Page Text
________________
३२४
मणोरमा-कहा
जइ सच्चं सप्पुरिसो भडवायं जइ तुम समुव्वहसि । ता कि जणक्खएणं तुमं च अहयं च जुज्झामो ।९५८। सोहणमेयं ति पयंपिऊण सिरिविज्जुवेगनरनाहो । रहमारुहियं ढुक्को नरवइणो सूरसेणस्स ।९५९। कोऊयवसागएहिं किण्णरगंधव्व-जक्ख-रक्खसेहि । सुरसिद्धभूयवेयालनहयरेहिं नहं छण्णं ।९६० । रे रणरहसविसज्जिय अदिट्ठरणसद्ध ससुहमुह मूढ । संपइ पिबंतु रुहिरं मह बाणा तुज्झ हिययम्मि ।९६१॥ एवं भणियं लग्गो खरिंदो वरिसिउं सरसएहिं । चक्कलियचावमुक्केहि छण्ण-नह-भूमिवलएहिं ।९६२। संभिण्णसयलदेहो खरिदसरेहि सूरसेण निवो । रामविओ व्व नज्जइ उण (?) रणरहसेण खणमेगं ।९६३) गयगारवो पयंपइ तत्तो सिरिसूरतेयतणओ वि। चक्कहर ! सहसु संपइ अयाणुयस्सावि मह बाणे ।९६४। इय भणिउं तह मेल्लइ निरंतरतारतिक्खसरविसरं । संधाणमोक्खणं जह लविखज्जइ नेव कुणमाणो ।९६५। तीसहिं सरेहि विधइ चक्कहरं सारहिं तु वीसाए । पण्णासयसरेहि हणइ हियए खेयरिंदस्स ।९६६। मोत्तूग अद्धयंदं छिदइ छत्तं दलेइ धयदंडं । पाडेइ सिराउ मउडं नरनाहो विज्जुवेगस्स ।९६७। कुद्धो तओ वि सज्जइ खरिदो तामसं महासत्यं । तस्स वि निवारणट्ठा आइच्चं मुयइ इयरोवि ।९६८। तत्तो भुयंगसत्थं विद्धरइ फणिविसरभरियगयणग्गं । तं सूरसेण राया विणिवारइ गारुडसत्थेण ।९६९। तत्तो वि हु अग्गेयं सत्यं सयल जगसोसणसमत्थं । मुंचइ चक्की इयरो विणिवारइ वारुणत्थेण ।९७० । तुल्लवलाणं ताणं संगामिताण संसयारूढा । रणरेणुधूसरसिरा जय लच्छी अंतरा भमइ ।९७१। रणरहसमुन्वहंता सोहा इव रहवरे पमोत्तूग । कयगरुय-सीहनाया सहसा पयचारिणो जाया ।९७२। करगहियखग्गरयणा मत्ता इव मयगला गुलुगलिता । अण्णोण्णबद्धवेरा अंगोअंगीए संलग्गा ।९७३। पयपहरपहयभूमीभरभज्जिरकंधरे धरावीढं । कह कह वि धरइ धीरो धरणिदो तम्मि कालम्मि ।९७४। भयभीया भूयगणा पकंपिया जक्ख-रक्खस-पिसाया । थरहरियं भूवलयं टलटलिया सिहरिणो सव्वे ।९७५। झलझलियं जलहिजलं सलसलियं नहय लम्मि ताराहिं । संमूढदिसायक्कं संजायं तिहुयणं सयलं ।९७६। मल्ल व्व जुज्झिऊणं खणगं दो वि बाहु]जज्झेण । पुणरवि रहमारूढा करणा समरविसयम्मि ।९७७। तुरियतुरंगमसंचोइएण तत्तो रहेण ढुक्कित्ता । खयरिंदो हणइ हया पढमपहारेण इयरस्स ।९७८ । दुईएण य धयदंडं छिण्णइ तइएण पाडए मउडं । चउत्थपहारेण तओ रण्णो रहकूबरं दलइ ।९७९। परितुट्ठो भणइ तओ दुब्बद्धी केण तुह इम दिण्णा । अहवा कुद्धो दिव्यो किं पुरिसं हणइ लउडेण ।९८० । सोउं साहिक्खेवं वयणमिणं सरसेणनरनाहो । खरिदरहतरंगे हणइ तहा कबरं दलाइ १९८१॥ छत्त-धय-चिंधमउडे पाडेउं सारहिं पि मारेइ । खलइ न वलइ न रिज्जइ पहरंतो सूरतेयसुओ ।९८२। काऊण रणे विरहं सविलक्खं विज्जवेगनरनाहं । उत्तरइ रहवराओ नयनिउणो सूरसेणो वि ।९८३। ढुक्को खेयरनाहो कय-सण्णाहो अभंगसत्योहो । दाहिणकरकंपाविय कराल-करवाल-दुप्पेच्छो ।९८४। मोत्तण सीहनायं सीहो इव गयवरस्स उत्थरिओ। सिरिसूरसेणराया तक्खणा (?) नयरिंदस्स ।९८५। खयराहिवेण पहओ खग्गपहारेण उत्तिमंगम्मि । मुच्छानिमीलियच्छो पडिओ धरणीए घुम्मतो ।९८६। अह भणइ विज्जुवेगो रे कायर मढ सरसु निय सत्थं । न य नट्ठ-निवडिएसुं पहरइ मह दाहिणो हत्थो ।९८७। सिरिसूरतेय तणओ, खयरिदं लद्धचेयणाण विप्पियं पुण । नियत्तेइ जुज्झंताणं समरे लग्गो ज्झसो (?)।९८८। जओनवरि पियाई चिय निव्वडंति विवरं मुहे वि सुयणम्मि। रयणाई चिय उयही समोसहिरि दावेइ ।९८९। दढरोसकलुसियस्स वि सुयणस्स मुहाउ विप्पियं कत्तो? । राहुमुहम्मि वि ससिणो किरणा अमयं चिय
मुयंति ।९९०।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |