________________
३२०
5
जयन्तीप्रकरणवृत्तिः । गाथा ४।५।६ जुवरायं तह भायं भणइ तओ वच्छ इच्छसु इयाणि । रज्जसिरं परिपालय जेणाऽहं निक्खमिस्सामि ॥१६॥ पडिभणइ कण्डरीओ रज्जसिर चयसि देव ! कीस तुमं? । नरयदुहाणं भीओ जम्पइ इय पुण्डरीओ वि ॥१७॥ तो किन्न वल्लहोऽहं ? तुम्हाणं देव नरयदुहहेउं । तं मह दिज्जइ रज्जं सावज्जारम्भसंरम्भं ॥१८॥ ता रन्ना पडिवुत्तं जुत्तं तुह वच्छ जुव्वणारम्भे । रज्जं चिय मज्झ पुणो पव्वज्जा परिणयवयस्स ॥१९।। परिपालिऊण रज्जं तुमं पि पच्छिमवयम्मि पव्वज्जं । गिण्हन्तो समयन्नू पसंसणिज्जो जए होसु ॥२०॥ जुव्वणवयम्मि गहणे होइ कहवि जइ मोहो । भवियव्वं संसारे तो कन्तारे दुरुत्तारे ॥२१॥ ता वच्छ मह इयाणिं उत्तिमपरिसत्थसाहणसहाओ । पडिवज्जसु वयणमिणं होसु इह तं महाराओ ॥२२॥ एवं पन्नविओ वि हु जुवराया भणइ देव रायसिरी । परिणामदारुणेसा कह गिज्जउ ? जाणमाणेहिं ॥२३।। तारुन्ने वि अरन्ने कह मोहो होइ ? सत्थवाहेसु । सुगुरुसुवलद्धेसुं सिवपुरपहपयडनाणेसु ॥२४॥ संसारभओव्विग्गा जे जीवा हुन्ति सुगुरुपयलग्गा । तेसिं चायपरिणामे वयपरिणामो कहं नेव ? ॥२५॥ ता ताय सव्वहाहं मोहमहारायमाणनिद्दलणो । चउरंगबलसहाओ सिग्घं चिय होमि मुणिराओ ॥२६।। राया वि पुण्डरीओ जुवरायविणिच्छयं मुणेऊण । कारावइ अइगरुयं निक्खमणमहूसवं तस्स ॥२७॥ पडिवन्नचरणभारं जुवरायं कण्डरीयमुणिवसहं । रोमञ्चयगत्तो भणइ निवो वग्गुवग्गूहि ॥२८॥
15
20
25
Jain Education International 2010_02
For Private & Personal Use Only
www.jainelibrary.org
