________________
३९२
जयन्तीप्रकरणवृत्तिः । गाथा २५।२६ वन्दित्ता जहवाणं दो वि निसन्नाई अणिमिसच्छाई । वीर जिणं पिच्छन्ती देवाणन्दा अइसिणेहा ॥२०॥ आगइपन्हा जाया सदेवमणुयासुररायपरिसाए । तत्तो गोयमसामी वीरजिणं पुच्छए नमिउं ॥२१॥ भयवं तुम्हाणुवरि होइ सिणेहो समत्थभव्वाणं । देवाणन्दाए पुणो केण निमित्तेण अइनेहो ? ॥२२।। तो कहइ जिणो गोयम ! वसिओ पुष्फोत्तराओ ओइन्ना । बायासी दिवसाई अहं हि एयाए कुच्छीए ॥२३॥ तेणं देवाणन्दा ममोवरिं गुरुसिणेहपडिबद्धा । आगयपन्हा जाया गोयम ! जणणि त्ति जाणाहिं ॥२४॥ सिरिवीरजिणन्देणं एवं कहियम्मि अन्तरंगम्मि । पडिबन्धकारणमिय सोच्चा देवाणन्दा महाणन्दा ॥२५॥ संविग्गा भवभवणुविग्गा विन्नवइ विणयपणयंगी। देवाहिदेव ! दिज्जउ पव्वज्जा मज्झ सिद्धिसही ॥२६॥ तो भयवया विइन्ना तीए दिक्खा समत्थजियरक्खा । संसारतावहरणे दक्खा परिपक्करसदक्खा ॥२७।। तो सिक्खं काऊणं समप्पिया चन्दणाय अज्जाए । पालइ संजमभारं देवाणन्दा निरइयारा ॥२८॥ पञ्चसमिया तिगुत्ता पञ्चिदियनिग्गहम्मि आसत्ता । अइदुक्करं कुणन्ती बज्झंब्भिन्तरतवच्चरणं ॥२९॥ देवाण वि आणन्दं दिन्ती तवचरणकरणजोगेण । पयडियजहत्थनामा देवाणन्दा हवइ समणी ॥३०॥ परिवड्डमाणसुक्कज्झाणानलदड्ढकम्मवणगहणा । उप्पन्नविमलकेवलनाणा सिद्धा सुहसमिद्धा ॥३१॥ एवं तवचरणरया मायामयोहजोहनिम्महणी । नाणइरयणखाणी महासई मियमहुरवाणी ॥३२॥
15
20
25
Jain Education International 2010_02
For Private & Personal Use Only
www.jainelibrary.org
