Page Text
________________
३१४
मणोरमा - कहा
चैव वत्तव्यं ।” कयसम्माणो ठिओ तत्थेव कइवयदिणाणि कुमारो । पसत्थवासरे चलिओ नियनयराभिमुहं । अणवरयपयाणएहि पत्तो सनगरं । पविट्ठो महाविभूईए कयमंगलोवयारं रायमंदिरं पणमिऊण जणणि जणया । ससिणेहमालिगिओ तेहि । निसण्णो नरवइ- अद्धासणे । तओ पणया मणोरमा ससुर-सासुयाण । 'अविहवा भवसु'त्ति लद्धासीसा निसण्णा दंसियासणे । वरवत्थाहरणदाण-पुरस्सरं दिण्णो बहुए पल्लंकसमद्धासियवासभवणसमण्णिओ पवरपासाओ । मणोरमाए विसयसुहमणुहवंतस्स वच्चइ कालो कुमारस्स ।
अण्णा सुहसुमिणसूइयं सयललक्खणोववेयं उचियसमए पसूया मणोरमा दारयं । पट्ठावियं मासावसाने मणोरमसेणो त्ति नामं दारयस्स । पुत्तमुहदंसणपमुइओ दाऊण रज्जं सूरसेणस्स अमरगुत्तगुरुसमीवे निक्खतो महाविभूईए सूरतेय - नराहिवो । सूरसेणो वि पुव्वभवावज्जियकुसलकम्मोदएण साणुकूलसयलसामंतवग्गं गुणाणुरायरत्तसयलजणवय-जणं अदिट्ठाणिट्ठसंपओगाइ दुक्खचिताणंतरसं पज्जंतसयल सोक्ख रिद्धिसमुदर्यावणिज्जियाखंडलं अप्पयाससिद्धाणेगमंडलनायगेण
रज्जमणुपालयंतो कालं गमेइ ।
अम्मि दिने रयणीए सुहपसुत्ता पेक्खतस्सेव राइणो समं पुत्तेण अवहरिया असणिवेगविज्जाहरेण मणोरमा । मुक्का ऊण पव्वयसिहरे । गओ सट्ठाणं विज्जाहरो । धरधरणीए निवडियं सपुत्तमत्ताणयं दट्ठूण चितिउमारद्धा मणोरमा"हंत ! न एयं कंचणकोसं ? नया वि सो वासभवणभूसणो चारुचामीयरनिम्मिओ पंचवण्णमणिखंडमंडिओ सन्निहियसयलपुप्फ- तंबोलाइभोगंगो परमपल्लंको । समंतओ जलहिवेलावगूढो पव्वओ विय एस लक्खीयइ । " नमो चिताइक्कंतकारिणो कम्मिदयालस्स ।"
खणदंसियरज्जमहूसवाणि खणसुण्णरण्ण दंसीणि । विम्हावयाणि कम्मिदियालिणो गूढचरियाणि | २१| तओ सा सुमरियपइसिणेहा विलविउमारद्धा-
हा ! सोमवंसमंडण ! भूसियभुवणयल ! भूरिगुणनिलय । मह् माणसमाणस रायहंस - सोहग्गनिहि न होसि । ८२२| सिरिसूरतेयनंदण ! उक्कंदणवेरिवल्लिकंदस्स । मह विरहे कह होहिसि अहं पि तुह विरहिया कह णु । ८२३। रे देव्व ! सुहिय असण! निक्किव ! दक्खिण्णवज्जिय !
अलज्ज ! संघडणविहडणुज्जय ! विओइया कीस पट्टणा हं ॥ ८२४ ||
अहवा --
ख्वं अच्छी ठियं फरिसो अंगेसु जंपियं कण्णे । हिययं हियए णिहियं विओइयं किं त्थ देवेण ॥। ८२५|| एवं विलवंती जाव चिट्ठइ ताव पुत्तो वि अवहरिओ हेममालाभिहाणाए विज्जाहरीए । तओ मुच्छा-निमीलियलोयणा पणट्ट चयणा सव्वंग निस्सहा निवडिया धरणीए मणोरमा । ठिया खणमेगं । पच्छा समुद्दसीयलसमीरणसमागमलद्धयणा पुणो वि विलविउमारद्धा-
हा कत्थ गओ बालय ! पुणो वि तं वच्छ कत्य दट्ठव्वो । जाय ! तए चत्तः नणु [चत्त हं] सयल सोक्खेहिं |८२६ | जइ एस वच्छ ! दिवसो कंवणकोसम्मि पुरवरे होता । जणओ तुह पुत्तगवेसणं झत्तिय कुणतो ८२७| सिरिसूरसेणतणओ मणोरमा कुच्छिसंभवो एसो । वणदेवयाउ किं भे उवेक्खिओ अवहरिज्जतो |२८| दुविड- हिविहाणा सहसा हं निर्वाडिया अरण्णम्मि । एगागिणी अणाहा तए वि चत्ता कहं वच्छ ! | ८२९ । दादुत्थियाणं बंधव - रहियाण णियविउत्ताण । सिग्धं कीरउ मरणं कयंत ! कि कालहरणेण । ८३०| ts अवहरणे बुद्धी विहि तुह आसि कीस तो दिण्णो । दाऊण जं हरिज्जइ जणेइ तं दारुणं दुक्खं । ८३१ | कि सुविणो मह एसो किं वा मइविब्भमो मज्झ । एमाइ विश्वमाणा गवसणं का उमारड़ा | ८३२ |
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |