________________
१३६
आयारो
६०. णातीतमढें ण य आगमिस्सं, अलैं नियच्छंति तहागया उ।
विधूत-कप्पे एयाणु पस्सी, णिज्झोसइत्ता खवगे महेसी॥
६१. का अरई ? के आणंदे ? एत्थंपि अग्गहे चरे।
सव्वं हासं परिच्चज्ज, आलीण-गुत्तो परिव्वए॥
६२. पुरिसा ! तुममेव तुम मित्तं, किं बहिया मित्तमिच्छसि ? ६३. जं जाणेज्जा उच्चालइयं, तं जाणेज्जा दूरालइयं ।
जं जाणेज्जा दूरालइयं, तं जाणेज्जा उच्चालइयं ॥
६४. पुरिसा ! अत्ताणमेव अभिणिगिज्झ, एवं दुक्खा पमोक्खसि ।
६५. पुरिसा ! सच्चमेव समभिजाणाहि । ६६. सच्चस्स आणाए उवट्ठिए से मेहावी मारं तरति ।
६७. सहिए धम्ममादाय, सेयं समणुपस्सति । ६८. दुहओ जीवियस्स, परिवंदण-माणण-पूयणाए, जंसि एगे पमादेति ।
Jain Education International 2010_03
For Private & Personal Use Only
www.jainelibrary.org
