Page Text
________________
मणोरमा-सरसेणचरियं
तुम्ह पायाण पुरओ पक्खिवामि ।" तओ बहु विज्जाहर-परिवारिया विसज्जिया ते दो वि राइणा । अखंड-पयाणएहि गया तव्विसयसंधि । विण्णायवुत्तंता सण्णद्धा गंधव्वसेण-सूरसेणा । ढुक्काणि दो वि बलाणि ।
तओ निवडतेसु तुरंगमेसु, सिहरिसिहरसन्निहेसु पडतेसु मत्तमायंगेसु, सारहिरहिएसु परियडतेसु रहावरेसु, सत्थातिघायजज्जरियसयलसरीरेसू पडतेसु पायत्ताणीएसु, कहिं नरवम्मासणिवेगा नरवइ-जामाऊय-माउलय त्ति सगव्वं वाहरंतो वामकरकोप्परिय-फरओ दाहिणकरकंपावियकरालकरवाल-भीसणसणो समरमज्झण्णोगाढो सूरसेणनराहिवो । आइवराहेणेव जलहिजलं विलोलियं तेण ताण वलं ते उ “पाव पणट्ठोसि" भणंता ढक्का दोवि नरवम्मासणिवेगा। फरुसमणतेण पेक्खंताण चेव सयलविज्जाहरभडाण दो वि विणिवाइया सूरसेणेण। जओ-- कयसमकएण ण हु होइ णिव्वुई तेयणिज्जियजयाण । वायामेत्तुत्तविओ वि जेण पंचाणणो दलइ ।।८८२।।
___ उच्छलिओ जयजयारवो। निहयपहाणं च सेसं पलाइऊण पत्तं विज्जुवेगसमीवे ताण बलं । माउलजामाऊय मरणसवणं संजायकोवानलेण विज्जाहरचक्कवट्रिणा समाहया सव्वेवि दाहिणसेणिविज्जाहरा । पसत्थवासरे नीहरिओ नहसरकमलाओ। ठिओ बाहिं। परिवारिओ समागंतुण सयलविज्जाहरभडेहिं। चउरंगबलपरिवारिओ महया सम्मण चलिओ गंधव्वसेणाभिमुहं ।
एत्थंतरे उम्मीलितो महीरहे, संवडिढतो तणसक्कराइयं, उप्पायसमयससिबिंबाणीव पाडितो तडतडस्स धयवडग्गाणि, मोडितो मडमडस्स धयवडदंडे अयंडो चेव वियंभिओ पडिकलमारुओ। रुद्ध-रवि-करपसराओ, अंगणाओ इव रजस्सलाओ, दुईसणाओ जायाओ दिसाओ। भग्गो विज्जवेग-रहवरस्स अक्खो। पज्जालियं सियायवत्तं । विगयवेगा सणियं संचरंति तुरंगमा। विगलियमया मंदुच्छाहा दंतिणो। छिण्णो मग्गो कण्हाहिणा । वारिओ बुद्धिसागरमंतिणा । तह वि न ठिओ राया । अणवरयपयाणेहिं वहमाणो पत्तो गंधव्वसेणसीमासंधि । साहियं गंतूण चरेण गंधव्वसेणस्स । संखुद्धचित्तेण पुच्छिओ सो तेण--"कहं समागच्छइ खयराहिवो ? कित्ति[यं] बलं? दूएण भणियं-- - विझय गिरिसिहरसन्निहमयभिगलगयघडाहि परियरिओ । पवणपहोलिरधयवडसंदणसंरुद्धसंचारो ।।८८३।। खरखुरखयखोणीय असंखवरतुरयभरियभुवणयलो। संखुद्धजलहिजलसरिस पा[इक्कचक्कय वेढो॥८८४॥ जो इह जयम्मि जलनिहिजलस्स अंतं लभेज्ज को वि नरो। सो जइ बलस्प तस्सउ पेरंतं पावए पुरिसो।८८५।
सविसाओ सेणाभिमुहो [होऊण] सिरिसूरतेयतणयं पभणइ गंधव्वसेण-निवो-- जइ अभिमुहा भवामो विज्जाहरचककबट्टिणो अम्हे । तो निच्छएण मरणं पलायणे संसओ ताव ।।८८६।। अह भणइ सूरसेणो रणरहसुभिण्णबहलरोमंचो । अरिदंतिदंतदलणो खग्गे दिढेि पणामितो ।।८८७।। गंधव्वसेण ! संपइ नासंताणं न संगयं अम्ह । अवलंबिऊण सत्तं जुज्झामो सत्तुणा सद्धि ।।८८८।। जओएस च्चिय सोहा ससहरस्स तुच्छस्स किमा जा से। रिद्धीसु पंजा होत सुपुरिसा नय विवत्तीसु ।८८९। वसणसमागमकाले सविसेसं उग्णएहि होयव्वं । अत्यमणम्मि वि रविणो किरणा उढ्डं चिय फुरंति ।८९०। समहियबलेण रिउणा जुझंताणं हवेज्ज जइ विजओ । तो लद्धं मरणं पि हु लट्टयरं सूर-पुरिसेण ।८९१। अप्पं वा बहुयं वा सत्त बलं कायराण गणणेसा । लोए वि पयडमेयं सूरो मरण सुज्झेइ ।८९२॥ सिरिसूरसेण[निव]वयणेण विजयसेणनरनाहो । वियसिय-वयणो पभणइ खयरं गंधवसेणं ति ।८९३। किं पढम पि न दिट्ठो पउरबलो विज्जवेगनरनाहो । जेणिहि भयभीओ पलाइउं वच्छ वंछेसि ।८९४। सत्तुम्मि समावडिए पिट्टि जो देइमरणभयभीओ । सो काउरिसो पुरिसो जीवंतमओ मुणेयव्वो ।। १५ । एक्केण वि केसरिणा पउराणि वि गयकुलाई भज्जति । तो थोवं अप्पबलं सत्तुबलं मा बहुं मुणसु ।८९६।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |