________________
६. नैवेद्यपूजायां कथानकम् ॥
'ढोयइ बहुभत्तिजुओ नेवज्जं जो जिणिंदचंदाणं । भुंजइ सो वरभोए देवासुरमणुयनाहाणं ॥१॥ ढोयइ जो नेवज्जं जिणपुरओ भत्तिनिब्भरमणेण । सो नरसुरसिवसुक्खं लहई कोडंबियनरु व्व ॥२॥ खेमा नामेण पुरी निवसइ भरहस्स मज्झ्यारंमि । जा सुरपुरि व्व निच्चं सुरभवणविभूसणं अत्थि ॥३।। सूरु व्व जो अरीणं तेएणं ससिहरु व्व लोयाणं । परिवसइ तत्थ राया नामेणं सूरसेणु त्ति ॥४॥ धन्ना नामेण पुरी आसि पुरा तस्स राइणो वंसे । सीहद्धउ त्ति राया सुपसिद्धो धीरसत्तेण ॥५॥ तीए नयरीए तइया पवेसमग्गंमि महरिसी एगो । कयनियमो ज्झाणत्थो न चलइ सो निययनियमाओ ॥६॥
१. नरो हलियपुरिसु व्व । २. विभूसिया । ३. जयइ । ४. पणयाणं । ५. वीरसत्तेण ।
★ प्रत्यन्तरे प्रथमं श्लोकं नास्ति ।
Jain Education International 2010_02
For Private & Personal Use Only
www.jainelibrary.org
