Page Text
________________
१९२
मणोरमा-कहा
लद्धावसरेण जंपियं गंधिलेण--"भयचं! असाहरणरूवाइगुणस्स परम-संपया-सूयग-लक्खण-लंछिय-सयल-सरीरावयवस्स, रमणी-मणहरण-पवण-पढमजोवणे वट्टमाणस्स वि कि ते निव्वेयकारणं?" सूरिणा भणियंजम्म-जरा-मरणपउरो अणेगदुक्खाण एस आवासो। संसारोच्चिय निव्वेयकारणं तत्थ पुरिसाण ।।२५१।। विमेम-कारणं पुण इमं ।
अत्थि इहेव भारहेवासे विसालउलं नाम नयरं । विउलजसो राया। कमलावई से देवी। ताण सुओ अमरसंदरो नामाहं। अट्र-वरिसस्सेव उवरया मे जणणी। दंसिति अवमाणं सवक्कि-जणणीओ। तहवि तायबहमाणं दण निव्वुयहियओ चिट्टामि। अण्णया विसयपेरंत-दुग्गसंगहगम्विओ लुंठगो माणभंगसामंतो न पडिवज्जड तायस्स सासणं, न देइ पुव्वपडिवण्णं करं, करेइ तायविसए विडुरं । आणाभंग-समुद्दीविय-कोवानलो गओ तदुरि ताओ। अहं पि पच्छओ पए-पए पेच्छामि सवक्कि-जणणीसयासाओ पराभवं । न वह मे सम्मं परियणो । वाहरिओ विन देइ पडिवयणं दासी-दास-जणो। तओ चिंतियं मए-“अहो मे पाव-परिणई जेण सयणजणो वि सत्तुजण-समाणो। वसिमं पि अरण्णरूवं। महारायसुओ होऊण सामण्ण-जणाओ विहीणयरो जाओ। अहवा न दोसो एत्थ जणणीण, न वा परिवारस्स। पुव्वभवोवज्जियदुक्कयकम्मविलसियमेयं । जओबहुजण-धिक्कारहया 'उवहसणिज्जा य सव्वलोयस्स । पुदिव अकयसुधम्मा सहंति परपरिभवं पुरिसा ।।२५२।।
ता अलं मे इह ठिएण। तओ अलक्खिओ चेव परियणेण रयणि पढम-पहरावगमे निग्गओ पच्छिमदुवारेण । काऊण कप्पडिय-वेसं पयट्टो उत्तरदेसाभिमुहं । भिक्खाभोयण-कय-पाण-धारणो कइवयदिणाणि वहिऊण पत्तो पुरिमतालनयरं। एत्थंतरे अत्थमिओ दिणमणी। पविट्ठो नयरमज्झे भिक्खाए भरिया पुडिया। तओ पविट्ठो हं एगम्मि मंदिरे। दिदा एगा इत्थिया पुच्छिया य--"जइ भणाहि तो हं इमीए कूडीए भंजामि वसामि य।" तीए भणियं--- "एवं करेहि ।" भुत्तं मए सुत्तो य तहि चेव । नागच्छइ निद्दा जेणागओ मं दाह-जरो । सयणीअमंदिरोदराओ निग्गंच्छतो सुओ मए सद्दो एगपुरिसस्स 'अओ पाणियं' पाइओ तीए पाणियं पुणो वि मग्गियं पुणो पाइओ।
__ एत्थंतरे समागओ एगो पुरिसो। दिण्णं तीए महल्लमासणं । पक्खालियं चलण-जुयलं। सज्जिओ पवरपल्लंको पउणी कयाणि पुप्फ-तंबोलाईणि । वट्टिओ रइकीडारसो। एयावसरे पुणो वि मग्गिया पाणियं पाइओ तीए । आगया सयणीए। पुणो वि मग्गियं । तओ तीए चिंतियं--'जावेस धरइ तावेस अंतरायं मे सुहं ति पविट्ठा भवणभंतरे दाऊण गले अंगद्रयं पंचत्तं पाविओ पई। समागया उववइणो समीवे। ठिया निव्विग्घ-रइ-आसेवणेण। पुच्छिया तेण"महईए वेलाए किमेस ते भत्ता न जलाभिलासी?" तीए भणियं-सहसंवेयणाओ लद्धनिदो भविस्सइ। संकियं से माणसं मा नाम इमाए पावं आयरियं भविस्सइ । उववइणा भणिया सा पुणो वि पडियरियाय समागच्छसु। तयणुवित्तीए गंतूण ममागया। पुच्छिया तेण--"केरिसं सरीरयं घरसामिणो?" तीए भणियं--"दीहनिई गओ चिट्टा।" तेण चितियं--'ननं मारिओ।' अहो! वीसत्थधायगत्तणं इत्थीजणस्स। विरत्तचित्तो सुहं सुत्तो सो। तओ चिंतियमिमाए--"अहो! मुणियमणेण पइ-मारणं। विप्परिणओ लक्खीयइ। मा लोए अकज्जकरणमेयं पायासिस्सइ। ता एवं पि पइपहेण पेसामि। तओ सुहपसुत्तो पहओ असिधेणुयाए । विमुक्को जीविएण । आगया सा महसमीवं। भणिओ हं तीए-"अरे! पहिय! दिलैं?" मए भणियं-"दिळं।" तीए भणियं-"जइ एवं तो जमहं भणामि तं करेहि। अण्णहा तुज्झ वि एसा गई।" माए भणियं--"भणउ भोइ जं मए कायव्वं ।” तीए भणियं--"इओ अभिसरसु" ति भणंती गया मा जार-कडेवरंतियं । अहं पि तयणु मग्गेण गहियं तं तीए दोसु वि पाएसु। अहं पि गाहिओ उत्तिमंगं । गयाणि घरपच्छिमभागं । खित्तं विजलजिण्ण-कृवियाए कडेवरं। तदुवरि कयवराइयं। एत्थंतरे पविगलिया रयणी।
सियं तंबचडेण । पयडीओ रविरह-सारही। भणिओह तीए-"भो पहिय ! खणमेत्तं विलंबिऊण गंतव्वं । पडिवणं मए। ठिओ हं तीए चेव कुडीए । सा वि 'हा ! मुट्ठा, मुटु' त्ति भणमाणी दोहिं वि करेहिं उर ताडयंती महया सद्देण सदुक्खं रोइउं पवत्ता। मिलिओ सुहि-सयणजणो। पुच्छिया तेहि-"सुंदरि! किमेयं?" अदिण्णपडिवयणा विलावगम्भिणं एवं भणिउमाढत्ता
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |