Page Text
________________
तइय अवसरे परिग्गहपरिमाणवए नरचंद-जिनगुत्तकहा
ते य इमे गुणा--
देस १ कुल २ जाइ ३ रूवी ४ संघयणी ५ धिई जुओ ६ अणासंसी ७। अविकत्थणो ८ अमायी ९ थिरपरिवाडी १० गहियवक्को ११ ।।२४७।। जियपरिसो १२ जियनिहो १३ मज्झत्थो १४ देस १५ काल १६ भावण्णू ।
१७ आसण्णलद्ध १८ पइभो १९ नाणाविहदेस भासण्णू ।। २४८ ॥ पंचविहे आयारे, जुत्तो सुतत्थ तदुभयविहण्णू । आहरण-हेउ-उवणय-नय-निउणो गाहणाकुसलो ॥२४९।। ससमय-परसमयविऊ गंभीरो दित्तिमं सिवो सोमो । गुणसयकलिओ जुत्तो पवयणसारं परिकहेउं ॥२५० ।। एवंविहस्स वयणं घय-परिसित्तो व्व पावओ भाइ । गुणहीणस्स न भायइ नेह-विहूणो जह पईवो ।।२५१।। जो अप्पणे वि अंधो सो कह रूवाणि कहइ अपरस्स । अंधो व्व अगीयत्थो जिणधम्मो रूव-सारिच्छो ।।२५२।।
नवत्ति कम्मस्स वि संसमंधो, संजाणई नाविमियंक-कंती,
कहिं पीढसप्पी कहिं दूय-कम्मं । अंधो कहि-कत्थवि देसियत्तं ॥२५३। जो गणहरो न याणइ अयाणमाणो वि देसए मग्गं । सो विज्जसुओ व्व फुडं परमप्पाणं च नासेइ ।।२५४।।
जहेग वेज्जस्स सुओ अयाणो, मयम्मि ताए अणहीय-विज्जो, गंतुं विदेसं अह सो सिलोगं घेत्तूणमेगं-सग-देसमेइ ।।२५५।। समागओ सोउ सयम्मि देसे लक्षण तं चेव पुराणवित्ति,
रण्णो निओगेण सुए तिगिच्छं, कुव्वंतु तेणेव-समं विट्ठो॥२५६ ।। एवमगुणे अग्गीए सीसे सूरित्तणं अणत्थाया । जम्हा सोवालभं सुय-केवलिणा इमं भणियं ।।२५७।। आयरियत्तणतुरियो पुवि सीसत्तणं अकाऊण । अणहिगयागमसारो हिडंति समण्णणा के वि ॥२५८।। सीसा वि य तूरंती. आयरिया वि [ ] लहुं पसीयंति । तेण दरसिक्खियाणं भरितो लोगो पिसायाणं । बूढो गणहरसद्दो गोयममाईहिं धीरपुरिसेहिं । जो तं ठवई अपत्ते जाणतो सो महाप वो ॥२६०॥ ता एयमसगाहं मोत्तूणं नाणसंगहं कुणसु । किं वा तए न सुओ सुयम्मि न सुओ जवो राया ॥२६१।। जवराय-दीहपिट्ठो सचिवो पुत्तो य गद्दभो तस्स । धूया अडोल्लिया गद्दभेण छूढा य अगडम्मि ॥२६२।। पव्वयणं च नरिंदे पुणरागमऽडोलिखेल्लणं चेडा । जवपत्थणं खरस्सा उवस्सओ फरुससालाए ॥२६३।। इओ गया इओ गया जोइज्जती न दीसति । अहमेयं वियाणामि अगडे छूढा अडोलिया ॥२६४।। आविहिसि पूणो जाइहिसि ममं वावि निरिक्खसि । लक्खिओ ते मया भावो जवं पत्थेसि गद्दहा ॥२६५।। सुकुमालग ! भद्दलया ! रत्ति हिंडणसीलया ! भयं ते नस्थि मं मूला दीहपिट्ठाओ ते भयं ॥२६६।। सोऊण इमं वयणं विचितियं गद्दभेण निद्दोसो । ताओ भयवं इमिणा निद्दिट्ट दीहपिट्टाओ ॥२६७।। हा ! कहमणज्जकज्ज मए कयं आसि मंदभग्गेण । इइ जपंतो पडिओ खामिओ साहुचलणेसु ॥२६८।। कहिऊण वइयरमिणं सविसेसं निदिऊण अप्पाणं । अयडाओ अडोल्लि कड्ढिऊण मंतिं विणासेइ ॥२६९।। सिक्खियव्वं मणस्सेण वि जारिसतारिसं । पेच्छ मुद्ध सिलोगेहिं जीवियं परिरक्खियं ।।२७०।।
ठिओ तत्थेव कइवय दिणाणि । समारोविऊण सम्मत्ताइ गुणगणे नरवइपमुहलोयाण थेव दिणावसाणे गओ गुरु-समीवं । एवं तस्स एरिसमवि नाणं गुणकरं जायं किं पुण सण्णाणाहिगमो जाओ।
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |