________________
३३२
आयारो
तइओ उद्देसो
भगवओ परीसह-उवसग्ग-पदं १. तणफासे सीयफासे य, तेउफासे य दंस-मसगे य ।
अहियासए सया समिए, फासाइं विरूवरूवाई ।।
२. अह दुच्चर - लाढमचारी, वज्जभूमि च सुब्भ (म्ह? ) भूमि च । __ पंतं सेज्जं सेविसु, आसणगाणि चेव पंताई ॥
३. लाढेहिं तस्सुवसग्गा, बहवे जाणवया लूसिंसु । __अह लूहदेसिए भत्ते , कुक्कुरा तत्थ हिंसिसु णिवतिसु।।
४. अप्पे जणे णिवारेइ, लूसणए सुणए दसमाणे ।
छुछुकारंति आहंसु, समणं कुक्कुरा डसंतुत्ति ।।
५. एलिक्खए जणे भुज्जो, बहवे वज्जभूमि फरुसासी।
लट्ठि गहाय णालीयं, समणा तत्थ एव विहरिंसु ॥
६. एवं पि तत्थ विहरता, पुटपुव्वा अहेसि सुणएहिं।
संलुंचमाणा सुणएहिं, दुच्चरगाणि तत्थ लाढेहिं ।। ७. निधाय दंडं पाणेहि, तं कायं वोसज्जमणगारे।
अह गामकंटए भगवं, ते अहियासए अभिसमेच्चा ॥
Jain Education International 2010_03
For Private & Personal Use Only
www.jainelibrary.org
