________________
३३८
10
जयन्तीप्रकरणवृत्तिः । गाथा १९।२०।२१ पावट्ठाणरूवं दुहिक्कफलयं दुरन्तपरिणामं । आरम्भरसेणेसो सिञ्चइ संसारवणं गहणं ॥६।। एसो अणाइमिच्छादिट्ठी अहिलसियविसयजम्बालो । परिहरियसुइचरित्तो भवगड्डासूयरो जेण ॥७॥ अह कोसंबिपुरीए तस्सन्तेउरिबलम्मि कहियम्मि । रंजियमणो नरिन्दो सयाणिओ सेडुयदियस्स ॥८॥ कन्नुस्सारं वियरइ पइदिवसं भोयणम्मि दीणारं । तल्लाहलोहबहुविहभोयणवमणेण पुण कोढो ॥९॥ तस्सुप्पन्नो कन्नुस्सारो रन्ना सुयाण तो दिन्नो । निन्दिज्जंतो चिट्ठइ सो घरदारे तिणकुडीरे ॥१०॥ कुद्धो विरुद्धबुद्धी रुद्दज्झाणेण चिन्तए एवं । अविणियकुडम्बं मे घिप्पइ एएण रोगेण ॥११॥ मज्झ समीवे वच्छा ! पसुमेगं आणिऊण बन्धेह । पज्जन्तजन्नजुग्गं मन्तपवित्तं जमिह काहं ॥१२॥ एसो तस्साएसो विहिओ पुत्तेहि तो तणुमलेण । उच्छिट्ठभोयणेणं सो वाही होइ छगलस्स ॥१३॥ जन्नम्मि हए छगले जस्स दले भक्खिए कुडम्बेण । सो सेडुओ पणट्ठो रन्नपविट्ठो दिसामूढो ॥१४॥ परिपक्कपडियहरड्डयबहेडगाईहिं अइकसायल्लं। सेलमयकुण्डसलिलं रविकरतत्तं पियइ तिसिओ ॥१५॥ होइ अणेण विरेयणमणेगहा तस्स किमिकलाकिन्न । तेणेस पत्थभोयणकमेण उल्लाघयं पत्तो ॥१६।। कोसम्बिपुरिनिविट्ठो दिट्ठी हिट्ठो जणेण नीरोगो । कुट्टेण किलमन्तं सो पिच्छइ नियकुडम्ब पि ॥१७॥ मज्झ अवन्नावल्लीए कडुयफलं तुम्ह तेण इय वुत्ते । धिद्धिक्कारहओ सो तओ गओ रायगेहम्मि ॥१८॥
15
20
25
Jain Education International 2010_02
For Private & Personal Use Only
www.jainelibrary.org
