Page Text
________________
२५८
मणोरमा-कहा
जइ जिणवयणं पि तुमं न सद्दहसि रे मूढ दुवियड्ढोसि । तो जं रुच्चइ तं कुणसु किं पियारेण अहलेण ॥९८।। सयलगुणाणं मूलं गुरुबहुमाणो जिणेहिं पण्णत्तो। जइ सो वि नत्थि भाउय अचिगिच्छो ता तुम नूनं ।।९९।।
विसं वइऊण उदिओ सुचंदो । अण्णम्मि दिणे खणियमणेण तत्थेव नयरे वणियघरे खत्तं । आरक्खिआलक्खिएण पवेसियं नियघरे मोसं । तओ चितियमणेण-'जाओ कई वि मासे कुडुंबनिव्वाहो । गच्छामि संपयं तामलित्ति नरि । तत्थ गओ जहाजत्तं करिस्सामि । कयं तेण जहा चितियं । पविसंतेण नयरे दिदा एगा थेरी। पणामपुरस्सरं पुच्छिया तेण-"को एत्थ ईसरो दयालुओ य?" "तीए भणियं-“धणधम्मसेट्ठी।" "कहं तस्स मंदिरं"? दंसियं तीए। पविठ्ठो तत्थ । पणमिओ धणधम्मो । पुच्छिओ तेण-“भद्दमुह ! कत्तो समागओ?" बाहल्ललोयणेण जंपियं तेण-"महामुणि व्व अनिययावासो किं कहेमि महाभागस्स । बालभावे चेव उवरया मे जणणिजणया। देहबलियाए जीविओ एत्तियं कालं। संपयं पण महादालिहाभिभूओ नाणाविह देसंतरं परिब्भमंतो सोऊण तुह पसिद्धि इहागओ।" धणधम्मेण भणियं-"वच्छ! न खेओ कायव्यो। प्रत्तो मह तुमं । थेव दिणमज्झे माणसं करिस्सामि ।" मज्जाविऊण भोयाविओ अप्पणासद्धि धरिओ काइवयदिणाणि । विस्संभमवागओ सेट्ठी । ववहारनिमित्तं समप्पिओ दीणारलक्खो। पारद्धो ववहरिऊं सुचंदो। कारवेइ दीणारेहिं सुवण्णयं । अण्णया रयणीए लहिऊण, अंतरं गहिऊण सुवण्णयं, पलाणो । समागओ सनगरं । निमंतिओ चंदणेण । भुत्तावसाणे पुच्छिओ तेण सुचंदो “कहं ते एत्तिओ धणागमो?" हरिसियमाणसेण साहिओ तेण जहटियवइयरो। पसंसियं तेण नियकम्म। चंदणेण भणियं-"बिले कर खिवंताण केवइयं कूसलं। जओ--- अनयो जणिय गुणो विहु पयावविहवं न देइ गरुयाण । विहिवसविसं घडतो वि गुणकरो न य समारंभो।१००।
सुचंदेण भणियं-"अणायारमायरंतो वि को वि कुसलं जावज्जीवं पाउणइ जहा वयणसारधुत्तो।" चंदणेण भणियं'को एस धुत्तो?" इयरेण भणियं-'सुणसु' ।
वयणसारधुत्तकहा
अस्थि सागेए नयरे सामडो नाम दिओ। ईसरी भारिया। वयणसारो पुत्तो। विविहवसणाभिभओ विणासेड़ दविणजायं । वारिओ पियरेहि न थक्कइ दविणमभिवंतो। तओ सयणसमवायं काऊण गओ राउले सामडो। विण्णत्तोराया-"देव! मह पुत्तो वसणाभिभूओ वारिओ विन वसणाओ विरमइ। कओ मए घरबाहिरो। नाहमिमस्स दोसेण लिप्पामि।" कालक्खरियं काऊण समागओ भवणं। निद्धाडिओ घराओ वयणसारो । सिक्खिया तेण तत्थेव नयरे धुत्तविज्जा। कूड-कवड-वंचणाहिं मायामोसेण य खद्धो सम्बो वि सागेयनयरजणो न कोइ वी[स]सं समागच्छइ ।
अण्णम्मि दिणे पियरि पओसं वहंतेण खणियं खत्तं। सुह-पसुत्तो वावाइओ पिया । गहिऊण घरसारं कयत्थमत्ताणयं मण्णमाणो निग्गओ सागेयाओ। मिलिओ आगच्छंतस्स सहिरण्णो वणिय-दारओ। वयणसारेण भणियं-"भह ! को तुम? कत्थ वा पत्थिओ?" तेण भणियं-"सुमंगलो नाम सेट्ठीसुओ, पिउणावमाणिओ, तामलित्तिं पइ पत्थिओ।" तेण भणियं-"अहं पि बंभणसुओ सुंदरो नाम पिउपराभवेण तामलित्ति चेव गच्छिस्सामि । अहो! विहिणा समदुक्खाण समागमो घडिओ । अणुकूलकवड-वयण-विणयकरणमाइणा समावज्जियं से हिययं । कहियं रहस्सं सुमंगलेण-"अत्थि मह समीवे सुवण्ण-सहस्सो। भाउओ मह तुमं । ता तए सह एसो भोत्तव्यो।" वयणसारेण भणियं-"नाहं परपरिग्गहं गिण्हामि।" सविसेसं विस्सासमवागओ सेद्रिसुओ।
अण्णया दीहद्धाणपरिक्खेइय-सरीरो रयणीए निब्भरं पसुत्ती वावाइओ सुमंगलो वयणसारेण। गहिऊण सूवण्णयं गओ तामलित्ति। कयं तत्थेवावत्थाणं । निरुवेइ अत्तणो समगुणं सहायं। इओ य अवंतिवद्धणे नयरे तुंडिलो माहणो परिवसइ। तस्स य पुत्तो चिविडनासो नाम विलासाहिलासी घरसारं नासेइ। अण्णया निब्भच्छिओ जणएण-"अरे ! दुजम्मजाय ! दुग्गओं वि होऊण विलासे कुणंतो न लज्जिसि? नीहरसु मह घराओ। न तए मह कज्ज।” सो वि पिउणावमाणदुम्मणसिओ अकहितो चेव निग्गओ। दियहं वहिऊण रयणीए कंतारे ओगाढो तओ
_Jain Education-international 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |