________________
४६
विजयचंदचरियं एवंति पभणिऊणं दिव्वालंकारभूसियं काउं । कंचणपउमे मुत्तुं देवो अदंसणीहूओ ॥११७॥ जीव तुमं भणइ जणो सीसे पुष्फक्खये खिवेऊण । नियजीवियदाणेणं जीए जीवाविओ भत्ता ॥११८।। तुट्ठो तुह सत्तेणं वरसु वरं जंपिए पियं तुज्झ । भणिया पइणा पभणइ देव वरो मह तुमं चेव ॥११९॥ जीवियमुल्लेण तए वसीकओ हं सया वि कमलच्छि । ता अन्नं करणीयं भणसु तुम भणइ सा हसिउं ॥१२०॥ जइ एवं ता चिट्ठउ एस वरो सामि तुह सेयासम्मि । अवसरवडियं एवं पेच्छिस्सं तुह संयासाओ ॥१२१॥ अह अन्नया रईए भणिया पुत्तत्थि तीए कुलदेवी । जयसुंदरिपुत्तेणं देमि बलिं होउ मह पुत्तो ॥१२२।। भवियव्वयावसेणं जाया दुन्हं पि ताण वरपुत्ता । बहुलक्खणसंपुन्ना सुहजणया जणणिजणयाणं ॥१२३।। तुट्टा रई विचिंतइ दिन्नो कुलदेवयाए मह पुत्तो । जयसुंदरिपुत्तेणं कह कायव्वा मए पूआ ॥१२४॥ एवं चिंतंतीए लद्धो पूयाए साहुणोवाओ । नरवइवरेण रज्जं काऊण वसे करिस्सामि ॥१२५।। इय चिंतिऊण तीए अवसरपत्ताए पभणिओ राया । जो पुट्वि पडिवन्नो सो दिज्जउ मह वरो सामि ॥१२६।।
१. मोत्तुं । २. सगासंमि । ३. पच्छिसं । ४. सगासाओ । ५. पुत्तत्थिणीइ । ६. मे । ७. संजुत्ता । ८. सोहणोवाओ । ९. कज्जेण ।
Jain Education International 2010_02
For Private & Personal Use Only
www.jainelibrary.org
