________________
फलपूजायां कथानकम् ॥
कीरभवे जा भज्जा जिणिंदचंदस्स फलपयाणेण । मरिऊण समुप्पन्ना रायपुरे राइणो धूया ॥३७॥ जं दिन्नं मज्झ फलं पुब्बि तुमए जिणिंदचंदस्स । तस्स फलं मह एसा संजाया कुमर सुररिद्धी ॥३८॥ तुमए गब्भंमि ठिए अगाल अंबेसु दोहलो जाओ । सो फलदाणेण मए पूरिओ तुज्झ जणणीए ॥३९।। जा तुह सुयभवभज्जा सा संपइ समरकेउणो धूया । नरवइणो रायपुरे वट्टई य सयंवरो तीए ॥४०॥ चित्तपडियाइ लिहियं सुयमिहुणं ठाविऊण नियचिंधे । वच्चसु तुमं महायस सयंवरे तीए कन्नाए ॥४१॥ सा दटुं सुयमिहुणं सैमरिय नियजाइजायसंतोसा । तुह उवरिं वरमालं खिवही नत्थि त्थ संदेहो ॥४२॥ इय भणिऊण देवो कहिऊण य पुव्वजम्मसंबंधं । कुमरेण वि पडिवन्ने संपत्तो निययठाणंमि ॥४३।। कुमरो वि य संपत्तो सयंवरे तीइ चंदलेहाए । दिट्ठो सो सुयचिंधो सयंवरे रायकन्नाए ॥४४॥ तं दटुं सुयमिहुणं जाईसरणं विचिंतियं तीए । सो कीरो इह कुमरो अहयं चिय सा सुई चेव ॥४५॥ भणिया सा नियपिउणा पुत्ति तुमं निच्चलाइ दिट्ठिए । दट्टणं सुयजुयलं पुणो पुणो किं पलोएसि ॥४६।।
१. जो गब्भंमि ठिइए तइ । २. लिहिऊण । ३. सुमरिय । ४. जायं सरिऊण ।
____Jain Education International 2010_02
For Private & Personal Use Only
www.jainelibrary.org
