________________
३८१
जयन्तीप्रकरणवृत्तिः । गाथा २५।२६
अस्सि पउमकुमारे जीवन्ते कह हवेज्ज रज्जसिरी ? । मह तणयस्स भमरी कमलं मुत्तुं किं ? विसइ निम्बे ॥१०॥ केणावि उवाएणं एयं मारेमि जेण महपुत्तो । उवभुंजइ रज्जसिर सग्गे सक्को व्व सच्छन्दो ॥११॥ तहकायव्वमकज्जं बुद्धिमया जह न होइ इहलोए । दुसहो अयसो वाओ पुज्जइ नियओऽभिप्पाओ ॥१२॥ इच्चाइ कमलमाला देवी चिन्तेइ रुद्दझाणट्टा ।
अह गिम्हे वट्टन्ते पउमकुमारो य ललियंगो ॥१३॥ विलसइ नईए मज्झे नावाकडएण तरुण-तरुणीहिं । सद्धि कप्पुरागुरुचन्दणरसभरियसिंगीहिं ॥१४॥ कणयमयाहिं निच्चं नाणाविहगीयनाडयविहीहिं । सुरसरियाए पवाहे जह इन्दो देवदेवीहिं ॥१५॥ तत्तो सवक्कजणणी पउमकुमारस्स मारणोवाए । विसमिस्ससुरहिवासे कारइ गंधप्पिओ जेण ॥१६॥ मज्झट्ठियवासपुडं मंजूसं सा खिवावइ नईए । उवरिं नियपुरिसेहिं दिट्ठा कुमारेण सा इन्ती ॥१७॥ आगयामत्ता गहिया होही अत्थो त्ति इत्थ तुटेणं । उग्घाडियाए तीए दिट्ठो कुमरेण वासपुडो ॥१८॥ अग्घाइओ सहरिसं जिनियमित्तम्मि तम्मि पुडयम्मि । पंचत्तं सो पत्तो कुमरो गन्धप्पिओ पउमो ॥१९॥ इहपरलोयसुहाणं न भायणं जमिह एस संजाओ । गन्धप्पिओ कुमारो तम्हा घाणिन्दियं जिणह ॥२०॥
घ्राणेन्द्रियविषयकथानकं समाप्तम् ॥
15
Jain Education International 2010_02
For Private & Personal Use Only
www.jainelibrary.org
