Page Text
________________
२७८
मणोरमा-कहा
एवं भणिऊण सा वि विमुक
सूणओ वि खणंतरेण मओ। एयं दठ्ठण संवेगमावण्णाए जंपियं परिसाए-"भयवं ! कहं ण तीए पावाए निय-पइ-मारणं कयं?" सुरिणा भणियं-“भो भव्वा ! न एत्थ कि पि अच्छेरयं । कामासत्तो न मुणंति हियं । तयस्थ संपाडण-निमित्तं कुणंति उभयभव-निंदणियाणि कम्माणि, खमंति अक्खमाए, जंपति ईसराण पुरओ चाडय-वयणाणि, चितिति अचिंतणीयाणि, अवगण्णेति गयणं, वयंति कुमगं, न गण ति अम्मा-पिई. वयणं, घायंति इत्थीयणं, वंचंति सुहि-सयणमित्ताणि, बहंति पइपुत्ताइवग्गं, भासंति अलिअं, समाय[ २ ]ति अकज्ज, लहइंति लज्जं, उवहसिज्जति लोएण । तह वि न विरमंति कामाउरा] नरा । किं च इह भवेव कामो कारणं वह बंधणाएसयलाणत्थाण, निययावासो विडंबणाए, हेउ खय-वाहिणो, कुलहरं ईसाणलस्स, नियनिकेयणं रागस्स, खेत्तं विसायविसकंदलीए । अओ चेव निदिया धम्मसत्थेसु । एवं च ठिए धण्णा ते जे विसं व विसयगणमज्झिऊण पव्वयंति । तत्थासमत्थदेसविरइं सम्मतं वा पडिवज्जंति ।
तओ जहारिह काऊण धम्मपडिवत्ति गया परिसा। ठिआ तत्थेव रयणसेहर-गंगदत्ता । विण्णत्तो तेहि सूरि"भयवं! असमत्था अम्हे सव्वविरइं पडिवज्जित्तए । करेसु अणुग्गहं देसविरइ-दाणेण । दिण्णा सूरिणा। पढमगुणव्वएसु पव्वत्तरावरदिसा[ए] मुक्काणि दोण्णि जोयणसयाणि । दाहिणदिसाए थलपहे दोण्णि चेव जलपहेण । दस उड्ढे दिवढ
महोगाउयं विणा धम्मकज्जं अओ परं नियकाएण न गच्छामो।” सुरिणा भणियं-"धण्णाण चेव विरइ-परिणामो भवह. परं पडिपालणे पयत्तो कायवो।" पडिवज्जिऊण गरु-वयणं गया सट्टाणं रयणसेहर-गंगदत्ता। विहरिया अण्णत्थ सरिणो। जहागहिय-वय-परिपालणं कूर्णताण वच्चइ कालो।
अण्णम्मि रयणीए एगत्थमिलियाण अत्थोवज्जणकहं कुणताण जाया ताण समुहतरणेच्छा । विण्णत्ता जणणिजणया। कह कह वि तेहि अणुण्णाया । तओ पारद्धा गमणसामग्गि काउं । गहियं भंडं। पसत्थवासरे निग्गया दो वि। पत्ता भरुयच्छं । आवासिया तत्थ । सज्जियाणि जाणवत्ताणि दोण्णि रयणसेहरसंतियाणि, दोण्णि गंगदत्तस्स। भरियाणि भंडस्स। निरूविया सव्वा वि संबलजल-इंधणाइसामग्गी । गमणाणुकूलवासरमणुपालयंता जाव चिट्ठति, ता [अ]पण दिणे वेलाउलमवागया दिट्टा गंगदत्तेण अमयं व पज्झरंती सव्वंगेहि, दंसणेण वि मणुम्मायकारिणी, जुव-जण-मणनयण-हरिण-वागुरा-पढम-जोव्वणे वट्टमाणा एगा कण्णया । अवि यमिउ-मसिण-कसिण-सुसिणिद्ध-चिहुर-भारेण भसियं रुइलं । कमलं व छप्पयावलिछण्णं सीसं सहइ तीसे ।। कमल-[दल]दीह-लोयणरिउनासिल्लो सुकण्णपासिल्लो । मुहचंदो अकलंको सकलंक हसइ निसिनाहं ।। कंबण्णय-सुउमाला सरला अइसुंदरा ति-रेहिल्ला । उवमिज्जउ केण सम मणोरमा तीय वरगीवा ॥३११॥ घणकढिण-पीणचक्कल-उण्णय-थणजुवलयं गुणमहग्धं । कह उवमिज्जउ तीसे सुरिंदकरिकुंभजुयलेण ।। गाओ थणपन्भारो वोढव्वो कह मए त्ति विताए । झीणं मझं तीसे बहु-दुहिओ दुग्गय-नरो व्व ॥३१३।। लायण्ण-सलील-पुण्णो गंभीरो तह य दाहिणावत्तो। रोमलया-नइ-पभवो रेहइ नाही-दहो [ती]से ।।३१४।। मिउमंसल-रुइरेणं वियड-नियंबत्थलेण सा बाला । चंकमइ मंदमंदं रसणामणि-किकिणिरवेण ।।३१५।। रंभाथंभ-सुकोमल-करि-कर-निरु[व]मूह-जुवलयं तीसे । मयणनिवदा रदेसे उम्भियमिव तोरणं विहिणा ।। कुम्मुण्णय-चलणजुयं सोहइ मिउमंसलंगुलिसणाहं । आयब-पत्तलनह भण कस्स न चोरए चित्तं ।।३१७।। बालग्गाओ नहग्गं नहग्गमग्गाउ जाव केसग्नं । जं जं अंगं तीसे तं तं मण-मोहणं सव्वं ।।३१८।।
तओ तं संत-मयसिलिंबच्छि परिवारजणं वंचिऊण निण्णिमेस-लोयणाहिं पलोइउमारद्धो गंगदत्तो। सो वि तहेव तं पइ संजायाणराया तम्मयमिवतियणं मण्णमाणी चित्तलिहिय ब्व सुइरं गंगदत्तं निज्झायंती टिया। मुणिय मयणवियारा समासण्णवत्तीणीए भणिया मयणियाभिहाणाए नियदासचेडीए-“सामिणि ! सोवसग्गं ठाणमेयं । एहि निययावासं गच्छामो। अणिच्छंती वि गया सा बालिया। तओ कत्थई रइं अलहंती वाहजल-भरिय-लोयणं पुणो पुणो तं दिसिं
___Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |