Page Text
________________
तइय अवसरे भूरिवसू-रयणप्पहाभववण्णणेसदारसंतोसवए कुंदमयरंदकहा
२६७ जो पुण दोस निहीणु गुण मण्णइ मूढउ । दुत्तरि नरइ तमंधयारिति अप्पउ छूढउ ॥१६८।। जइ महु वयणु करेसि न सइं संतुटुमणु । ता सहिसइ बहु दुक्ख इं निच्छइ तुज्झ तणु । हिउ बुव्वंतु न करहि झुट्ठउ चप्फलउ । संपइ हिंडि जहिच्छइ मुक्कउ मोक्कलउ ।।१६९।। जओअप्पहियं कायव्वं जइ सक्का परहियं पि कायव्वं । अप्पहिय-परहिआणं अप्पहियं चेत्र कायव्वं ।।१७०।।
एवं भणिऊण दूरीहूओ मयरंदो। कुंदो वि अकज्जकरण-परायणो पत्तो कयाइ तलवरेण । नरवई समाएसेण मारिओ दुहमारेण । समुप्पण्णो पंकप्पभाए दस सागरोवमाऊ नारओ । मयरंदो वि तत्तो पडिनियत्तो पत्तो एग पुव्वदिसाभाग-संठियं गिरि-निगुंजं.। दिट्ठो य तत्थ एगाए किण्णरीए। विण्णाओ ओहिणा जहेस मह पुन्वभव-भत्तारो। तओ सा दण मयरंद-रूवं पुव्व-भत्तार-सिणेहेण अणुराय-परा जाया । नियसरीर-कंतीए उज्जोयंती तं वणाभोयं विणय-विहिय-करयलंजली ठिया मयरंद-पुरओ-"अज्जउत्त ! कुसलं ते सरीरगस्स ?" अज्जउत्त'त्ति अणुचियवयणासंकियहियएण जंपियं मयरंदेण-"अणेगवाहि-वेयणापीडियस्स केरिसं कुसलं सरीरस्स ?" का तुम ? किं-निमित्तं वा अज्जउत्त त्ति वाहरसि ?" किन्नरीए भणियं-“सामि तुमं । इओ पुव्वभवे किण्णर-निकाए गंधव्वरइ नाम किण्णरो अहेसि, अहं च मुच्छणा नाम तुह देवी किण्णरी। अहाउयं परिपालिऊण चुओ तुमं । अहं पि तुह विओयदुक्खिया दुक्खविणोयणट्ठा जेसु ठाणेसु तए सह कीलियं तेसु भमिउमाढत्ता। दिट्ठो य मए मयणसाले नयरे केवली। पुच्छिओ तुज्झ वुत्तंतो। कहिओ केवलिणा । तओ हं मोहिया समागया एत्थ। नाउं तुम एत्थागओ ओहिणा निब्भरसिणेहा समागया तुह समीवं । पडिवज्जसु संपयं मम । चिट्ठामि तुह पायासेवणं । न मम तुह ठाणे अज्ज वि अण्णो कोइ नाहो समुप्पण्णो। ता न तए अण्णहा एसा पत्थणा कायव्वा।" एवं भणमाणी पडिया पाएसू । मयरंदेण भणियं-“पडिवण्णो मए पुव्वमेव सदारसंतोस-नियमो। कहमेयं करेमि ?" तीए भणियं-"सकलत्तमेव मं जाणीहि ।" तेण भणियं-"न हवइ एयं । गओ सो पज्जाओ जेण तुमं मह घरिणी अहेसि । संपयं साहम्मिणी मह तुमं । 'इट्ठो' त्ति काऊण पुव्वसिणेहाणुबंधेण आगया तुमं सम्मद्दिट्ठिणी य । अओ मणियजिणवयण-परमत्थाए, पडिवण्णाणुव्वयस्स, विसेसओ परदार-नियत्तस्स, सदारे वि परिमियभोगस्स, तत्तो वि नियत्तिउकामस्स, साह-वय-पडिवत्ति-मणोरहे धरेंतस्स मज्झाजुत्तं एरिसं तुज्झ भणिउं-कि जो इट्ठो भवइ सो वयभंग करावेऊण संसारसायरावत्ते पाडिज्जइ? सयं चेव सम्मं परिभाविऊण जं चिय जिणवयण-परमत्थाणं जोग्गं हवइ तं चेव भणाहि।" .
तओ खणमेगं विरिसिऊण उज्झिअमोहाए, परिचत्ताणज्जायरणाभिलासाए, विवाग-दारुणमेयं ति संजायपडिबोहाए, समुप्पण्ण-पच्छायावाए. भणियं-"मयण-परव्वसाए मए एवं जंपियं । खमियव्वं मज्झ एयं । संपयं जं मज्झ जुत्तं तं उवइसाहि जेण करेमि ।" मयरदेण भणियं-"भद्दे ! पालियं तए निव्वाणकप्पतरुणो बीयभयं सम्मत्तरयणं । ता नियभूमिगाणुरूवं भासियव्वं च ।" किण्णरीए भणियं-एवं करिस्सामि किन्तु साहम्मिओ मह तुम, कायव्वं च सम्मद्दिट्रिणा साहम्मियाण वच्छल्लं। अओ जमहं तह साहम्मियस्स करेमि तं तए पडिच्छियव्वं, जओ नाहं नेहेण वा मोहेण वा रागेण वा दोसेण वा करिस्सामि, किंतु दंसण-विसोहणत्थं अत्तणो अणुग्गहत्थं च।" मयरंदेण भणियं"एयं भवउ । को धम्मतरायं करेइ।" तओ 'महंतो ममाणुग्गहो' ति भणमाणी पडिऊण पाएस गया सद्राणं किण्णरी। समागया रयणी । भणिओ मयरंदो-“न तए घर-चिता कायव्वा । निच्चितो धम्मकामासेवणं कुणंतो चिट्ठसु । एवं भणिऊण समप्पियाई भोगोवगरणाई। एवं पइदिणं कुणमाणीए वच्चइ कालो किण्णरीए।
तओ सो देवदूसाभरण-मलयसार-सुर-तरू-कुसुमामोय-भरिय-दस-दिसो जत्थ जत्थ वियरइ तत्थ तत्थ नयरजणो एवं जंपेइ-"अहो ! सुलद्धमणेण मणुयत्तणं । पसण्णो इह भवे चेव भयवं धम्मो, जओ न करेइ घर-वावार, दोगुदय-देवो व्व भोगलालिओ कालं गमेइ । एवं पसंसिज्जमाणो नागरजणेण सुहिसयण-सम्मइ देवगुरु-चरणाराहणपरो जहा पडिवण्णा देसविरइ परिपालणा । परिपालिऊण निययमाउयं, समाहिमरणेण मरिऊण, समप्पण्णो आणय-कप्पे उक्कोसाऊ सुरवरो।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |