________________
रयणसारकहा
३५३
इय जंपिय सो किन्नरपुरिसो सह पिययमाए उप्पइओ । अलिउल-हरगल-कवलय-तमाल-तमसामलं गयणं ॥१६८३।। कुमरो वि तं निसामिय दूसह-दुह-दहणसिमिसिमायंतो । गंतुं गिहम्मि मालंतरालभूमीए पासुत्तो ॥१६८४|| अपवरयदारबंधं काउं मित्ताण देहमित्तेण । भित्राण वि नियदंसणमदिनवि सो देइ किं बहणा ? ॥१६८५।। तं वइयरं वियाणिय वसुसारो मित्तपरिवारो । गंतूण दारदेसे जंपइ किं वच्छ ! रुट्ठोसि ॥१६८६॥ तह आणत्ती केण वि न मन्निया अहव तज्झ विनत्ती । अवमन्निया मए किं परिभविओ अहव केणावि ? ॥१६८७॥ चित्तम्मि का वि बाला चमक्कए कहस विहव-निवहो वा । छन्नाण मोत्तियाणं नहि अग्घो तीरए काउं ॥१६८८।। इय तग्गिरं निसामिय कमरो संजायहरिसपब्भारो । उग्घाडिऊण दारं जणयं पइ जंपए एवं ॥१६८९॥ किं बहुणा भणिऊणं ताय ! पसायं करित्तु नीलाभं । 'समयंधयार तुरयं जइ मह अप्पेसि अज्जेव ॥१६९०।। ता नूण मज्झ भोयण-सिणाण-तंबोल-जीवियव्वाणि । अन्नह नव-दंतेहिं करं कप्पूरपमहं वा ॥१६९१॥ अह जंपइ वसुसारो पयत्तपरिगोविओ वि सो तुरओ । कह कह वि तए नाउं ता निच्छियमप्पणिज्जो त्ति ॥१६९२।। भुंजसु विलससु सिच्छा इह वसु हे वच्छ ! निच्चनिच्चंतो । इय जंपिय सो तरओ दिन्नो भूमीहराहिंतो ॥१६९३॥ कुमरो वि विहिय-भोयण-सिणाण-कम्मो तुरंगमारूढो । निम्मिय मणालनालोवमाणवरवत्थपरिहाणो ॥१६९४॥ मसिणमणिनिवहखंचियपहाणपल्लाणदेसमासीणो । वामेयरकर-किसलयलसंतचम्मट्ठिया जुत्तो ॥१६९५॥
Jain Education International 2010_04
For Private & Personal Use Only
www.jainelibrary.org
