________________
नैवेद्यपूजायां कथानकम् ॥
इय एवं सविसेसं पुव्वभवं जाणिऊण हलिदेवो ।
आगच्छइ पइदियहं पुत्तस्स विबोहणट्ठाए ॥९५।। रेयणीए पच्छिमद्धे पइदियह भणइ महुरवाणीए । निसुणसु तुमं नरेसर महवयणं एगचित्तेण ॥९६॥ जं जम्मंतरदिन्नं नेवज्जं जिणवरस्स भत्तीए । तेणेसा संजाया विउला मह ऐत्थ सुररिद्धी ।।९७।। तुज्झ पसाएणं चिय जिणवरधम्माउ पाविया एसा । इन्हि मए महायस तुमं पिता कुणसु जिणधम्मं ॥९८॥ विम्हियमणो विचिंतइ कुमुयनरिंदो वि एस को निच्चं । पढिऊण मज्झ पुरओ पुणो वि अइंसणीहोइ ॥१९॥ अह अन्नदिणे भणिओ को सि तुमं निच्चमेव मह पुरओ । पढिऊण पुणो वच्चसि साहसु अइकोउअं मज्झ ॥१००।। भणिओ सो वि सुरेणं सो हं तुह पुव्वजम्म जणउ त्ति । जिणनेवज्जफलेणं संजाओ सुरविमाणंमि ॥१०१॥ पुणरवि नेहनिबद्धो समागओ तुज्झ बोहणट्ठाए । तम्हा तुमं पि नरवर जिणधम्मे आयरं कुणसु ॥१०२।। भणिओ सो नरवइणा साह तए ताय बोहिओ अहयं । अज्जप्पभिई सरणं मज्झ वि जिणदेसिओ धम्मो ॥१०३।। पडिबोहिऊण पुत्तं जिणवरधम्मेण सो हलीदेवो । संपत्तो सुरलोए भुंजइ हियइच्छियसुहाई ॥१०४।।
१. रयणीइ । २. एस । ३. अहियं । ४. जिणवरधम्मंमि ।
Jain Education International 2010_02
For Private & Personal Use Only
www.jainelibrary.org
