Page Text
________________
२८४
मणोरमा - कहा
[ता निविड-निगड-घडणा-] गुत्ती ता वज्जपजरनिरोहो । न य जावज्जवि जविओ एस नमोक्कारवरमंतो ।। दप्पिट्टदुटुनि[ ट्ठर ]-सुरुट्ठदिट्ठी वि ताव होइ परो । नवकारमंतचितण-पुव्वं न पलोइओ जाव ।। ३९२ ।। मरणरणगणगणसंगमे गमे गामनगरमाईणं । एयं सुमरंताणं ताणं सम्माणणं च भवे तहा ।। ३९३ ।। जलमाणमणि[पहु] पुण्ण- फारफणिव इफणागणाहितो । पसरंतकिरणभरभग्ग - भीमतिमिरम्मि पायाले || चिंताणंतरघडमाण- माणसानंदिइंदियत्था जं । विलसंति दाणवा किर, तं पि नमोक्कारफुरियलवो || जं पि य सव्वंगपहाण - लडहचउसट्ठि सहसविलयाणं । बत्तीससहस्समहम्प [ भाव ]भासंतसामंतं ॥ ३९६ ॥ पवरपुर-सरिस-छन्नवइ-गामकोडी - कडप्प - दुप्पसरं । सुरलोयसरिसपुरवर -बिसत्तरी लक्खसंखाणं ।। ३९७ ।। बहुसं[ख]-खेड-कब्बड-मडंब - दोणमुह [ पमुह ] बहुवसिमं । दीसंतकंत सुंदर - संदणसंदोह - दिणदिहिं ।। ३९८ ।। परचक्कचंप[कप्प]णाऽणप्प-दप्पपा इक्कचक्कसंकिणं 1 पगलंतगंडमंडल-पयंडदोघट्टथट्टिल्लं ।। ३९९ ।। पवणजवणचंचल-खुरुक्खयखोणितलतुरंगालं । सोलससहस्स परिसंखजक्खरक्खा परिक्खित्तं ॥ ४०० ॥ नवनिहिचोद्दसरयणप्पभावपाउब्भवंतसयलत्थं । छक्खंडभरहखेत्ताऽ-हिवत्तणं लब्भए भुवणे ||४०१ || तं किल सद्धा-सलिल-सेयपरिवड्ढि यस्स तस्सेव । पंच नमोक्कारतरुस्स को विफलविलसिय-वियारो [सेसो] जं पिदेवं [सुय संवय ] सुरसयण सुंदरुच्छंगे । सिप्पिफुडंतोमोत्ताहलं व उववज्जई तत्तो ॥ ४०३ || आजम्मं रम्मतणू, आजम्ममुदग्गजोव्वणावत्थो । आजम्मं रोगजरा-रय - सेय-विवज्जिय- सरीरो ।।४०४।। आजम्मं हारुवसद्विमं [स] रुहिराइतणुमलविमक्को । आजम्मं अमिलायंत- मल्ल-वर-देवदूतधरो ।।४०५ ।। उत्तत्त [जच्च] कंचणतरुणदिवायरसमप्पहसरीरो । पंचप्पहरयणाहरण- किरण - कब्बुरिय- दिसियक्को ।।४०६ || अक्खंडगंडमंडल-लुलंत-कुंडल - पहा - पहासिल्लो । रमणीय [ रमण ]अमरणरमणीगण जणियकंदप्पो ||४०७ || नमिरसुरविसरसिरमणि-मऊहरिछोलि विच्छुरिपाओ । भूभंगाइट्ठ [पहि] संभमुट्ठित-परिवारो ||४०८ ॥ चिंताणं[त]रसह[स]त्ति[सं]घडंताणुकूल विसयगणो । अणवरयरहरसाविल- विलास करणेक्कदुल्ललिओ || अणिमिसनयणसहस्सावलोयसमकालदिट्ठददृव्वो । समकालोदय समुत्रित-सयल सुहकम्मपयई य ॥ ४१०॥ रिद्धि [बंध] बंधुरविमाणमा लाहिवत्तणं सुइरं । पालइ अखलियपसरं सुरलोए जं सुरिंदो वि ॥ ४११ ।। तंपि असे जाणसु सम्मं सब्भाव - गब्भविहियस्स । पंच नमोक्काराराहणस्स लीलाइ - लवो ति ॥ ४१२ ॥ उड्ढहोतिरियतिलोग - रंगमज्झम्मि अइसय विसेसो । दव्वं खेत्तं कालं भावं च पडुच्च चोज्जकरो ||४१३ ॥ दीस सुणिज्जइ वा जो को वि कहवि कस्स वि जियस्स । सव्वो वि सो नमोक्कारकरण माहप्पनिफ्फण्णो ॥ जलदुग्गे थलदुग्गे पब्वयदुग्गे समाणदुग्गे वा । अन्नत्थ वि दुत्थपए ताणं सरणं नमोक्कारो ॥ ४१५ ।। वसियरणुच्चाडणथोभणेसु पुरखोभथंभणाइसु य । एसो च्चिय पच्चलओ तहा पउत्तो नमोक्कारो || ४१६॥ मंतंतरपारद्धाई [जाइं] कज्जाई ताई त्रि समेइ । ताणं चिय नियसुमरण-पुव्वारद्धाण सिद्धिकरो ।।४१७ ॥ तासयलाओ सिद्धीओ, मंगलाई च अहिलसंतेण । सव्वत्थ सया सम्मं चितेयव्वो नमोक्कारो ॥। ४१८ ।। जागरण-सुयण-छीयण-चिट्ठण- चंक्रमण - खलण पडणेसु । एस किर परममंतो अणुसरियव्वो पयत्तेणं ॥ ४१९॥ जेणेस नमोक्कारो पत्तो पुण्णाणुबंधिपुणेणं । नारय - तिरियगईओ तस्सावस्सं निरुद्धाओ ||४२० ॥ जइ भद्दे ! तुह कज्जं कल्लाणपरंपरा पावेउ लोए । ता भव- जलहितरंडं सिढिलेज्जसु मा नमोक्कारं ।। ४२१॥
' एवं करिस्सामि' त्ति भणिऊण गया भाणुमई नियधरं । संजाय - पुत्तभंडा पइसम्मया कालं गमेइ । अण्णम्मि दिणे पओयणवसेण गओ भाणू वेज्ज-घरं । दिट्ठो अपढंतं पुत्तं थंभेण सह सिंदुरयेण संजमिऊण 'न सुणेसि मह वयणं'
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |