________________
10
जयन्तीप्रकरणवृत्तिः । गाथा २।३
एवं उदयणराया रज्जं पालेइ विक्कमनएहि । आसि जयंती सच्छा महासई तस्स य पिउच्छा ॥४६१।। सम्मत्तरयणिप्पहापहावुल्लसंतगुणनिवहा ।। नियवंसोवरि सुद्धा वि जयंती वेजयंति व्व ॥४६२॥ धवलगुणपक्खवाया महुरसरा विरइकमलिणीलीला । गुरुवयणचरणराया सुगइरई रायहंसि व्व ॥४६३।। दोसावहारउज्जुयरुई वि गुरुजोइतेयसंभारं । पक्खदिणमुज्जोयंती अपुव्वदिणनाहमुत्ति व्व ॥४६४॥ सीलगुणखीरसायरसुत्तिसमुपन्नकित्तिमुत्ताहिं । जीए कया हारलया दसदिसिरमणीहियएसु ॥४६५।। जीवाइवियारेणं वयणवियासेण सिंहसरिसेण । मिच्छत्तमोहमयगलदलणं जीए कयं लोए ॥४६६।। साहम्मियाण सावयजणाण वच्छल्लसल्लइवणम्मि । दाणरसिया विअमया जा विअरइ भद्दकरिणि व्व ॥४६७।। आरूढगुणे धम्मे निच्चलदिट्ठीए जीए ठाणेण । संनिहियसरलयाए सिज्झइ मोक्खो वि लीलाए ॥४६८।। उस्सग्गं अववायं सम्मं पयडेइ तत्थ तत्थ पए । सिझंतसाहुसद्दा सक्खं वागरणविज्ज व्व ॥४६९।। गीयत्थेसु वियड्डा जाणियनिस्सेसभरहमज्झा वि । वीरवइ च्चिय रसिया पराजयंती भवसत्तुं ॥४७०॥ अत्थीणं कप्पलया जसससिसोहंतसयलमहिवलया। पयडीकयजीवदया सुहासया सुव्वया हियया ॥४७१।। सिरिवद्धमाणजिणवरसाहूण समागयाण नमिऊण । सघरे सिज्जादाणा पढमा सिज्जायरी सिद्धा ॥४७२।।
15
१. पितृष्वसा । २. सम्यक्त्वचन्द्रप्रभाप्रभावोल्लसद्गुणनिवहा । ३. विचारेण । ४. वीतमदा । ५. विचरति । ६. अर्थिणां । ७. वसतिदानात् । Jain Education International 2010_02
www.jainelibrary.org
For Private & Personal Use Only
