________________
७८०
श्री प्रश्नव्याकरण सूत्र
निग्गततिलोक्क-विपुलजसनिविडपीणपवरसुजातखंधो, पंचमहव्वयविसालसालो, भावणतयंतज्झाणसुभजोगनाणपल्लववरंकुरधरो, बहुगुणकुसुमसमिद्धो, सीलसुगंधो, अणण्हवफलो, पुणो य मोक्खवरबीजसारो, मंदरगिरिसिहरचूलिका इव इमस्स मोक्खवरमुत्तिमग्गस्स सिहरभूओ, संवरवरपादपो चरिमं संवरदारं।
जत्थ न कप्पइ गामागर-नगर-खेड-कब्बड-मडंब-दोणमुहपट्टणा-ऽऽसमगयं च किंचि अप्पं व बहुं व अणु व थूलं व तसथावरकायदव्वजायं मणसावि परिवेत्तु, ण हिरन्नसुक्नखेत्तवत्थु, न दासीदासभयकपेसहयगयगवेलगं च, न जाणजुग्गपयणाइ, ण छत्तकं न कुडिया, न उवाणहा, न पेहुणवीयणतालियंटका, ण यावि अय-तउय-तंब-सीसक-कंस-रयत-जातरूव-मणिमुत्ताधार-पुडक-संख-दंत-मणि-सिंग-सेल-काय-वरचेल-चम्म-पत्ताई महरिहाई परस्स अज्झोववायलोभजणणाई परियड्ढेउं गुणवओ, न यावि पुप्फफलकंदमूलादियाइ, सणसत्तरसाइ सब्वधन्नाइ तिहि वि जोगेहिं परिधेत्तु ओसहभेसज्जभोयणट्ठयाए संजएणं । किं कारणं ? अपरिमितणाणदंसणधरेहिं सोलगुणविणयतवसंजमनायकेहिं, तित्थयरेहि, सव्वजगज्जीववच्छलेहि, तिलोयमहिएहिं जिणवरिदेहिं एस जोणी जंगमाणं दिट्ठा, न कप्पइ जोणिसमुच्छेदो त्ति तेण वज्जति समणसीहा, जंपि य ओदणकुम्मास-गंज-तप्पण-मंथु - भुज्जिय-पलल - सूप - सक्कुलि-वेढिमवरसरक - चुन्न-कोसग-पिंड - सिहरिणि - वट्ट - मोयग - खीरदहि-सप्पि-नवनीत-तेल्ल-गुल - खंड-मच्छंडिय-मधु - मज्ज-मसखज्ज क-वंजण-विधिमादिकं पणीयं उवस्सए परघरे व रन्ने न कप्पती, तंपि सन्निहिं काउं सुविहियाणं, जं पि य उद्दिट्ठठवियरचियगपज्जवजातं पकिण्ण-पाउ करण-पामिच्चं, मीसकजायं,
