Page Text
________________
११०
मणोरमा-कहा
परचक्क-भीय-जणसरण-दायगा हं ति मणसि तुट्ठा व। नच्चइ खर-पवणाहय-करीर-समि-साह-बाहाहि ॥ एवंविहं मरुं सो लंघिय-सत्थो कमेण संपत्तो । गज्जणउरम्मि उत्तरदिसा-वहू, मंडणे पवरे ॥७०२॥
तत्थ य ववहरिउमारद्धो चंदणो । विद्वत्तं भूरि-दविण-जायं । कया निय-देसागमणसंजती। दिण्णं पयाणयं । गहिया सिंधु-विसए पहाण-तुरंगमा। पत्थिओ नियदेसाभिमुहं । कमेण वहतो पविट्ठो महाडविं आवासिओ रण्णमज्झे सत्थो ।
एत्यंतरे अप्पतक्किओ चेव चउद्दिसि दहतो तणकट्ठाइ-संघायं उढिओ महंतो दावानलो, अणुकूल-पयट्ट-पयंड-पवणपसरत-अच्चि-संतीणो, कुविय-कयंतो व लहं कवलितो पाणि-संघाए, पत्तो सत्थसमावं । दिटठो भय-भीय-सस्थलोएहि। उत्तट्ठ-थद्धसवणेहिं हिंसियं वरतुरंगेहिं । तओ हाहारवं कुणंतो उढिओ चंदणो भणिउमाढत्तोविहेह नीर-संचयं, करेह दूरमंचयं । खणेह पास-भूमियं, करेह सलिल-तिम्मियं ॥७०३।।
एवं पयंपमाणस तस्स सविहमागओ दावाणलो। विमुक्कीवियासा विसण्णा सव्वे वि जणा । मुंह गोणवयं, छिदह वंदुराओ तुरंगमाणं, विलुपह लज्ज कमेलगाणं दिबंधणं करेह विसरं वेसराणं, तोडेह दावणाणि 'रासहाणं, एवं भणंतो चेव, पारद्धो दहिउं दवग्गिणा। तओ दज्झतेसु मरतेसु वंदुरा-तुरंगमेसु, चिर-समारसंतेसु रासहदारएसु, 'हा ताय ! हा माय !' भणंतेसु नारी-गणेसु, विमुक्कः-पोक्कं स्यंतेसु कायरजणेसु, गहिय-श्यण-कणगाइसारधणो कइवयपुरिस-परिवारिओ पुव्वाभिमुहो पलाणो चंदणो। दवाग्गिणा दझंतो पत्तो पउरपंक अप्पोदगमेगं सरोवरं। पविट्ठो तत्थ । समप्पण्णा जीवियासा। सित्तो अप्पा सलिलेण। विलित्तो पउरकेण । उपसंता पाएण दाहवेयणा। ठिओ तत्थेव सो वि जणो । दहिऊण तिणि दिणाणि कंतार-वण-तिण-कदाईणि उवसंतो दावाणलो । निग्गया चंदणादओ सरोवराओ। गया सुलसवडं नाम नयरं। ठिया तत्थ कइक्य-दिणाणि । गहियं किंपि भंडं। चलिया निय-नयराभिमुहं । कमेण वहंता पत्ता सिंधु-सरियं । मिलिओतत्थ विसघंघलो नाम परिवायगो। उत्तरिउमादत्ता चंदणादओ। पुच्छिओ परिवायगेण चंदणो-“ममंपि उत्तारावेहि" पडिवण्णं चंदणेण। समारोविओ सो वि नावाए। मुक्का तरिया धीवरेहि ।
इओ य नावियाण मज्झे एगस्स नावियस्स जणणी डाइणः । ठक्कुर-तणए चुक्का। मंतबलेण लहिऊण कहिया परिवायगेण ठक्कुरस्स तेण विडंबिऊण माराविया ।
___ तओ सो नावियो तं दळूण पओसमावण्णो । अक्सरं लहिऊण तरिया-तीरनिसण्णो पमत्तो पक्खित्तो सिंधु-जले तेण परिव्वायगो। 'चंदण चंदण' त्ति, पोक्कारियं तेण पडतेण। निसुयं चंदणेण। धराविया तरिया, पुच्छिया धीवरा'केण एवं कयं ।' सणियं कण्णते होऊण मणियवृत्तंतेण कहियं जहद्रियं एगेण धीवरेण । भणिया चंदणेण सेस धीवरा, "लहं कड्देह।" कढिओ तेहिं । पउणीकओ चंदणेण । निवेसिओ अपणो समीवे। निब्भच्छिओ सो नाविओ। गंतुं पयट्टा तरिया । एत्थंतरे अहुं सरियं छिदंतो, फडाकडप्प-दुप्पेच्छो, अणप्पदप्पो दिलो तेहि सप्पो । भणिओ परिवायगेण चंदणो। “सेट्ठि-सुय ! आइट्ठो विव गच्छइ एस भुयंगमो ।” चंदणेण भणियं-"कहमेयं नज्जइ ?” “अप्पच्चओ तो दसेमि ते कोउयं।" ठिओ तरिया-तीरे परिव्यायगो। सुमरिऊण मंतं पसारिओ करो। सरसरत्ति समारूढो तम्मि य भुयंगमो। ठिओ परिवायग-पुरओ। चंदण-पडयाओ गहेऊण रत्तसुत्त-खंडं बद्धं सप्पगले परिवायगेण ।
तओ विसज्जिओ सप्पो। चंदणेण भणियं-“को एत्थ परमत्थो ?" तेण भणियं-“सव्वं साहिस्सामि।"
इओ य सो सप्पो सिंधुमुत्तरिऊण गओ सिद्धत्थपुरं । तस्स सामिणो सिंधुसेणराइणो। धवलहरुज्जाण-संठिए जक्खालए कोलंतो सहवयंसएहिं समागओ जक्खालयं मणिरहो नाम रायउत्तो। निवडिऊण जक्ख-चलणेसु पडिनियत्तमाणो वाम-पाए डक्को तेण भुयंगमेण। 'दट्ठो' त्ति भणमाणो निवडिओ धरगाए । संखुद्धा वयंसया। कओ कोलाहलो। समागओ सपरियणो राया। पुच्छिया वयंसया। तेहिं भणियं--"सप्पेण खइओ।" समाया पहाण-गारुडिया। पउत्तं पयत्तेण
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |