________________
४७४
सिरिपउमप्पहसामिचरियं अनियच्छंतो मेलिय, कट्ठमयं तुरयवरजुयलं ॥ १०९४ ।। उव्वविसिय पुव्वगामे, भोयणउव्वरियमंडयसमूहं ।। काउं पासे चिंतइ, हा अतिही अज्ज नवि दिट्ठो ।। १०९५ ।। एत्तो य भुवणमित्तो, मुणिनाहो गोयरग्गचरियाए ।। चरमाणो निव्वाहइं, छम्मासे तत्थ गामम्मि ।। १०९६ ॥ तत्थ निवासी सव्वो, लोओ विविहेहिं दव्व-भावेहिं ।। तं आमंतइ केण वि न पूरिओ अभिग्गहो तस्स ।। १०९७ ।। दिव्ववसा तस्स गिहे सो पत्तो तीए चेव वेलाए । सो मग्गपरिस्संतो, मुनिसन्नो चेव तत्थेव ॥ १०९८ ।। जंपइ भयवं ! गिण्हसु, मंडयनिवहं करेसु मं सहलं ।। भवसयकयसु कएहिं, भवारिसं लब्भए पत्तं ।। १०९९ ॥ . दव्वाइसु उवओगं, काउं नाउं अभिग्गहं पुत्रं ।। मुणिणा धरिए पत्ते, करेहि सो मंडए खिवइ ।। ११०० ।। एत्थंतरम्मि पत्ता मित्तस्स गिहम्मि भोयणं काउं ।।। भज्जा तस्स सुसेणा, पेच्छइ दितं नियं नाहं ।। ११०१ ॥ हरिसिय चित्ता चितइ, धन्नो मह हिययवल्लहो जेणं ॥ घोराभिग्गहधारि, पारणयं कारिओ भयवं ।। ११०२ ॥ मुणिनाहो मह नाहो, कयकिच्चा दोन्नि चेव इह जेण ।। विहिओ अभिग्गहो तह, कारवियं जेण पारणयं ।। ११०३ ।। किं पुण एसो भयवं, निच्चं अभितरम्मि सुद्धो वि ।। अइदग्गंधं देहे, कि बाहिं धारए जल्लं ।। ११०४ ॥ इय विहियदुगंछाए, तत्तो निव्वत्तिऊण मुणिनाहो ।। सट्ठाणं गंतूणं, पारणयं कुणइ विहिपुव्वं ।। ११०५ ।। सव्वो वि तस्स गेहे, गंतुं लोओ पसंसए एवं ।। एत्थ वि धम्मेण धुवं, कित्ती सोक्खं तु परलोए ।। ११०६ ।। दाणस्स पहावेणं, विविहं विहवं समज्जिउं एसो ।।
Jain Education International 2010_04
For Private & Personal Use Only
www.jainelibrary.org
