________________
३६२
10
श्रीधर्मविधिप्रकरणम् तत्तो सामंताईजणेहि तह तरलतुरयघट्टेहिं ।। सव्वत्तो परियरिओ, सो संचलिओ महिड्डीए ॥१३८०।। अह सिरिसुहम्मगणहर-पयपमाहिट्ठियं वणुद्देसं । कोणियराया पत्तो, वज्जताउज्जसंघाओ ॥१३८१॥ उत्तरिऊण गयाओ, मुत्तूण य चमरपाउया छत्ते । पणमिय सुहुम्मसामि, विहिणा पुरओ स उवविट्ठो ॥१३८२॥ अह सिरिसुहम्मसामी, तत्थ सयं सजलजलहरसरेण । जणसवणामयवुड्डिं, धम्मकहं कहइ तप्पुरओ ॥१३८३।। तस्संते नरनाहो, गणहरसीसे निरिक्खिउं सव्वे । जंबुपहुं उद्दिसिउं, पुच्छइ पहुणो सयासम्मि ॥१३८४।। भयवं ! इमस्स रूवं, सोहग्गं तह सरीरतेओ वि । अच्चब्भुयरूवाइं, इय विम्हावंति मह हिययं ॥१३८५।। तिजयजणाहियरूवो, मन्ने मयणो इमस्स रूवेण । निज्जिणिओ लज्जाए , नूणं पत्तो अणंगत्तं ॥१३८६॥ सोहग्गं पि उदग्गं, इमस्स नो वयणगोयरसुवेइ ।। जं दटुं दिट्ठीओ, ठाणं न कुणंति अन्नत्थ ॥१३८७।। एवं पहु ! अधरिसियं, तह अभिगम्मं इमस्स तेओ वि । किं दिणयरचंदाणं, आगरिसिय पिंडियं इत्थ ॥१३८८॥ भयवं ! कह उवमिज्जइ, तेओरासी इमस्स महरिसिणो । जस्स पयनहरुईणं, नज्जइ विज्जू वि दासि व्व ॥१३८९।। अह अक्खइ गणनाहो, जंबूपहुपुव्वजम्मवुत्तंतं । जह सेणियस्स पुव्वं, कहियं सिरिवीरनाहेण ॥१३९०॥ इय अक्खिओ सुहम्मो, भणइ निवो पुव्वभवकयतवेण । रूवं तह सोहग्गं, तेओ वि हु एरिसमिमस्स ॥१३९१॥ एसो केवलनाणी, चरिमो अवसप्पिणीइ एयाए । नरनाह ! चरमदेहो, एयम्मि भवम्मि सिज्झिहइ ॥१३९२॥
15
20
25
Jain Education International 2010_02
For Private & Personal Use Only
www.jainelibrary.org
