________________
४६८
सिरिपउमप्पहसामिचरियं
परलोयविरुद्धणं कन्ना घाएण जा होही ।। १०२० ।। उक्तं च :यत्परलोकविरुद्धं, यल्लज्जाकरमिहैव जनमध्ये ।। अन्त्यावस्थायामपि, तदकरणीयं न करणीयम् ।। १०२१ ।। इच्चाइकुमरभणियं, सोउं परिचत्तकूडवावारो ।। कावालिओ पयंपइ, साहु तए बोहिओ अहयं ।। १०२२ ॥ एसा कन्ना तुमए, अप्पेयव्वा जियारि नरवइणो ।। पायच्छित्तनिमित्तं, नियगुरुपासे गमिस्सामि ।। १०२३ ।। कुमरेण अणुन्नाओ सो जाइ समीहियम्मि ठाणम्मि ।। कुमरो उण गंतूण, साहइ दइयाण वुत्तंतं ॥ १०२४ ।। नियपियचरियं सोउं,इमाउ हरिसं वहंति हिययम्मि ।। कुमरो पभायसमए अप्पइ कन्नं जियारिस्स ।। १०२५ ।। हिटेण तेण रन्ना दिन्ना सा चेव कन्नगा तस्स ।। सव्वत्थ सपुन्नाणं, पुरस्सरं धणधणापमुहं ।। १०२६ ।। तरुणिहिं ताहि सहिओ वच्चइ पउमावईए नयरीए । उदएण तत्थ रना, पवेसिओ गरुयरिद्धीए ॥ १०२७ ।। कित्तिय दिणाणि चिट्ठइ, तत्थ पुरो तेण गोरविज्जंतो ।। अह अत्थाणगएणं, उदएण पयंपियं रन्ना ।। १०२८ ।। संपइ न को वि दीसइ, देवयमवयारिऊण पत्तम्मि । जो जंपावइ वत्तामित्तं कुव्वंति पुण बहवे ।। १०२९ ।। कुमरो भणइ नरेसर ! अहयं दंसेमि कोउयं एयं ।। मणिमंतओसहीणं, नत्थि असझं जए किंचि ।। १०३० ।। भणइ निवो मह पत्तो, जइ अवयारसि मुणेमि तो सच्चं ॥ संकेइय पत्तेहिं, चित्तं दंसंति इय बहवे ।। १०३१ ।। आमं ति तेण भणिए, मूयं निय कन्नयं महीनाहो । उववेसइ मंडलए, आलिहिए तेण कुमरेण ।। १०३२ ॥
Jain Education International 2010_04
For Private & Personal Use Only
www.jainelibrary.org
