Page Text
________________
सइय अवसरे दिसिपरिमाणवए रयणसेहरगंगदत्तकहा
खर-पवण-पहय-सायर-तरंग-वेगेहिं वुब्भए नावा । गुरुभार-भूपइट्ठिय-नंगर-नियरेण धरिया वि ।।३४८।। पवण-पणोल्लिय-कल्लोल-पेल्लिया नहयलम्मि गंतूण । निवयंत-उप्पयंती दोलारूढ व्व वर-तरुणी ॥३४९॥ कत्थइ आवत्तगया तरंगवस-भामिरुब्भय-करहिं । नच्चइ पहनुचित्ता वद्धावणयम्मि तरुणि व्व ॥३५०॥ कत्थई वारंवारं खरमारुय-खंचणेण खिज्जंता। तडतडतडस्स तुटुंति नंगरा नीरवेगेहिं ॥३५॥ दुद्दततुरय-तरुणि व्व ताहि उस्सिखला जहिच्छाए। लहरीहिं हीरमाणी पहाविया गरुयवेगेण ॥३५२।। कत्थइ न चेव गच्छइ कत्थइ संचरइ [मंद]मंदयरं? । कत्थइ तुरियं गच्छइ भयभीया हरिण-घरिणि व्व ।। कत्थइ सुसयणं दिठ्ठा अकज्जकरणुज्जया व कुलबाला । घुम्मइ वेविरदेहा सा नावा जलहि मज्झम्मि । जलकल्लोल-पलाविय-मुह-नयण-गलंत-अंसु-बिहिं । रुयई व ? सा समस्सियजणोहपरिरक्षणासत्ता ।। तुटुंतसंधिबंधण-कडय[ ड]-भज्जत-फलहसद्देण । सरणरहिया व रोयइ नियभंरा दट्ट्मासण्णं ॥३५६।। अणवरयमज्जपाणा मूढमणामत्तबालय बहु व्व । अड्डवियड्डा वियरइ समुद्दमज्झम्मि सा नावा ॥ गयसण्णकण्णधारा आउलविलवंतकोलियकुलोहा । भयतत्थ-वणिय-सत्था उद्द य-कदंत-कम्मयरा ॥ लोहमहागहघत्थे सारधणं वणिजणम्मि गोविते । ओवट्टिकच्छ कुंतल-कलावदेसेसु अइधर्मो ॥३५९।। निय-निय-देवय-सरणं पवज्जमाणे जणे असेसम्मि । नाविय-जणे य भंडं पविक्खिवंते समुद्दम्मि ॥३६०।। सहसा नहंगणाओ नावोवरि निवडिओ गिरि एक्को । तेण सयसिक्करासा जाया नावा खणद्धेण ।।३६१।।
विणट्ठा जाणवत्त-जणा । गंगदत्तो वि गहिओ वेयालेण । दढं कयत्थिऊण पक्खित्तो समुद्दे । अट्टवससमुप्पण्णो तमाए पुढवीए उक्कोसाऊ नेरइओ। कणयसुंदरी वि कालेण विण्णाय-वुत्तंता दीहरविरह-दुक्ख-दुब्बलंगी-मरणमेव मह समुचियं ति मण्णमाणी पच्छण्णमेव नीहरिऊण रयणीए गया सायरतीरे । 'एत्थेव पिययमसंगसुंदरे सायरे पडामि' चितिऊण तत्थेव पडिया गिलिया मयरेण।
रयणसेहरो वि सदेसाभिमुहमागच्छंतो तमंधयाराए रयणीए पडिओ चिक्खिल्ल-संकडे । न वहंति आवल्लया। विसण्णा निज्जामय-पमुहा धीवरा । नंगरियं जाणवत्तं । तत्थेव एगदेसे धम्मझाणेण ठिओ सव्वं पि रयणि रयणसेहरो। तओ विण्णासिंतो कोसियगणं, संजोयंतो चक्कवाय-मिहुणाणि, पुव्वदिसावहुमुहमंडणो उग्गओ दिणयरो । सच्चवियं जलं निज्जामगाईहिं। दिट्ठाओ तरुणकुसमप्पहा विद्दमलया। हरिसविसायगब्भिणं । विण्णत्तो तेहिं रयणसेहरो-“सामि ! कल्लाणमकल्लाणं च समकालमवठियं ! पवालसंपत्ताए कल्लाणं अदिट्रपूवो अम्हेहिं एस पएसो, विमढदिसायक्का न किं पि पुव्वापराइ-दिसाविभागं वियाणामो-एयमकल्लाणं।" रयणसेहरेण भणियं-"जाणह केत्तियमेत्तं इओ भरुयच्छं ?" तेहिं भणियं-"न याणामो।"
एत्थंतरे उअर-निवेसिय-फलहखंडो मच्छ-कच्छभाईजलयर-नियर-खरतंड-खंडिज्जमाण-देह-खंडो खरपवणवेग-विहुरिय-तरंगेहिं हीरंतो दिट्ठो एगो पुरिसो । आणाविओ रयणसेहरेण । अब्भंगाविओ तेल्लेण सव्वाणि अंगाणि । दावियं भोयणं । सत्थावत्थो पुच्छिओ-"को तुम ? कहं वा एरिसमवत्थंतरं पाविओ ?" तेण भणियं-"भरुयच्छनिवासिणो वासवदत्तसेट्ठिणो घरदासो दुम्मुहो नाम नाइत्तगेण समं पवहणेण पत्थिओ सिंहलदीवे । तइयदिणे वहंताण जाओ तक्करहिं सह संभेडो। पक्खरियं पवहणं । सण्णद्धो वंठवग्गो। लग्गो तेणेहि सह जुज्झिउं । तओ-मुंचंतेसु नाराएसु, निवडमाणासु भल्लीसु, अंगोयंगि अभिट्टतेसु कुंतयरेसु, समंतओ पडतेसु पासाणेसु, तत्ततेल्लधारानिवायडज्झमाणसव्वंगेसु सुहडेसु, सत्थप्पहारवेयणाविहुरियंगेसु नित्थुण्णंतेसु कायरनरेसु,] तत्तवालुया-निवायदज्झमाण-सरीरेसु वि सिंहनायं मुयंतेसु साहसधणेसु, कोवावेस-फुरफुरिताहर-दसण-दट्ठोट्ठ-कोप्परिय-फार-फरयएसु, ढुक्केसु फारक्केसु, समुद्दमज्झे पक्खिप्पमाणेसु पाणविमुक्कपुरिसेसू, पउरत्तणओ चोराण अक्कमिज्जमाणे अम्ह पवहणे सयमेव जज्झिउमारद्धो नाइत्तगो। ताव खलिया तेण तक्करा जाव वोलीणो वासरो। पच्छा मम्मदेसे नाराय-पहार-सल्लिओ दिणयरेण सममत्थमिओ सो
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |