Page Text
________________
मणोरमा-कहा
अण्णया समागयं तम्मि नयरे दरिद्दधम्मियसावयकुडुंबयं। दिलै दुग्गदेवेण। साहम्मियबहुमाणं धम्माय मण्णमाणेण नीयं नियघरे। भोयावियं सव्वायरेण । अप्पियं घरमेगं । दिण्णं निव्वहणनिमित्तं किचि दव्वजायं । वोलीणा परोप्परं धम्मकहाए कइ वि वासरा। रंजिओ दुग्गदेवो। भणिओ कुटुंबसामिओ जक्खदेवो-“गेण्हसु जावइयं पडिहाइ दविणजायं तावइयं। मूलं रक्खंतेण लाहो भोत्तव्वो।" ‘एवं' ति भणिऊण गहिया दस दीणारसहस्सा। ववहरिउमारतो जक्खदेवो। दुवालसं संवच्छरेहिं विढत्ता दीणारकोडी धरिऊण निय घरे पंचलक्खदीणाराण सेसं सहमलेण समप्पियं दुग्गदेवस्स। तेण भणियं-“मूलं समप्पेह सेसं गिण्हह।" जक्खदेवेण भणियं-"पंचलक्खदीणारवज्जं न करेमि निय-परिग्गहे।" तेण भणियं-“मज्झ वि कोडीए परओ नियमो।" तओ उभयसम्मएण दिण्णं सव्वं समहियसावतेयं जिणभवणाइ-सुधम्मेण । जाया तेसिं परोप्परं अच्चंत निरंतरा पीई । साहम्मियसंगेण जाया सविसेसधम्मथिरया।
अण्णमि दिणे कडसामाइयस्स दुग्गदेवस्स उट्रिओ पच्चासण्णभवणाओ अग्गी। गहियसारभंडाणि नासंति दुग्गदेवमाणुसाणि। दुग्गदेवो वि निस्संगमुणि व्व न करेइ घरचितं । पडिवण्णसागाराणसणो धम्मझाणं झायंतो चिट्टइ। खणंतरेण उवसंतो अग्गिसंभमो। तम्मि दिणे य बहिया चेव तक्करेहिं गहिओ दुग्गदेवजेट्रपुत्तो। चउप्पयं पि चालियं तेहिं । कड-सामाइयस्स कहियं कणिट्रपुत्तेण दुग्गदेवस्स-"ताय! जेट्रभाया चउप्पयं च सव्वं चोरेहिं नेज्जइ।" अदिण्णपडिवयणो समभावे वट्टमाणो ठिओ मोणेण दुग्गदेवो। थेववेलाए कुसलेण समागओ पुत्तो धणं च अण्णं च ।
____ अण्णम्मि दिणे सामाइय-वुत्थो चेव महाकायकसिणभुयंगमेण नागपासेण वेढिओ तह वि न चलिओ। समभावाओ उवसंतो उवसग्गो। पुणो वि अण्ण दिणे घरिणिरूवं काऊण सामाइयत्थस्स समागया वंतरी। समाढत्ता सिंगारवयणाणि समुल्लविउं। तेण भणियं-"धम्मसीले! अणवसरो एस। मा धम्मतरायं करेहि।" तीए भणियं-"सो वि धम्मो चेव जं मयणसरसल्लियंगस्स इत्थीयणस्स नियसंगमामएण जीवियप्पयाणं।" एवं भणिऊण कडक्खविखेवेहि अवलोइउं पवत्ता। दंसेइ वारं वारं मयणमहारायग्गवासभवणभूए कुंभिकुंभविन्भमे जणमणोहरे पवरपओहरे। सवियारं पयडेइ रंभागब्भविब्भमोरु-नाहि-पमुहे अंगपच्चंगविसेसे। दुग्गदेवो वि सामाइए थिरचित्तो इत्थीकलेवराणं असुइभावभावणं भाविउमाढत्तो। तं जहा-- जंबालमंससोणियपूइवसामेज्जमुत्तभरियम्मि। बाहिं चम्मपिणद्धे को रागो रमणिदेहम्मि ।। ५४३॥ अइविरसं वीभच्छं असुइझरंतेहिं नवहिं [दारेहि] । महिलायणस्स देह को रागो तम्मि विउसाण ॥५४४।। इहलोय-पारलोइय-सुह-वण-दावाणलं अइदुरंतं । इत्थीण हय-सरीरं कह किज्जउ तम्मि अणुरागो।।५४५।। जओआसेविए किलम्मइ थाम हारेइ दुब्बलो होइ। पावेइ वेमणस्सं इहलोए चेव रागंधो ।।५४६।। परलोगम्मि नरामर-नारय-तिरिएसु तिव्वदुक्खाई। अणुहवइ सयाकालं रागिल्लो रमणिदेहेसु ॥५४७।। ता मुद्धे ! चयसु तुमं अकज्जकरणुज्जम कुणसु धम्म । किं कुणइ ताण कामो निय-सत्तं समहियं जाण ।।५४८।। तुह पाव-पत्थणमिणं काहं न कहिं पि पाण-नासे वि । जइ विरमसि तो विरमसु अहव विलक्खा नियत्तिहिसि।
तओ सा वंतरी विसण्णमाणसा चितिउमारद्धाकक्खोरुनाहि पीवरपओहरे पासिऊण तरुणीण। विगलियझाणे मणिणो वि झत्ति विहलंघला होति ।।५५० ।। लडहविलयावलोयणकोमलसिंगारवयणजलणेण । मण[यं] च विद्दविज्जति वीयराया[ण] वि मणाणि ।५५१। एस पुण पावो निच्चलचित्तो न तीरइ सामेण । सामाइयाउ चालेउ अओ दंडं पउंजामि ।।५५२।। त्ति चितिऊण खर-फरुसवयणेहिं निभच्छिउमारद्धा भणिओ य-"आ पाव ! पणट्ठोसि । नत्थि ते जीवियं । अप्पणोणुकूलमविय जइ मह वयणं न करेसि।" काऊण वियरालरूवं गहिओ केसेसु । नेऊण नहयले मुक्को। निवडिओ नरए व्व तमंधयारे नयरकूवे । निब्बुडिऊण उब्बुड्डेण दिण्णं मिच्छामि दुक्कडं । । "अहो ! मे खारसरीरेण आउक्काइय
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |