________________
३४९
जयन्तीप्रकरणवृत्तिः । गाथा २२
तो आयरेण गिन्हइ विणयरओ दिट्ठिवायसुयरयणं । पत्तं ति सुप्पसन्ना तमज्झवयरा वि वियरन्ति ॥५०॥ अह पियरेहिं नायं सन्तुट्टेहिं तओ समाहुओ । पुरिसाइपेसणेणं आगच्छसु धम्मदाणत्थं ॥५१॥ आगमगहणपसत्तो नावगच्छइ जाव रक्खिओ तत्तो । गन्तूण फग्गुरक्खियनामेणं बन्धुणा वुत्तो ॥५२॥ जइ तुब्भे आगच्छह दंसणउक्कंठियाण पियराण । पवज्जं पडिवज्जइ तो सयलो सयणवग्गो वि ॥५३।। जइ एवं पडिवज्जसु दिक्खं तं चेव रक्खिएणुत्तो । रहसेण फग्गुरक्खियभाया गिन्हइ तओ दिक्खं ॥५४॥ गहियाणि य पुव्वाइं नव, दसमद्धम्मि पढियमित्तम्मि । परिकम्मगहणमग्गे खिन्नो सो जइ वि मेहावी ॥५५॥ पुच्छइ भयवं कित्तिय पढियव्वं मज्झ अज्ज वि समत्थि ? । जम्पन्ति अज्जवयरा सरिसवमेरूवमाणेण ॥५६॥ तो पढसु तुमं अज्ज वि चिट्ठइ सुयसायरो अपारो त्ति । भणिए गुरूहि चिन्तइ एयं पढिउं न सत्तोऽम्हि ॥५७॥ विन्नत्तं तेण तओ भयवं ! सयणाण बोहणनिमित्तं । गच्छामि ताव पुणरवि पढिउमहं आगमिस्सामि ॥५८।। इइ विन्नत्ते तेणं उवउत्ता हुन्ति अज्जवयरा वि । कहमेसो निविन्नो अज्झयणे बुद्धिरिद्धो वि ॥५९॥ हुं नायं भवियव्वं दसपुव्वधरेण जं मए चेव । अपच्छिमेण जम्हा एयस्स वि नागमो होही ॥६०|| अज्जयवयरेहिं तत्तो विसज्जिओ एस दसपुरं पत्तो । तोसलिपुत्तगुरूहि कमेण गणहरपए टुविओ ||६१।। पडिबोहिऊण सम्म सयजणं दिक्खिऊण सयलं पि । जाओ जुग्गप्पहाणो गणहारी उज्जयविहारी ॥६२।।
15
20
25
Jain Education International 2010_02
For Private & Personal Use Only
www.jainelibrary.org
