धम्मरुक्खे य॥३७॥ भुयरुक्ख हिंगरुक्खे लवंगरुक्खे य होति बोधव्वे। पूयफली खज्जूरी बोधव्वा नालिएरी य॥३८॥ जे यावऽण्णे तहप्पगारा । सेत्तं वलया। ४९. से किं तं हरिया ? हरिया अणेगविहा पण्णत्ता । तं जहा अज्जोरुह वोडाणे हरितग तह तंदुलेज्जग तणे य । वत्थुल पारग मज्जार पाइ बिल्ली य पालक्का ॥३९|| दगपिप्पली य दव्वी सोत्थियसाए तहेव मंडुक्की । मूलग सरिसव अंबिलसाए य जियंतए चेव ॥४०॥ तुलसी कण्ह उराले फणिज्जए अज्जए य भूयणए।
चोरग दमणग मरुयग सयपुप्फंदीवरे य तहा ॥४१॥ जे यावऽण्णे तहप्पगारा । सेत्तं हरिया। ५०. से किं तं ओसहीओ ? ओसहीओ अणेगविहाओ पण्णत्ताओ। Oriss555555555555 श्री आगमगुणमजूषा - ९४२5555555
555
明明听听听听听听听听听听听听听听听听听听听听听听听听听听听听听听听听$$$$$$乐乐听听听听听n