________________
जयन्तीप्रकरणवृत्तिः । गाथा २ । ३
तो काऊण पसायं भगवइ ! तं खमसु एगमवराहं । सैयराहं जेणाहां लहेमि सुक्खं अणाबाहं ॥४१०|| एवं पवित्तिणि सा खमावए पायनिहियसिरकमला । पक्खालियपावमला उवसंपज्जंतमोक्खफला ॥४११॥ पडिवयणं अलहंती संचिट्ठइ सुट्टु सुद्धमणपसरा । निद्दापमायवसओ पवित्तिणीए खणं जाव ॥ ४१२॥ ताव मियावइसमणी परिसप्पिरदप्पसप्पफणिन्दमणी । तिणसलइय व्व नमणी उवसमगुणरायपियरमणी ||४१३ ॥ " भावणमेवं भावइ ते धन्ना जे गुरुण मणखेयं । न हु जयंति कयावि हु अवहाणपहाणपसरा ॥ ४१४ || महऽणुवओगो जाओ छउमत्थत्तेण तेण ते धन्ना । जे केवलनाणसिरीसहरिसपरिरंभसुहियंगा ||४१५ ॥
ता कइया महज्झाणं उल्लसिही पइक्खणं च वियसिहि ही । छउमत्थत्तनिबंधणकम्मिंधणधूमधयसरिसं” ॥४१६॥
इह सुद्धभावणाए य रायहंसीए तीए मणकमले । पसरंतीए असेसो रैंएण दूरं रओ क्खित्तो ॥४१७|| निल्लेवियदोसुदया पइक्खणं लेसाविसुद्धहंसपहा । कमलवणं व वियासइ अउव्वकरणं तओ एसा ||४१८|| तो कलियखवगसेणी अइदिढईंदासणी पचूरेइ । उल्लसियवीरित्ता मोहमहापव्वयं सहसा ||४१९॥ अह अहक्खायचरित्तं कल्लाणमहागिरिन्दमारूढा । वीसमिय पढमसमए निद्दं पयलं च नामस्स ||४२०|| पडीओ खवेइ कइवय चरिमे सेसाइं घाइकम्माई । सा सुक्कज्झाणआइमदुभेयसिहरग्गमल्लीणा ॥४२१॥
एयाए सुक्कज्झाणंतरियाए केवलं वरं नाणं । विहुणियपावा पावइ मिगावई लद्धमाहप्पा ||४२२॥
१. शीघ्रं । २. धूमध्वज । ३. वेगेन । ४. अपूर्वकरणं । ५. इन्द्रवज्र ।
For Private & Personal Use Only
Jain Education International 2010_02
३७
5
10
15
20
25
www.jainelibrary.org
