________________
३७३
जयन्तीप्रकरणवृत्तिः । गाथा २५।२६
सुगुरूपदिष्टजिनवरवचनश्रवणेन शुद्धतरबुद्धिः ।
श्रेष्ठिसुतो जिनदत्तो दृष्टान्तः श्रावकश्चात्र" ॥४६।। तथाहिgs आसि वसन्तम्मि पुरे सेट्ठिनामेण उसभदत्तो त्ति ।
तप्पुत्तो जिणदत्तो रत्तो भत्तो जिणमयम्मि ॥४७॥ घित्तूण महग्घाई कयाणगाइं विचित्तरूवाइं । वाणिज्जेणं संपत्तो महल्लसत्थेण चंपाए ॥४८॥ तत्थऽत्थि सत्थवाहो धणो त्ति नामेण धणसमिद्धो । धणयसमाणो नायरजणम्मि कयरायसम्माणो ॥४९।। तेण समं सम्पन्ना मित्ती जिणदत्तसिट्ठिपुत्तस्स । सरिसगुणाणं जम्हा पाएणं संगयं होइ ॥५०॥ तस्स य धणस्स धूया सव्वंगोवंगसुन्दरा अत्थि । मयणनिवरायहाणी अभग्गसोहग्गसव्वाणी ॥५१॥ नामेणं हारपहा कन्ना तिसमुद्दसारभूया य । रयणावलीव महग्घा अच्चब्भुयतेयगुणकलिया ॥५२॥
अह अन्नदिन्ने भोयणकज्जेण निमन्तिओ धणेणेसो । जिणदत्तो जेणेवं सभावपाविद्धिमुवयाइ ॥५३॥ तेणं उवरोहेणं पडिवन्ने भोयणम्मि धणगेहे । भुंजन्तस्स तओ सा हारपहा तालियंटेणं ॥५४।। धम्मं निवारयन्ती पलोइया तेण निउणदिवीए । सव्वंगं ता विद्धो जिणदत्तो मयणबाणेहिं ॥५५॥ भुत्तुंत्तरम्मि कप्पुरमाइसुरहिम्मि सरसतम्बोले । दिन्ने जिणदत्तेणं गोट्ठीए पुच्छिओ सेट्ठी ॥५६॥ जइ एसा तुह धूया कन्ना ता मज्झ दिज्जउ इयाणि । तो सेट्ठी वि पइम्पइ कहसु कुलं तह य नियधम्मं ॥५७॥ सिटे कुलम्मि भणइ धणो तस्स देमि नियधूयं । सुगुरूणं वयणेणं जो सिवपयपउमसंलीणो ॥५८।।
15
20
25
Jain Education International 2010_02
For Private & Personal Use Only
www.jainelibrary.org
