Page Text
________________
मणोरमा-सूरसेणचरियं
संसाहणपराए गब्भाणुभावओ चेव संपज्जतसयल-समीहियाए पत्तो पसूइ समओ । पसूया पडिपुण्णचउद्दसीए। जाओ निय तेयसमज्जोइयभवणब्भतरो पसत्थलक्खणधरो दारओ । वद्धाविओ राया पियंकराभिहाणाए दासचेडीए । दाऊण नियअंगलग्गं वत्थाहरणाइयं विसज्जिया सा राइणा । पयट्टाविओ सव्वम्मि नयरे सुयजम्ममहूसवो । संतोसिया सुहिसयणवग्गा । सम्माणिया अमच्च-सामंताइणो पट्टावियं मासावसाणे नामं दारयस्स सूरसेणो । सुहं-सुहेण पवढ्डमाणस्स वच्चइ कालो । सो वि रयणप्पहा जीवो तओ ईसाणकप्पाओ चुओ समाणो इहेव भारहेवासे वच्छाविसए चंदकंतनयरे विजयसेण-राइणो विजयावलीए देवीए कुच्छिसि धूयत्ताए समुप्पण्णा । उचियसमए पसूया विजयावली ।
मा दुहिया । निवेइया रण्णो दासीए । परितुदो राया । भणिओ नयरारक्खिओ-"भो पयट्टावेहि सम्वम्मि नयरे महामहूसवं ।" तेण वि तहेव पयट्टाविओ । काराविर्य राइणा महामहसवेण वद्धावणयं । सम्माणिया पवरवत्थाहरणाईहिं सुहिसयणाइया । वित्तं वद्धावणयं । सयलजणमणोरम त्ति काऊण मासावसाणे गुणनिप्फण्णं पइट्टावियं नामं मणोरमा । सुहंसहेण वडढमाणा जाया अवारिसिया । गाहिया इत्थीयणजोग्गं कलाकलावं। कमेण पत्ता निरुवमं जोव्वणं ।
___ अण्णया कयण्हाणविलेवण-वर-वत्थाहरणविभूसिया मालइमाला-विरइयसिरसेहरा पेसिया जणणीए पिउपायवंदिया । सो वि सव्वंगमणोरमं दठण चितिउमारद्धो-"अहो ! निरुवमो वच्छाए रुवाइसओ। असाहारणा सोहग्गसंपया। विम्हयावहं सरीरलावणं । अओ विरयामि सयंवरं । गिण्हेउ जहिच्छियं वर"त्ति चितिऊण सहाविया विजयावली । काऊण तीए सह मंत-निच्छयं पारद्धा सयंवरमंडवसामग्गी । पेसिया दिसोदिसि सयलराय-निमंतणानिमित्तं पहाण-पुरिसा । निमंतणाणंतरमेव अकयकालक्खेवा समागया सव्वे वि नरिंद-नंदणा । सूरसेणो वि सूरतेयराइणा समणुण्णाओ चउरंगबलपरिवारिओ परिमियवासरेहि पत्तो चंदकंतपुरवरं । दंसियावासो विजयसेणराइणा । आवासिओ नयर-बाहिरियाए । कया भोयणाइसामग्गी विजयसेणेण। भुत्तो सपरियणो कुमारो। चउत्थजामेस्स सहामंडव-सीहासणे निसण्णस्स सपरियणस्स सूरसेणकुमारस्म अविरल-चंदण-चच्चियंगो पलंब-कुसुममालाविराइयकंधरो दीहदीहउग्गारे समुग्गिरंतो परिहासट्टाणं कुमारस्स समागओ संभरायणो नाम बंभणो । इसि हसिऊण पुच्छिओ कुमारेण-"वयंस ! संभरायण, कुसूमाइ-कयसक्कारो दाहिणकरेण उदरं-परामसंतो संतित्तो वि य लक्खियसि । को एस वइयरो?" बंभणेण भणिय- "सूणउ कूमारो । गओ हं नगरमझे दीहद्धाणछहाकरालिओ आवासगहणसमाउले तुम्ह परियणे गओहं विजयसेणनरिंदमंदिरं । भणिओ दोवारिओ-"भो देसंतरागओ उद्धलजंघो अ उच्चबंभणो भोयणं लहइ ?" तेण भणियं-"आमं ।" दंसिओ हं तेण महाणसियस्स । तेण वि भोयाविओ परमायरेण ।
यसक्कारो पृष्फ-तंबोलाइणा वंदिऊण विसज्जिओ समागओ तह समीवं ।" कमारेण भणियं-"वयंस! दिदा तत्थ तए विवाह-सामग्गी?" बंभणेण भणियं-"दिट्ठा।" राइणा भणियं-“केरिसी? बंभणेण भणियं-“एरिसी-" परिसुद्ध-कणिक्का-निम्मियाण सुसिणिद्ध-साइज्जाण । दीसंति कया पुंजा पए पए खंडखज्जाण ।७७६। कोहंटिफलपमाणा दक्खा-नालियर-मिरिय-सम्मिस्सा । कप्पूरवासवासियदियंतरा जणमणाणंदा ७७७। बज्झंति ठाणठाणे मणोरमा मोयगाण संघाया । को गणइ सुगंधाणं सालीणं रासिणोऽणेगे ।७७८। कणयगिरि-कुड-सरिसा उक्कुरुडा वरपभाए रेहिति । बहुभक्खपे[य]संदोहसुंदर। रायहरमग्गा १७७९। पउणज्जम ण बह विह-सुवण्ण-रु पमयभायणसरेण । कण्णावडियं पि तहि न सुणिज्जइ कि पि लोएण ७८०। वरवत्यविणिम्मविया लंबाविय-हार-निय[र]रमणीया । मणिकिरणकयपयासा उल्लोया सग्गसारिच्छा ७८१। वरपट्टदुऊलाणं पवराणं तत्य पंचवण्णाणं । गहियाणं संखं को करेइ किल तत्थ वत्थाणं ७८२। फलिह-मणि विहिय-सारणि-समूह-पवहंत-सप्पिसंदोहा । नरवइवयणेण कया घयस्स पाचट्टयाणेगे ।७८३। वियरंत पवरगोरस-बंजण-खट्टाण-नत्थि संखा वि । पप्पड-सालवडया पडिया वि न को वि संवरइ ७८४। इय के त्तयं व भण्णउ एगेण मुहेण एग जीहाए । न मए कत्थ बि दिट्ठो एरिस-रिद्धीए वीवाहो ।।७८५।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |