________________
कुरुचंद्रकहा
४६३
धम्मो त्ति घोसिऊणं, सयं नियं ठाणमणुपत्ता ।। ९५६ ।। कमरो उण जिणधम्म, सम्म निय जीवियं च पालितो ।। कित्तियमित्ते वरिसे, सुहं सुहेणं वइक्कमइ ।। ९५७ ।। निय तायपाय-पंकय-पसायसंपत्तरज्जपब्भारो ।। एगच्छत्तं रज्जं, पालइ जिणधम्मतत्तं च ॥ ९५८ ।। तह तम्मि महीनाहे, जिणधम्मपभावणाए महमहियं ।। जह सहसा गंधो वि हु परिमुट्ठो अवरधम्माणं ॥ ९५९ ।। रहनिवहतित्थजत्ता, समूहमप्पडिमबिंबनिउरुंबं ।। सो तुंगसिहररेहिरविहारनियरं च निम्मवइ ।। ९६० ।। समए समयपयासियविहिणा मरिऊण अच्चए कप्पे ।। निप्पंकचंगअंगो हरिसरिससिरी सुरो जाओ ॥ ९६१ ।। चविओ धायइ संडे, भारहखित्तम्मि रायगोत्तम्मि ॥ उववन्नो कयपुन्नो, पाविस्सइ सासयं सोक्खं ।। ९६२ ।। जह तेण कुमारेणं वसंतनामेणं पालियं एयं ।। देसावगासियवयं पालेयव्वं तहान्नेहिं ।। ९६३ ॥ ।। इति देसावकासिके राजपुत्रवसंतकुमारकथानकं । गा. ६९९३ ।। पोसहवए कुस्वंदकहा पुनिम-अमावसाए अट्ठमि-चाउद्दसीसु अन्हाणे ।। अव्वावाराहारे बंभे चउ पोसहं कुज्जा ।। ९६४ ।। तियस-नर-तिरिय-नारय-चउगय-भवतिक्ख-दुक्ख-हरणत्थं ।। समय-भणिएण विहिणा, चउव्विहं पोसहं कुज्जा ।। ९६५ ॥ विविह-गुणनिवह-पोसह-पोसहनिरया गिही वि इह विरया । भवसंताणमणंतं, नयंति अंतं खणद्धेण ।। ९६६ ।। सामाइयस्स पगरिसकरणं तुलणाय सव्वविरईए ।। पव्वतिहीण चउण्हं, सम्मं आराहणा चेव ॥ ९६७ ।। दीहं धम्मज्झाणं, अममत्तं एगया य जिण-आणा ।।
___Jain Education International 2010_04
For Private & Personal Use Only
www.jainelibrary.org
