Page Text
________________
सम्मत्त-बीय-लंभो णाम पढमो अवसरो तत्थ य धणदेवकहाणए सीलवई कहा
९५
तुह वयणेण इओ तओ मारिनिवारणट्ठा परियडतेण समुहमज्झे बहुबल-परिगएण राइणा वावाइज्जमाणो दिट्ठो एस कुमारो मारिओ संरक्खणट्ठा गहिऊण इहाणीओ।" तओ चलणेसु निवडिऊण परुण्णो चित्तंगओ। साहियं हंसियाए चंदसिरि-जणयाणं जहा, 'सो चेवेस चंदसिरि-यियवल्लहो वज्जहर-कुमारो । सहरिसमुट्ठिऊण दिण्णं सीलवईए तस्स साइयं । चंदसिरीए भणियं-"किमेस भे हवइ?" तीए भणि-"माउलभाया ।" हंसियाए भणियं-"जह एवं ता जा तुम्हाणमाजम्मं पि संबंधो ।” आरोविऊण निय-निय-पइ-सहियाओ विमाणेसू चंदसिरी-मीलवईओ विज्जाहरविंद-परिवडो पणमिऊण तित्थयरं सट्टाणं गओ खयराहिवो । विसज्जिया सट्टाणेसु विज्जाहरा । दिण्णा सहत्थेण चंदसिरी कुमारस्स । सीलवई वि पडिवण्णा धूया खरिदेण । एगया रयणीए पुच्छिओ चंदसिरीए-कुमारो ! अम्ह विओगं समणुभूयं कह वा वसणमिणं पाविओ ?" कुमारेण भणियं-"पिए ! तेण दिव्वपुरिमेण रुसिऊण सविमाणो पक्खित्तो जलहिजले । गयं कहिं पि विमाणं । अहं पि लहिऊण फलहखंडं तइयदिणे समुत्तिण्णो जलहिजलोवगढे एगम्मि दीवे । पच्चभिण्णाओ य तन्निवासिणा ताय-वइरिणा सीहमुहराइणा । कहियं पच्छण्णमेयं मज्झं णमणपुव्वं संगइएण धीवरेण-'कुमार ! एतेण तुम गहिज्जसि । ता मज्झ संतियं लहुययं बेडियं समारुहिय णीए समुहे पविसस् ।" तहेव कयं । विण्णायवुत्तंतो नावा-कडएण मग्गओ समणुलग्गो सोहमुहो । मिलिओ थेवंतरगयस्स । तो अहंपि कत्थइ जुझंतो कत्थइ पलोयंतो जा पहरामि तो तरिया न वहइ, अह तरियं वाहेमि तो पहरियं न सक्कुणोमि । संकडं समावण्णो । समंतओ वेढिओ सोहमह-बलेण । निवडंति सत्थाणि । एत्यंतरे मारिभीरणा मेहमह-विज्जाहरेण गहिऊण इय-मंदिरं पाविओ। एवं मए सुंदरि समणुभूयं"ति भणिऊण मोणमासिओ कुमारो । वच्चंति वासरा । दठूण सीलवइ-सीलसमायारं रंजिओ खेयराहियो । पडिवण्णा धूया । पेच्छइ परम-गोरवेण । अण्णम्मि दिणे गहिय-लेहो समागओ विमलजसो नाम विज्जाहरो । समप्पिओ तेण लेहो सीहरहकमारस्स । दिटठो सिंधसेण-महारायनामंकिओ। पूच्छिओ कूमारेण विज्जाहरो कुसलं भुवणभंतरवित्थरिय कित्तिणो सुगहिय-नाम-धेयस्स तायस्स"? विज्जाहरेण भणियं-"कुसलं जसेण न उण सरीरेण । एवं जणवायाओ मए निसूयं ।" कुमारेण भणियं-"केण भे लेहो समप्पिओ" तेण भणियं-"गओहं पओयणवसेण कतार। दिट्ठो तत्थ 'हा! अणाहा कहं भविस्सामोति एवं विलवंतो खंधारो। तओ उवसप्पिऊण पुच्छ्यिा मए सिबिरपहाणा-“भो ! किमेवं समाउला?" तेहि भणियं-"महाभाग ! अवहरिओ केण वि सोहरह-कुमारो। तेणम्हे समाउला ।" मए भणियं-"कुमारसमासण्णवत्तिणो चेव वयं । संदिसह जं किंपि पओयणं ।" 'अत्थि महंतं पओयणं'ति भणिऊण लेहो लिहिओ, समप्पिओ तेहिं मह एस लेहो । एयं सोमण उम्महिउमारद्धो कुमारो
"स्वस्ति श्री प्रजावहातो नगरीतः श्री सिंधसेननराधिपः कंठगतायः कातारस्थं चतुरंगबलपरिवत्तं सिंहपराक्रम वत्ससिंहरथकुमारं सांजसं सस्नेहं मुर्द्धनि समाघ्राय समाश्लिष्य च बदत्येवं यथा लेखदर्शनादेव शीघ्रमागंतव्यम् वत्सेन, स्वकीयराज्यं चाधिष्ठेयं । किञ्च यत्किंचिदनचितं भणितोऽसि तद् शंतव्यमिति ।"
तओ खर-पवण-पह्याबद्धमल-महीरुहो व्व संजाय-मच्छो निवडिओ धरणीयले कुमारो । कह कह वि लद्धचेयणो एवं विलविउमारतोजं ताएण तहा महायरकयं हक्कारणं दूरओ, तं अंके विणिवेसिऊण विहियं सभासणं सायरं । तंबोलं च[मुह] महेण निाि नेहेण ताएण जं. दो खंडं सरिऊण तं हियवहो [नो] जासि कि संपयं ।।५२९।।
पुच्छिओ चंदसिरीए-"कुमार ! को एस वइयरो?" सदुक्खं जंपियमणेणजस्स पसाएण मए सच्छंद वियरियं सया कालं । समरणसेसो जाओ मह ताओ सुयणु ! सो इण्हि ।५३०।। जाण सयासा जम्मो जायइ जायं पि जाणि पालिति । पच्छा गाहंति गुणे समए कारिति करगहणं ।।५३१।। तत्तो ठाविति पए सुहियं दद्रूण होंति सुहियाइं । दुहियम्मि दुक्खियाई आसासयभरियहिययाई ॥५३२।। जणयाणि ताण वि सुया संपइ संपत्तजोव्वणा होउ । परदुहियास पसत्ता उवयारं नेव मण्णंति ।।५३३।। अण्णह कहमेवमहं पिऊणो पायं पमोत्तूणं । माणमहागहगहिओ अलद्धलक्खं परियडामि ।।५३४।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |