________________
10
जयन्तीप्रकरणवृत्तिः । गाथा २।३
आणंदनिब्भरमणा थुणइ य सा चंदणा तयं पणया । भगवइ मिगावइ तं सिंहकिसोरी तुमं जाया ॥४३६।। जं कम्मकरिघडाणं दलणसमुच्छलियकित्तिमुत्ताहि । सिवपहसत्थियमंगलमालमियाणि तुमं कुणसु ॥४३७।। एत्थंतरम्मि देवा केवलमहिमत्थमुज्जया इंति ॥ चिंतिअमहो दंती ते खंती ते अहहमुहसंती ॥४३८॥ तह धम्मकप्पतरुणो मूलं विणओ खमाइ तुह लीणो । विबुहनमणिज्जपाया जह सेससिरोमणी जाया ॥४३९।। चउदिसिपसरियगुणगणखीरोयसमुग्गएण जसससिणा । तुज्झ मिगावइ ! भगवइ ! जगत्तई धवलिया कसिणा ॥४४०॥ ससिसूरविमाणागमपेडिसिद्धि(द्धी)एऽणंतकालाओ । अज्जे ! केवलदसणनाणाणं तुज्झ नं लाहो ॥४४१॥ वासंति परिवहंतं मिगावईउवसमस्स सैमसीसिं । विणिवारियरयपडलं विमलं गंधोदयं देवा ॥४४२॥ एवं परिगलिआई झाणपावणेण कम्मदलियाई । पुप्फाई अलिरुएहि मुंचंति य इय वयंति व्व ॥४४३॥ घणकम्मवंसजालीझाणानलदहणसद्दगंभीरो । विम्हयमुप्पायंतो पयट्टिओ दुंदुहिनाओ ॥४४४॥ इय काउणं हिट्ठा केवलमहिमं महारिहं तत्थ । पयडगुणपक्खवाया जहागयं पडिगया देवा ॥४४५।। केवलनाणदिवायरपडिबोहियभवियलोयकमलवणा । सा साहुणीहिं विहरइ सद्धि देसेसु सुरमहिया ॥४४६॥ परमहिमसीलपव्वयनिग्गयजसरासिसुरसरिपवित्तं । इय नियगुरुप्पसाया मिगावईचरियमक्खायं ॥४४७।। तीए य सुओ राया कोसंबीए महिड्डिओ रज्जं ।
पालइ उदयणनामा कुवलयदलसायरोल्लासो ॥४४८।। १. समुद्गतेन । २. स्पर्धया । ३. स्पर्धा । ४. ध्यानजलसमूहेन । ५. हृष्टाः ।
25
Jain Education International 2010_02
For Private & Personal Use Only
www.jainelibrary.org
